民建聯要求681延伸至烏溪沙及980X全日

ky927 發表於 2022-4-27 16:09
681早就要拉烏溪沙同680互補。

拉左就起碼北行680可以考慮行告士打道跟307返高士威道，谷返軒尼詩道班客上 ...

182係經灣仔道鵝頸橋去紅隧，而經老銅嘅170、最近小瀝源都要喺田園閣落車，小瀝源呢個位680係唯一選擇。

至於681問題，早繁市中心980X/681，大家都係咁長龍，一條贏時間，一條贏張凳，夾硬齊齊上哂烏溪沙，烏溪沙表面贏咗巴士線數量，實際只會一齊輸晒，班次肯定大刀大刀咁斬，以依家營運方針，不論老九定屎水，點都係以最少資源做最多嘅客，我就唔覺得去完烏溪沙再比富安打劫埋會保得住現有班次。

咁多年嚟唔死心要681去埋烏溪沙，明顯係佢地冇銅鑼灣呢個位。有晚市堂食第二日，夜晚10點頭百德新街搭681走，比人鬧到爆嘅屎水都開緊12，興發街尾站之後都企到車頭差唔多爆棚，後面九記時段都開10，如果再上埋烏溪沙，班次就一定要再密，不過TD會唔會比你有東鐵過海嘅情況下逆向加班加車，仲要睇老九城記大鬥法當中、肯唔肯坐定定傾681都係問題。

我反而想講，中灣繞西行，如果可以開放返維園入口俾巴士入，定線會好行好多。起碼東西隧線返新界可以同擺同一邊；去到維園又唔一定要上橋，可以入繞道去西隧。

離一離題：有無師兄知點解維園入口唔俾重型車入？

edhong 發表於 2022-4-27 17:32
我就覺得根本唔駛理民建聯，烏溪沙坐得681常客多數有月票，拉唔拉長佢哋一樣咁坐，冇月票又想快根本唔志 ...

問題係唔少烏溪沙人都想要過海線，整體去睇，681走線範圍吸引力大過980X，980X啲位太商業區，就算唔係民建聯，結果都係9成一樣。

ky927 發表於 2022-4-27 17:21
我反而想講，中灣繞西行，如果可以開放返維園入口俾巴士入，定線會好行好多。起碼東西隧線返新界可以同擺同 ...

維園入口係快線，大車唔行得

其實 680X 取消變哂做 980X 全日去金鐘好過

HT408 發表於 2022-4-27 17:41
維園入口係快線，大車唔行得

i c

嘥晒。其實33X 中環入都要行中線，真係唔太理解。

ky927 發表於 2022-4-27 18:44
i c

嘥晒。其實33X 中環入都要行中線，真係唔太理解。

重型車走中線和快線，法律上有很大分別。