A29開辦後,東九龍機場線討論

原帖由 transbus 於 2011-10-4 11:03 發表
其實只要滿足以下要求就可以:

九龍方面:
- 慈雲山用龍翔道入大嶼山,
我估咁耐以o黎會落山轉E22 o既人比直接搭E23多
- 順秀用九龍價18蚊來回,
其實E22B 5年o黎一直冇雙向分段係大錯, 24蚊返九龍係致命傷之一
- 樂富+麗港城+廣田+油塘:
暫時保住現有大嶼山線模式就可以

基本上飛機客根本冇幾可夾到繁忙時間線班次,
我自己飛幾次長途, 都係A22轉1A,
E線行李架少位, 車程長又難夾check-in,
接送機反而會揀E線, 去東涌返歸, 夾o岩時間就首選搭E22B, 再行返落曉光街.

愚見認為, 東九龍A線行山上住宅, 全日30分一班, 專做飛機客,
EP繁忙時間線, 星期一至五只對開幾班, 服務山上各區, 主打機場後勤同東涌返工客,
可考慮開兩條, 一條四彩+慈雲山+竹園+樂富, 後經龍翔道, 放棄歌和老街,
一條油塘+藍田+秀茂坪+四順+彩虹坪石 (彩虹後可考慮係咪不停站直飛),
E線正線全日服務山下, 針對地鐵, 最正路,
反正拖大o急o既飛機客, 較少介意俾貴o的搭A線,
直行觀塘道+龍翔道o既E線, 又可以用平價快捷做優勢.
依家A線o係觀塘道幾乎載空氣,
而觀塘道沿線冇乜聲氣將來會起更多酒店,
所以唔想再比A線落觀塘道, 又或者真有需要, 可以將A29西行加站加分段.
啟德碼頭將來再處理.

將軍澳方面:
- 翠林康盛當然最好行寶達出市區
- 當初規劃將軍澳隧道, o係正市鎮中間,
無論A線E線, 無論寶林開定調景嶺開,
寶林坑口將南三國鼎立, 肯定有至少一區要陪兜, 打死無怨.
選行最直接街道, 就有機會減少車程時間.

如是者我會建議:
- A線: 參考板友建議, 主打中產區,
康城開經將軍澳站+調景嶺, 觀塘道+龍翔道設站, 後直達機場
- E線: 坑口開經寶林+翠林+康盛+寶達,
後不停站經秀茂坪道+順利村道落彩虹上客,
可考慮停鑽石山+黃大仙, 後直達東涌+機場

公屋區直達機場: 可選擇E線坐到落尾, 或青馬轉A線
中產區入東涌+後勤區: 可選青馬轉E線, 或直接搭地鐵/+S線

慈雲山去機場的確用龍翔道會快好多
但問題係條線只做慈雲山,加埋黃大仙/樂富/九龍塘
夠唔夠養起一條線?
若果要觀塘線上去慈雲山,觀塘客又唔會肯
(唔計行車時間,只計感覺已經太差)
所以城巴迫住拉E23上去

A線之所以喺觀塘道近乎載空氣
好大程求係因為A22太兜
當A22同E22行車時間相差唔明顯嘅時候
我何解要畀貴咁多坐A22?
但A29停觀塘道就唔同講法
A29對於觀塘道而言係快,所以唔介意畀貴d

呢個亦都係我之前建議A29停埋觀塘道
但E22要減到20分鐘一班
目的就係迫觀塘道搭A29,而放棄E22
(喺城巴角度,左手交右手,賺多d仲有著數)

至於觀塘山上,究竟開A線定E線?
個人prefer開E線多過A線
that's why我建議E22A同E22B聯合班次入埋樂富同九龍塘
咁E22可以略略減少行車時間,唔怕區議會話迫住搭A29
(雖然目的係咁,但唔可以做得太出面)

將軍澳方面,閣下諗得太理性化喇
依家係將北陪兜咗咁多年
城巴終於開番條A29特快
閣下又將條A線改去服務將南?
現實冇可能發生呢個情況

原帖由 transbus 於 2011-10-4 11:03 發表

愚見認為, 東九龍A線行山上住宅, 全日30分一班, 專做飛機客,

東九龍山上以公屋為主，其實唔適合用A線服務，
而且估你都係想拉A22，A22比起E22A逆走，或者E22B，唔見得有時間優勢。
雖則話通勤客有特車，但係機場通勤本身同巿區通勤唔同，
咩時間都有人返放工。

