2007年度各大樂壇頒獎典禮賽果：(請各板友集中貼賽果)

尋晚個頒獎典禮 "show" 有驚喜有失望
一開場學林海峰揀篤唱樂壇但完全唔好睇
哈林做主持效果無預期中咁精彩
不過佢講"男仙人掌"同"女仙人掌"又幾好笑

得獎名單出錯絕對係嚴重過失,甚至影響頒獎禮o既公信力
但因涉及o既係一對好朋友, 錯有錯著反而有o的驚喜
亦令頒獎典禮可以成為今日傳媒o既 talking point

仲有讚o既係今年 TVB 對新人重視多o左
每個新人名字都有提, 仲有 1 part 同哈林表演機會
就算無獎拎都唔駛成晚得個坐字
但如果主持可以少 d 爛 gag, cut 短第一節揀篤唱同埋
無溏心三寶 sell 劇, 多o的時間留俾歌手發揮仲好

我想就呢屆「勁歌」頒獎禮既結果作分析：

十大勁歌金曲獎：
第1首：酷愛(張敬軒)
* 好正路，冇乜特別

第2首：逼得太緊(吳雨霏)
* 老實講我真係估佢唔到，我覺得「電燈膽」仲hit過佢，可能Stephy既走音事件實在太影響佢爭標既機會

第3首：富士山下(陳奕迅)
* 個人覺得係意外中既唔意外，因為Eason居然唔係「Crying In The Party」攞獎，但我覺得呢隻歌真係好聽過後者

第4首：化(楊千嬅)
* 千嬅算係好過冇啦

第5首：花落誰家(李克勤)
* 正路不過

第6首：愛回家(古巨基)
* 正路不過

第7首：零時零分(容祖兒)
* 正路不過

第8首：男人KTV(側田)
* 幾驚佢連呢個獎都冇

第9首：無心戀唱(泳兒)
* 事實上泳兒係黑馬，佢有歌入十大都唔太出奇(係「估唔到」既或者只有佢自己)。但話時話我淨係聽過「送我一個家」，呢首「無心戀唱」我真係第一次聽

第10首：木紋(何韻詩)
* 我死唔信會冇佢份！

新人薦場飆星獎：
小肥
* 是但啦，咪攝個位俾佢囉

最受歡迎男新人獎：
金獎：林峯
銀獎：陳柏宇
銅獎：洪卓立

* 我想三個一齊講
(事實上我只係講林峯同陳柏宇，因為洪卓立算係正路)
其實去得TVB都預左係林峯架喇，但事實上「愛在記憶中找你」確係好hit，以及林峯又係英皇，唱歌都ok。陳柏宇似乎除左輸左兩大後台之外，仲有係缺乏一首深入民心既歌

最受歡迎女新人獎：
金獎：江若琳
* 其實以佢既人氣，應該一早就開齋做新人王，照計都唔使等到家陣。雖則佢既歌有幾好就...

銀獎：裕美
* 唯一解釋佢攞獎既原因，就係佢幫無線拍旅遊特輯囉...

銅獎：鍾舒漫
* 基本上銅獎唔係鍾舒漫就係吳雨恩架喇，話之李卓庭響「叱吒」有幾威啦，佢響電視既曝光率實在太低！

最受歡迎廣告歌曲獎：
金獎：心花怒放(容祖兒)─百老匯
銀獎：永久保存(陳柏宇)─道地百果圓
銅獎：你的味道(HotCha)─味千拉麵

* 淨係講Joey，佢攞呢個金獎就梗架喇(梗係啦，呢排差唔多每三個字就聽到佢把聲！)，但初初我仲估係「逃」得獎

(待續...)

(接上文)

最受歡迎唱作歌星：
金獎：王菀之
* 正路既係佢得既獎，唔正路既係個頒獎方式...
銀獎：孫耀威
* 真係唔記得佢係唱作人
銅獎：張繼聰
* 我覺得佢可以上到去銀獎囉...

