荃灣線油麻地至佐敦服務暫停已回復正常

原帖由 hkbw 於 2010-10-21 22:44 發表


一開始根本無提話佐敦到中環有服務, 個個梗係咁轉啦..

我諗會好少少，但係作用都係有限，始終佐敦至中環段只維持到平日三分一的班次。

原帖由 |_arco 於 2010-10-21 23:12 發表

好多客跟本唔知道其實由紅磡站行去佐敦都係10-15分鐘
今日先試完

其實油麻地行去佐敦都係10-15分鐘

原帖由 hkbw 於 2010-10-21 10:44 PM 發表


一開始根本無提話佐敦到中環有服務, 個個梗係咁轉啦..

今早我8:55於青衣入閘﹐於入閘前﹐東涌線列車上﹐南昌站以及西鐵去紅磡﹐全部有廣播講得好清楚佐敦去中環是6分鐘一班車﹐油麻地去荃灣4分鐘一班車。

西鐵仲要每一個站開車都講一次。

原帖由 dennis28a 於 2010-10-21 20:46 發表


如果要對受影響乘客搞免費乘車，唔止係荃灣線出入閘既乘客，
係連全部經荃灣線乘客都要免費。

記住，當年九鐵免費乘車，因為受影響既路線模式少，
仲有，當年地鐵都有為將軍澳線乘客整免費乘車，不過限制左出入閘地點。
而家東鐵線、觀塘線、港島線都有人經荃灣線，我真係唔知點比佢地免費搭車？

唔好下下得個講字，不妨提議下點搞免費乘車，
我就睇下你點提議個方案比港鐵睇。

其實有冇 "免費乘車" 我冇意見, 不過你講的技術問題我覺得根本唔存在. 你都識講 "東鐵線、觀塘線、港島線都有人經荃灣線" 啦, 即是起碼呢堆鐵路的乘客一樣受事故影響, 點解要將佢地排除出 "免費乘車" 之外呢? 同埋今次事件係油麻地站一件設施出問題, 係一件個個站都可能有的設施, 點解會有人認為呢個係荃灣線的問題呢? 所以如果話係全個系統 (或者起碼荃灣觀塘港島三線) 的問題都不為過, 以此要求全線 "免費乘車" 都叫有理由支持.

既然如此, 不如返正題, 講下究竟值唔值得用 "免費乘車" 的方法去挽回乘客芳心, 或者冇的話會唔會有人轉投其他交通工具好過 .......

原帖由 mmlcs36 於 2010-10-21 10:52 PM 發表
至於接駁巴士轉出去九龍站及柯士甸站
想也不用想
1黎東涌線都已經食唔哂
2黎只係去到柯士甸，D客仲糟得西利

今早﹐東涌線有派吉車通過青衣站去荔景起載客。

而我坐的一班車﹐便是這一班吉車2分鐘之後開出。此班車都是吉車由青衣開出﹐去到荔景已經企滿人﹐有人上唔到車﹐南昌情況更不用講。
而相同時段平時只會有人唔想上車﹐上車後雖要企﹐但仍有鬆動空間的。

原帖由 mmlcs36 於 2010-10-21 11:27 PM 發表
問題係教人搭車係叫人東涌/將軍澳線迂回先死

如果有去過紅磡站月台﹐都會知道繁忙時間2線轉車其實係很多人的﹐月台所能應付的人流﹐包括轉車及入站出站的人﹐平時雖未到極限﹐但都不是理想的情況﹐今早都有不少人於紅磡轉西鐵去尖東﹐真係排西鐵都排到東鐵月台。

而尖東站及尖沙咀站﹐出入閘機及轉車隧道﹐又係平日已經多人﹐我估MTR 都怕應付唔到今次增加的人流﹐同時唔想再額外抽人手去這2個站﹐而列車又唔多﹐6分鐘一班﹐所以不推介此方法給大家﹐留番比心水清的朋友用﹐減低3個車站的人手壓力。