- A線: 參考板友建議, 主打中產區,
康城開經將軍澳站+調景嶺, 觀塘道+龍翔道設站, 後直達機場
- E線: 坑口開經寶林+翠林+康盛+寶達,
後不停站經秀茂坪道+順利村道落彩虹上客,
可考慮停鑽石山+黃大仙, 後直達東涌+機場

調景嶺一樣有公屋，所以條將軍澳E線點都要入將南，
反而寶邑路兩邊係居屋，豪宅同酒店，所以E線可以放棄寶邑路，交俾A線做。

至於E線，既然路經秀茂坪同四順，我睇唔到理由點解要唔停站，
反而直頭應該學取消前的E22B，入去秀明道、利安道。

另外就係，寶林同坑口已經有A29，無理由拉走條又搶到錢，又快過E22A的A線。

原帖由 JX9097 於 2011-10-4 11:34 發表


咁行法快係快,不過乜客都冇
調景嶺同尚德完全掂唔到

唔兜調景嶺，起碼都應該要做埋尚德。http://goo.gl/xbb3o
而且將軍澳站既客可以入總站搭，唔駛拎住行李日曬雨淋，仲好。

[ 本帖最後由 3AV53 於 2011-10-4 12:18 編輯 ]

原帖由 JX9097 於 2011-10-4 11:34 發表


咁行法快係快,不過乜客都冇
調景嶺同尚德完全掂唔到

我建議咁行其實係為左服務到最接受到俾貴少少換特快的中產區同酒店。
A29無理由學E22A咁兜足成個將南，因此寶邑路同唐明街只可以二揀一，
咁當然揀前者。而調景嶺就入唔入都無所謂（不過如果係E22A逆走，就無得唔入），
不過入埋的話，就無得唔加車；就算唔加到20分鐘一班，都要加一架車先掂。

原帖由 transbus 於 2011-10-4 11:03 發表
愚見認為, 東九龍A線行山上住宅, 全日30分一班, 專做飛機客,
EP繁忙時間線, 星期一至五只對開幾班, 服務山上各區, 主打機場後勤同東涌返工客,
可考慮開兩條, 一條四彩+慈雲山+竹園+樂富, 後經龍翔道, 放棄歌和老街,
一條油塘+藍田+秀茂坪+四順+彩虹坪石 (彩虹後可考慮係咪不停站直飛),
E線正線全日服務山下, 針對地鐵, 最正路,
反正拖大o急o既飛機客, 較少介意俾貴o的搭A線,
直行觀塘道+龍翔道o既E線, 又可以用平價快捷做優勢.
依家A線o係觀塘道幾乎載空氣,
而觀塘道沿線冇乜聲氣將來會起更多酒店,
所以唔想再比A線落觀塘道, 又或者真有需要, 可以將A29西行加站加分段.
啟德碼頭將來再處理.

山上公屋多,無酒店
用 E 線行全日其實十分適合
而且將軍澳山上同東九山上其實係好順路
而且客源相似,所以唔建議拆開佢

觀塘道果度,其實我既意見同上面部份版友相似
就係用 A29 做主導,再用 E22 做輔助
因為觀塘道係觀塘巿中心,有 A 線好合理
依家搞成咁只係因為 A22 定線出事...

如是者我會建議:
- A線: 參考板友建議, 主打中產區,
康城開經將軍澳站+調景嶺, 觀塘道+龍翔道設站, 後直達機場
- E線: 坑口開經寶林+翠林+康盛+寶達,
後不停站經秀茂坪道+順利村道落彩虹上客,
可考慮停鑽石山+黃大仙, 後直達東涌+機場

公屋區直達機場: 可選擇E線坐到落尾, 或青馬轉A線
中產區入東涌+後勤區: 可選青馬轉E線, 或直接搭地鐵/+S線

其實將南有公屋,將北一樣有私人樓
所以咁用 A/E 線分實在係唔合理
何況條''將南專線''都唔會夠客...
相反,坑口就焗兜,
而經秀茂坪順利又唔停係無咩可能...