2007年度傑出表現獎：
金獎：張敬軒
* 其實今年既表現仲好過基仔，所以呢個獎真係實至明歸。可惜銀銅獎既得主，似乎拖垮左呢個獎既意義
銀獎：關心妍
* 乜佢真係咁「傑出「咩？唔覺既？
銅獎：鄧健泓
* 佢得獎後，我講左幾句唔出得街既說話...

最受歡迎組合獎：
金獎：Twins
* 唔係佢既話，我驚下年又有唱片公司杯葛頒獎禮
銀獎：EO2
* 莫名其妙，呢個獎係都農夫攞啦！但估唔到佢今晚直頭食白果！
銅獎：HotCha
* 乜香港真係冇哂組合喇咩？居然搵角逐新人獎既組合黎得呢個獎？但新人獎果組佢地又冇份喎...

最受歡迎華語歌曲獎：
金獎：小小(容祖兒)
銀獎：淘汰(陳奕迅)
銅獎：四人遊(方大同、薛凱琪)
* 又三個一齊講
除左銅獎隻歌未聽過之外
金銀獎得主同歌都十分正路

2007四台聯頒音樂大獎歌曲獎：
歌曲：花落誰家
主唱：李克勤
作曲：Eric Kwok
填詞：林若寧
* 初初我估係「Crying In The Party」同「酷愛」是但一首

幕後大獎：
最佳作曲：富士山下(Christopher Chak)
最佳填詞：富士山下(林夕)
最佳編曲：富士山下(陳珀/C.Y.Kong)
最佳歌曲監製：富士山下(梁榮駿)
* 佢呢隻歌攞到其中一至兩個幕後大獎都唔出奇，但估唔到佢係掃哂所有獎o者

亞太區最受歡迎香港男歌星：
陳奕迅
* 初初我估係李克勤，但呢個賽果都正路

亞太區最受歡迎香港女歌星：
Twins
* 唔該可唔可以搵人翻查資料，查下佢地係咪第一隊組合，勇奪「勁歌」(甚至所有頒獎禮)既個人「神枱級」(即十分重要)榮譽呀？
佢(地)攞呢個獎都真係好激突！

最受歡迎男歌星：
陳奕迅
* 唔使講啦...

最受歡迎女歌星：
容祖兒
* 今晚係睇佢締造歷史o者

金曲金獎：
花落誰家(李克勤)
* 我覺得有d 意外，但我家人話絕對正路

今晚個頒獎禮我都仲有少少野講：
1. 原來今年冇左「最受歡迎合唱歌」獎喎...
2. 其實軒仔個獎搞錯左，究竟負責整理得獎信封方面係有心定無意既呢？我心諗又唔見佢搞錯左Joey個獎俾千嬅？又或者軒仔個獎搞錯左俾Kenny？但事實上今晚既高潮又的確係響佢同Ivana身上
3. 今晚見「最受歡迎歌手」獎，居然頒先過「亞太區最受歡迎歌手」獎，都知道後面一定有景轟。結果真係爆左孖妹出黎！(呢個情況亦出現過響千嬅既「小城大事」得「金曲金獎」果年，因為華仔果年首次連奪兩個男歌手獎
4. 今晚現場既氣氛的確唔錯，唔計軒仔同Ivana果part，部份歌手得獎後表現時，居然有其他歌手出黎伴舞贈興，最難得係Joey表演果陣連千嬅都出黎玩埋一份。
5. Twins「爆大冷」勇奪「亞太區最受歡迎女歌手」獎後，阿sa同阿嬌即時喊得好犀利，但唱歌果陣居然立即收哂，都唔知話佢地十分專業，冇俾自己既心情影響唱歌，定話佢地剛才既眼淚係... (唔好忘記阿sa係韓國影后兼金紫荊影后) <- 不喜勿插...
6. 全晚最低潮就係頒「卓越表現獎」銅獎果陣，現場突然鴉雀無聲...

