點解城巴叫深旺道/海達總站做「長沙灣西」？

Gary_B 發表於 2023-7-17 20:40
長沙灣西既118總站隔離係新開既深水埗康樂設施大樓

深水埗欽州街總站隔離係長沙灣政府合署

有啲命名係先後次序問題，有啲係建築物區域代表性問題。

長沙灣政府合署起好果陣已經有深水埗政府合署(元州街55號)，所以用左長沙灣(道)政府合署命名。
康樂文化/文化康樂大樓似乎就以大區份命名，例如屏山天水圍、元朗，又例如深水埗(區)運動場位於長沙灣。

on11358 發表於 2023-7-17 21:22
有啲命名係先後次序問題，有啲係建築物區域代表性問題。

長沙灣政府合署起好果陣已經有深水埗政府合署( ...

咁都只係解釋叫長沙灣(深旺道)定深水埗(深旺道)，依家係九巴都叫深旺道/海達既時候城巴走去自己作個長沙灣西出黎，咁係唔係九巴118同城巴118係去唔同地方?

ricky 發表於 2023-7-17 21:12
應該係F2選區內搵唔到一個代表屋苑命名，所以叫地名做選區名。

總之嗰個框就係長沙灣啦

selfcloser 發表於 2023-7-17 22:32
總之嗰個框就係長沙灣啦

果度係，但以外的選區都係。

ricky 發表於 2023-7-17 23:27
果度係，但以外的選區都係。

區會分界同命名一向得啖笑
而日常使用上，長沙灣亦明顯唔係同其他例如麗閣或富昌等同一level

shakugan2005 發表於 2023-7-17 22:06
咁都只係解釋叫長沙灣(深旺道)定深水埗(深旺道)，依家係九巴都叫深旺道/海達既時候城巴走去自己作個長沙 ...

留意返網頁/apps都係寫長沙灣(深旺道)，唔存在兩間公司唔同地名問題。

而家講緊電牌轉頁係深水埗>長沙灣西就係要突顯唔會經長沙灣地鐵站一帶，
如果轉頁長沙灣>深旺道只會更加令人混亂，
會以為部車去荔枝角站果個長沙灣總站，
深旺道由大角咀去到長沙灣海麗邨，更加唔可以獨立成一頁電牌。

ricky 發表於 2023-7-17 23:27
果度係，但以外的選區都係。

框外係深水埗呀區議會話

ccchhhuuunnn 發表於 2023-7-17 23:35
區會分界同命名一向得啖笑
而日常使用上，長沙灣亦明顯唔係同其他例如麗閣或富昌等同一level
...

選區未必係地名，好似都係屋邨/屋苑、街道名。

herman15hk 發表於 2023-7-17 14:43
荔枝角站個名係搞到錯哂
原本1970年建議方案個名係最正路，現荔枝角站叫長沙灣，現美孚站返叫荔枝角，現 ...

政府唔會主動做地方劃界命名，一路玩緊約定俗成\
連部門之間都冇統一標準
變咗交通機構可以互相『抗衡』嚟爭奪話語權
政府一般會揀最後贏嗰個，但呢個過程講緊係20年以上

例如『佐敦』因地鐵站而深入民心，巴士無力抗衡照跟（e.g. 佐敦匯翔道總站），順理成章政府都當咗地名咁用
但『長沙灣』就因為爭議太大，巴士成功抗衡到地鐵，變相政府就會喺長沙灣深水埗上就搖擺不定
又例如『奧運』一名，係臨開線先因為奧運金牌而改，本身就係叫大角咀站，政府路牌亦插咗『大角咀西』，立法會文件都set咗叫『大角咀西九龍填海區』，所以就算日後地產佬同地鐵點宣傳都好，政府都係堅持做大角咀。

ricky 發表於 2023-7-17 21:12
應該係F2選區內搵唔到一個代表屋苑命名，所以叫地名做選區名。

係 嗰個係選區命名，同地方名係無關
不過地產佬就係用呢招
例如規劃署將周邊統稱做『長沙灣分區計劃大綱』
結果誠哥攞住呢個大綱將深水埗海壇街愛海頌夾硬改做長沙灣