原帖由 3AV53 於 2011-10-4 12:13 發表

唔兜調景嶺，起碼都應該要做埋尚德。http://goo.gl/xbb3o
而且將軍澳站既客可以入總站搭，唔駛拎住行李日曬雨淋，仲好。

其實我會建議行完唐俊街之後右轉唐明街
經尚智樓去靈實入隧道
咁就可以再快些少

p.s.當然,首先要運吉開放唐俊街右轉唐明街
      (巴士專線都冇問題)

可唔可以將咁多區分下組:
A: 將軍澳/觀塘市中心/龍翔道
B: 彩虹道/九龍城上路/何文田/佐敦
C: 藍田//觀塘市中心/龍翔道
D: 將軍澳//龍翔道
E: 油塘/藍田(南)/秀荗坪/四順/龍翔道
F: 九龍城/土瓜灣/紅磡/佐敦
G: 慈雲山/竹園/樂富/九龍塘/石峽尾

個人認為咁會比較好
A22 九龍灣->啟麗->土瓜灣上路->佐敦->...
A29 寶琳->坑口->尚德->調景嶺(健明)->觀塘道(創紀, 牛下)->龍翔道(紅萼樓, 鑽地, 黃大仙中心, 天馬苑, 畢架山花園)->...
E22 廣田->油塘->啟田->觀塘道(創紀, 牛下)->龍翔道(紅萼樓, 鑽地, 黃大仙中心, 天馬苑, 畢架山花園)->東涌北->東涌市->...
E22A 調景嶺->寶邑路->坑口->寶琳->翠林->寶逹->秀茂坪道->順利村道->新清->龍翔道(紅萼樓, 鑽地, 黃大仙中心, 天馬苑, 畢架山花園)->東涌市->...
E22B 富山->蒲崗村道->茲雲山道->竹園村道->馬仔坑道->富美街->聯合道->歌和老街->又一村->大坑東道->大坑西街->南昌街->東涌市->
E23 九龍城碼頭->土瓜灣下路->態利街->紅磡道->紅磡繞道->梳士巴利道->廣東道->渡船街->東涌市->..

最主要係合併番CDE做兩組黎配合E22A逆走.

[ 本帖最後由 dippy 於 2011-10-4 22:26 編輯 ]

原帖由 dippy 於 2011-10-4 22:23 發表
個人認為咁會比較好
A22 九龍灣->啟麗->土瓜灣上路->佐敦->...
A29 寶琳->坑口->尚德->調景嶺(健明)->觀塘道(創紀, 牛下)->龍翔道(紅萼樓, 鑽地, 黃大仙中心, 天馬苑, 畢架山花園)->...
E22 廣田->油塘->啟田->觀塘道(創紀, 牛下)->龍翔道(紅萼樓, 鑽地, 黃大仙中心, 天馬苑, 畢架山花園)->東涌北->東涌市->...
E22A 調景嶺->寶邑路->坑口->寶琳->翠林->寶逹->秀茂坪道->順利村道->新清->龍翔道(紅萼樓, 鑽地, 黃大仙中心, 天馬苑, 畢架山花園)->東涌市->...
E22B 富山->蒲崗村道->茲雲山道->竹園村道->馬仔坑道->富美街->聯合道->歌和老街->又一村->大坑東道->大坑西街->南昌街->東涌市->
E23 九龍城碼頭->土瓜灣下路->態利街->紅磡道->紅磡繞道->梳士巴利道->廣東道->渡船街->東涌市->..

麗港城呢?
仲有九龍城(不是碼頭)無左E車喎

漏o左一點:
四順行順利村道, 各村仲有平坦行人路可以拖o急行出去搭車,
秀茂坪就行秀明道較好,
因為無論上下秀都要搭登山電梯再搭車,
行秀茂坪道會令曉光街客拖o急唔方便, 偏向落觀塘轉車,
行中秀就可以集中客源,
但壞處係秀茂坪以東o既客,
無論係將軍澳出城, 或者油塘藍田過山, 都要陪兜入中秀.