原帖由 Ketsu 於 2008-1-13 02:53 發表
2. 其實軒仔個獎搞錯左，究竟負責整理得獎信封方面係有心定無意既呢？我心諗又唔見佢搞錯左Joey個獎俾千嬅？又或者軒仔個獎搞錯左俾Kenny？但事實上今晚既高潮又的確係響佢同Ivana身上

個人覺得係無記貼錯名
跟住將錯就錯

原帖由 JX9097 於 2008-1-13 02:58 發表


個人覺得係無記貼錯名
跟住將錯就錯

貼錯名就梗架喇
但問題係呢個「錯」究竟係「真錯」
定係...

但肯定既係d 司儀、Ivana同軒仔
甚至出幕果個真係唔知囉

之後玩軒仔果度就真係玩野喇
志偉佢地讀完軒仔個名之後
字幕果度並冇即時顯示個得獎者
(Ivana果part就連字幕都出埋)

原帖由 limited 於 2008-1-13 02:42 發表
尋晚個頒獎典禮 "show" 有驚喜有失望
一開場學林海峰揀篤唱樂壇但完全唔好睇
哈林做主持效果無預期中咁精彩
不過佢講"男仙人掌"同"女仙人掌"又幾好笑

得獎名單出錯絕對係嚴重過失,甚至影響頒獎禮o既公信力
但因涉及o既係一對好朋友, 錯有錯著反而有o的驚喜
亦令頒獎典禮可以成為今日傳媒o既 talking point

仲有讚o既係今年 TVB 對新人重視多o左
每個新人名字都有提, 仲有 1 part 同哈林表演機會
就算無獎拎都唔駛成晚得個坐字
但如果主持可以少 d 爛 gag, cut 短第一節揀篤唱同埋
無溏心三寶 sell 劇, 多o的時間留俾歌手發揮仲好

要學林九做talk show串歌手都要串得準同埋條橋夠新鮮,
重複講Stephy走音只會給人壞印象同顯得低手,bad taste

頒錯獎都唔係第一次發生,有聞03年叱吒十大原本盧巧音
得獎歌係《三角誌》,但頒獎時頒《落地開花》

另一單頒錯獎係今年新城都將謝安琪首《第一天》頒原創
歌曲,但首歌本來係改編日文歌(當然呢個台亦曾試過頒
《明日恩典》做原創歌)

其實場show可以早半個鐘做完,歌手可以唱晒full verison,
總係唔知無記年年要所謂搞下gag,搞下氣氛先安樂,結果
同新城一樣爛鬥爛,真係一山還有一山低,期望十大中文金曲
唔會又講爛gag,搞無聊位

PS:幸好呢兩年無公益金合唱歌,仲存在簡直受罪

原帖由 Ketsu 於 2008-1-13 03:09 發表


貼錯名就梗架喇
但問題係呢個「錯」究竟係「真錯」
定係...

但肯定既係d 司儀、Ivana同軒仔
甚至出幕果個真係唔知囉

之後玩軒仔果度就真係玩野喇
志偉佢地讀完軒仔個名之後
字幕果度並冇即時顯示個得獎者
(Ivana ...

我係現場睇到d工作人員都好緊張,應該係真錯...
仲見到廣告時間有高層向王苑之道歉.
冇理由囉呢d黎玩吧

[ 本帖最後由 北角---九龍城 於 2008-1-13 03:48 編輯 ]

原帖由 北角---九龍城 於 2008-1-13 03:46 發表

我係現場睇到d工作人員都好緊張,應該係真錯...
仲見到廣告時間有高層向王苑之道歉.
冇理由囉呢d黎玩吧

我睇電視Amigo頒呢個獎之前仲好神氣話:我唔使睇張紙就講賽果,
結果睇唔睇張紙都搞錯晒

講真頒獎禮點頒頒俾邊個應該早有定案,後台點亂都無可能頒錯獎
俾第二個歌手,除非臨時飛紙仔話要左改右改就先會出問題,無記話
後台貼錯紙明顯只係搵個借口去解釋

原帖由 orange 於 2008-1-13 03:34 發表

其實場show可以早半個鐘做完,歌手可以唱晒full verison,
總係唔知無記年年要所謂搞下gag,搞下氣氛先安樂,結果
同新城一樣爛鬥爛,真係一山還有一山低,期望十大中文金曲
唔會又講爛gag,搞無聊位

本來無記安排班所有歌手一齊坐出去 (好鍾意睇佢地一齊玩,
當年四大天王有冇交流都存疑), 同班新人一齊同哈林唱下歌
都算係好安排 (難得成班新人咁團結, 冇晒余文樂對juno呢類
發生口角繼而動武既情況). 可惜功不抵過, 太多無厘頭得獎歌/人,
(爛gag就因為踢緊波/打緊牌未睇晒而不願置評), 而且因真貼錯獎而
捉到鹿都脫唔到角, 軒仔同ivana達唔到高潮.

