工會促重啟九龍東單軌鐵路

chikng2227 發表於 2022-8-19 11:38
【網絡熱話】九大發展商為拯救啟德跑道區自組公司 網民表示政府去咗邊度？

投得跑道區地皮的九家發展商包 ...

首批賣137伙，結果得42伙賣出，你話d投資者對跑道區前景幾唔明朗？

cruisesnet 發表於 2022-9-14 01:06
都係，又可以避開避風塘條天橋

其實用啟德橋過對面已經得啦

jpoon 發表於 2022-9-13 03:07
1. 興建期間點都要封路起路軌吧？
2. 共用路段車站點搞？
3. 啟德體育園至宋皇臺站一段未必可以畀你咁起， ...

1）封唔起路軌當然要啦，本身單軌啲墩都要封路起
2）九龍灣如果唔想混合路權，可以行高架，無沐翠街同九龍灣行動區接返落地面
3）啟德車站廣場本身大把open space，亦規劃咗有單車徑，將單車徑改做電車軌就得
4）美食海灣就係體育園旁邊，食到體育園人流。而體育園其實主要係靠宋王台站疏導人流，電車係輔助係人流頂峰時分流

jpoon 發表於 2022-9-15 03:33
其實用啟德橋過對面已經得啦

係，根本唔洗用咁多錢起條新橋

chikng2227 發表於 2022-9-13 15:37
愚見認為可以架空路軌由翠屏河上方入，跨過觀塘道，再轉入福塘道巴士總站上方設站，就入到觀塘。 ...

其實沿住觀塘繞道，高架單軌淨係行海濱，接駁到近住觀塘碼頭就得，唔一定要入舊區

KTRW2022 發表於 2022-9-15 12:23
3）啟德車站廣場本身大把open space，亦規劃咗有單車徑，將單車徑改做電車軌就得
4）美食海灣就係體育園旁邊，食到體育園人流。而體育園其實主要係靠宋王台站疏導人流，電車係輔助係人流頂峰時分流

3) 係講緊你由跑道邊入去宋皇臺站一段喎，有冇位畀你起先

個主場館響正海邊，無論去宋皇臺站同啟德站都比較遠，有電車啲人會唔搭？但電車一班畀盡你140人，根本疏導唔到人流
(副場館就較近車站廣場)

jpoon 發表於 2022-9-15 13:39
3) 係講緊你由跑道邊入去宋皇臺站一段喎，有冇位畀你起先

個主場館響正海邊，無論去宋皇臺站同啟德站都比 ...

本身個到預咗起單車徑，將單車徑嘅空間比電車就得

根據電車公司數字，每列電車可以最多170人。如果人流頂峰時，可考慮增加班次或兩卡車連住行。但點都好，電車每卡載客量係高於單軌。

政Whats噏：討論單軌列車政府屢缺席 　區議員揚言發最後通牒



政府早於2009年提出「啟德環保連接系統」計劃，討論喺啟德、九龍灣、觀塘周邊實施單軌鐵路，但2020年政府擱置該計劃。九龍城交通及運輸委員會今日(15日)開會，促請政府重啟連接觀塘嘅啟德單軌項目，但土木工程拓展署並未有派人出席。區議員張景勛話，啟德面臨交通擠塞，新嘅水上的士只係觀光用途，並非用於惠及居民，到時啟德有大型活動，恐怕屆時造成更嚴重嘅交通問題。佢促請政府部門下次會議派員出席，否則將會聯同議員向政策局追數。



會議上，區議會主席何顯明話，單軌在於循環線、多車卡，可以迅速將市民送去各地鐵出入口，加強接駁用途，希望政府考慮。區議員左滙雄直言，單軌列車有需求，政府唔可以話因為成本問題，就將十年研究計劃胎死腹中，認為成本有問題應該諗辦法降低成本，向市民提供折衷方案，而非直接放棄十年嘅時間同資源。

提出議案嘅張景勛引述政府表示，啟德郵輪碼頭提供水上的士，但佢認為水上的士只係觀光用途。先唔講水上的士喺疫情期間停駛，就算平日頭班船都只係早上11點，已經錯過返工時間，未能便利居民。佢又估計如果啟德有大型盛事，嚟參觀同遊玩嘅市民將數以萬計，單單靠水上的士、附近嘅巴士路線、港鐵等根本難以疏導，促請政府重新考慮單軌方案。

之不過，土木署未有派員出席該次會議。張景勛直言已經唔係第一次，下次交通及運輸委員會續會嘅時候，將會再討論呢個議題，希望屆時政府派員出席，揚言如果都係唔見影嘅話，將會聯同議員向政策局局長追數咁話喇。對於有議員曾經提出單軌鐵路避開觀塘區等技術難點，即由九龍灣連接至郵輪碼頭，張景勛認為單軌本就為疏導啟德以及觀塘嘅交通問題，需堅持連接到觀塘，甚至乎連接埋牛頭角一帶。

===================================================

連九龍城區議會都出來加持，似乎真係要推郁佢為止。

chikng2227 發表於 2022-9-16 13:15
政Whats噏：討論單軌列車政府屢缺席 　區議員揚言發最後通牒

為何區議員一定要單軌鐵路，輕鐵、電車唔得ge。

Kelvin15190 發表於 2022-9-16 15:37
為何區議員一定要單軌鐵路，輕鐵、電車唔得ge。

今日啟德區議員係電台節目有提及可考慮現代化電車，仲提到大部份地區行高架、去到觀塘就行返海濱地面