北區巴士線明顯不足問題

原帖由 qkps2 於 2009-9-2 16:29 發表

我想講北區喎
如果你有興趣下次講另一區囉
不過哩個post 都係講北區啦

你呢種行徑同民主黨果班區議員完全無分別
尤其是係潘忠賢同羅世恩呢兩個..  

qkps2..算吧啦...我其實都贊成你既意見...我都覺得巴士起北區真係差..
巴士公司又好似佢地咁...話全北區既人都淨係搭火車..所以未無需要開巴士線

甘本係...北區都無巴士開...咁d人唔搭火車...搭咩出九龍呢...咁未有個錯覺好似d人剩係識搭火車law

算吧啦唔好同你唔同意見既人發火...半年前`我起度同佢地講373...直情講到無朋友....不過我實卜你

再講多句..我都係北區住..仲住左廿幾年

原帖由 fredfred 於 2009-9-7 16:43 發表
qkps2..算吧啦...我其實都贊成你既意見...我都覺得巴士起北區真係差..
巴士公司又好似佢地咁...話全北區既人都淨係搭火車..所以未無需要開巴士線

甘本係...北區都無巴士開...咁d人唔搭火車...搭咩出九龍呢...咁未有 ...

你認為北區人既搭車習慣會因為九龍公司肯改好 d 巴士服務而改變 , 想錯你既心呀  

以事論事...唔係玩針對...點解你覺得唔係呢?哈

我覺得唔係，
正如你話373，好多人見佢太貴都寧願轉車，
通常坐373都係想一程過訓餐好。但行程唔穩定，
我坐親佢我都提心吊膽驚遲到。

香港人坐車的心理係要最快到目的地，班次要夠頻密，時間可以預算，然後就到收費平。
北區最大問題係，南下公路配套受其他新市鎮支配，北部又有過境車輛行經，
唔似其他新市鎮可以有自己的公路可以直達市區。
大埔沙田新市鎮出市區道路吞吐量無屯門元朗咁好。故此道路交通隱藏因素不明朗。
始終，去到沙田，獅子山隧道公路又可能塞下，沙田市中心大埔公路又可能塞下，
大老山隧道公路又可能塞下，窩打老道又可能塞下，東區走廊塞硬。返工返學如臨大敵。
乘客係咪真係咁易接受呢？

另一方面，上水鐵路40分鐘左右可以去到尖東，60分鐘內可以到達九龍西及九龍東。
以前70X班次要疏的時候，好多人係寧願坐東鐵去觀塘（包括我）。
後來粉嶺南入伙70X班次頻密先吸引返我坐，但70X過左獅子山隧道，我原本就可以九龍灣落左車。
一程過係有佢好處，但班次密同預得好時間先會吸引到乘客。
現在好在277X頻密，就算70X疏我都可以用277X去彌補返我坐車同等車時間。

規劃北區交通最重要致勝之道係點樣令乘客覺得係通勤時間最短。短過鐵路，
例如巴士去九龍西都係存在一個疑問，定線如何比鐵路快，吸引，
點樣可以令到條線唔迂迴，點樣可以令到佢班次去到最密。
但條線行八幹，繁時都要塞一陣，粉嶺南遠離鐵路可以吸引到佢唔用鐵路，
但村巴的競爭仍然存在。粉嶺南，祥華，天平都有唔少村巴去長沙灣。
行三幹吸引唔到華明區乘客，但吸引南下乘客。效益又唔係咁大。
所以北區無論點做，都係雞肋，因為先天不足。

我贊成你講車程長會導致吸引力下降..但你講既原因係定線問題,定線唔好..車程長自然吸引唔倒人去搭...不過又咁睇....華明好多村巴..做到九個字去到灣仔...由花都去到鰂魚涌都係九個字..我諗港鐵做唔倒...如果因為定線問題而導致車程長衣個原因而唔改善北區巴士線..好似講唔通...

大家傾下計...不喜勿插

原帖由 fredfred 於 2009-9-8 02:24 發表
我贊成你講車程長會導致吸引力下降..但你講既原因係定線問題,定線唔好..車程長自然吸引唔倒人去搭...不過又咁睇....華明好多村巴..做到九個字去到灣仔...由花都去到鰂魚涌都係九個字..我諗港鐵做唔倒...如果因為定線 ...

巴士無可能好似村巴形式咁經營，
好似我之前返屋企坐NR108，淨係坐得滿窗口，都可以開兩班。
因為巴士營運需要講求平衡，尤甚是專利巴士，佢唔似村巴可以用其他租車，旅遊生意補貼。
村巴根本對象係該村村民，而巴士係集體運輸。加上村巴飛吐露港公路可以踩足100。
巴士點都上唔到75。性質大不同，根本不能作比較。

原帖由 fredfred 於 2009-9-7 16:43 發表
qkps2..算吧啦...我其實都贊成你既意見...我都覺得巴士起北區真係差..
巴士公司又好似佢地咁...話全北區既人都淨係搭火車..所以未無需要開巴士線

甘本係...北區都無巴士開...咁d人唔搭火車...搭咩出九龍呢...咁未有 ...

THX
我地都用乘客角度出發就會明白果度d巴士不足問題....
其他c hing 係用巴士公司,政策,成本較益..等等......  佢地係有佢地見解
但我覺得我用"一個乘客個人睇法" 一樣無問題囉  
北區可能唔係最差 但我覺得巴士線唔夠

原帖由 qkps2 於 2009-9-8 18:02 發表

THX
我地都用乘客角度出發就會明白果度d巴士不足問題....
其他c hing 係用巴士公司,政策,成本較益..等等......  佢地係有佢地見解
但我覺得我用"一個乘客個人睇法" 一樣無問題囉  
北區可能唔係最差  ...

用乘客睇法的話,巴士線永遠都唔會夠,
最好樓下有晒去全港十八區既巴士線
條條密車兼又平又快就最好
咁係冇意思