論爛, 無記都未到新城0個皮既, 佢都仲有少少獎可以估下鬧下,
講爛gag都仲可以偶然笑一兩聲. 但新城就真係冇高潮位, 令人冇
投入感, 乜野都係"求其啦, 得唔到勁爆男歌手咪拿全球勁爆囉,
點都有件既", 只會覺得佢主要目的只係要在3粒鐘頒晒百幾個獎就算.
以前睇勁爆唯一目的都只係睇下李麗蕊一晚尖叫幾多次, 今次cut埋
就真係得啖笑.

港台?實唔無聊搞爛gag啦, 九成機會悶到爆, 搵d頒獎嘉賓又無無謂謂.
望就只望佢盡縮金針獎那part, 因為實在無興趣聽杜麗莎 (雖則佢都
好過慧嫻, 睇見priscilla明明失晒聲, 首首歌低16度都仲要無奈復出,
真係我見猶憐)

原帖由 Ketsu 於 2008-1-13 02:53 發表
3. 今晚見「最受歡迎歌手」獎，居然頒先過「亞太區最受歡迎歌手」獎，都知道後面一定有景轟。結果真係爆左孖妹出黎！(呢個情況亦出現過響千嬅既「小城大事」得「金曲金獎」果年，因為華仔果年首次連奪兩個男歌手獎
4. 今晚現場既氣氛的確唔錯，唔計軒仔同Ivana果part，部份歌手得獎後表現時，居然有其他歌手出黎伴舞贈興，最難得係Joey表演果陣連千嬅都出黎玩埋一份。
5. Twins「爆大冷」勇奪「亞太區最受歡迎女歌手」獎後，阿sa同阿嬌即時喊得好犀利，但唱歌果陣居然立即收哂，都唔知話佢地十分專業，冇俾自己既心情影響唱歌，定話佢地剛才既眼淚係... (唔好忘記阿sa係韓國影后兼金紫荊影后) <- 不喜勿插...
6. 全晚最低潮就係頒「卓越表現獎」銅獎果陣，現場突然鴉雀無聲...

無記實在太多無厘頭/惹人遐想既獎, d獎唔係俾契仔就係買番黎咁, 所以在"追求公義"之人中, 永遠都抬不起頭來.
叱吒都可以話只得gulu斐首歌係吊詭d, 但無記實在多得令人驚嚇, 克勤拿金曲金, 鄧建泓, 林峰唔駛講, 江若琳
傳買獎, 裕美又靠福祿壽, 仲有新城21個額都唔輪到佢既"無心戀唱", "小小"贏"淘汰"....

成堆英皇獎.......就好似......(故事純屬虛構, 如有雷同實屬不幸)
無: 我地都想林鳳拿金...
英: 咁黃腳立, 黑妹點先?
無: 俾晒2金1銀唔掂喎, 1金2銅算啦
英: 我地想泳衣有獎, 幫幫手...
無: 傑出銅留左俾見暈喎, 十大那邊鄧走音同上水肥師奶都未有位, 除非放棄孖女啦
英: 你試下孖女冇十大....
無: 不如俾孖女拿亞太啦, 橫掂吉左個位
英: 求其啦
無: 咁無所謂, 就"無心戀唱"
英: 似乎都仲係爭少少咁喎, 我好難同羊生交待
無: 好啦好啦, 長氣, 國語金銀對掉, 滿意未
英: 咁就算你啦. 但係我仲有阿碟/魚米糕/阿當/慢地喎, 諗諗佢啦
無: ........................