九龍南線通車集中帖

原帖由 laikingsouth 於 2009-9-10 10:25 發表
近來小弟黃昏所見：

1. 往屯門方向，紅磡即班車通常無位坐，到開車時更企滿七至八成。

2. 在尖東落車的人不多（八月份時起碼落左半車）。

3. 柯士甸站都有唔少人用。

4. 南昌至荃灣西各站都有十多人落車（一卡），不過一定上番滿 ...

今日約 6:20 美孚上車往屯門方向，列車於南昌站時已經差不多企滿七成，我於第一卡上車，上滿後已經差不多企滿九成，而且兩次關門都不成功，司機要開咪叫人企入車廂中間，我估計近車尾應該已經頂閘了。之後於荃灣西站亦要關第二次車門才成功，錦上路站亦不知原因而重開車門一次。

我估計列車當時已經延誤，因為天水圍落車後，下一班及再下一班車分別為２及３分鐘，結果之後兩班車真的只相隔一分鐘左右，但一樣企得相當滿。之後的班次則回復４分鐘一班。

我近期都會坐17:49由紅磡開出的班次﹐第1-4卡通常都會坐滿﹐5-7卡會有少量人企。

假如對面東鐵有車埋站﹐便會等埋才開車﹐全車都要企。通常30-50%要等對面東鐵車的。

去到尖東﹐全車都要企﹐車尾會企滿7-8成人的﹐但中間及車頭係大約每卡20-30人企。

柯士甸平均每卡都有10人上車的。

去到南昌﹐我會轉東涌線﹐下車的人比上車的人少﹐應該離開南昌時﹐每一卡都會企了50%以上的。


早上﹐尖東去紅磡反而好少人上車。但南昌轉車的人都不少﹐每一卡都有20-30人企﹐但去到柯士甸都有人下車﹐只有個別卡要企﹐去到尖東﹐基本上所有人都有位坐(但唔會坐)。




整體講﹐9月1日起﹐西鐵南線明顯地比8月人多的﹐8月的情況係除了紅磡至尖東外﹐其他都是任你坐的。

今晚小弟在紅磡坐六點八的西鐵（今次好彩有位），我坐果卡（車尾）
到開車時又九成滿，到南昌時落左成廿人，不過轉頭又打爆，去到荃灣
西直頭有人上唔到車。

返到天水圍落左一半人。

在一ｄ討論區見到有「巴士迷」話屯元天三寶「無乜少到客」，咁點解
依家西鐵多左咁多人搭？莫非佢地都係八一六後至搬入黎？！

原帖由 laikingsouth 於 2009-9-10 23:39 發表
今晚小弟在紅磡坐六點八的西鐵（今次好彩有位），我坐果卡（車尾）
到開車時又九成滿，到南昌時落左成廿人，不過轉頭又打爆，去到荃灣
西直頭有人上唔到車。

返到天水圍落左一半人。

在一ｄ討論區見到有「巴士迷」話屯元天三寶「無乜 ...

西鐵的確係多左好多人搭，以往從來都未見過會頂閘或者要重開車門咁誇張，呢個應該係無可否認既事實。

但同時，我又發覺用新月票既乘客唔係太多，大部份出閘既都係用八仔。

至於巴士，其實係明顯少左人，但剩底既乘客暫時唔算太少，夜晚繁忙時間返元朗天水圍，大概都坐到四至六成坐位左右，間中一班相隔得耐，都有八成滿，但肯定有減班既空間。

我都冇用月票 始終FLEXIBLE好多

通常返工用269B
放工時間 六點零七點兩邊都會撘 睇心情同攰唔攰
星期五通常塞車就一定坐西鐵
269B九月之後明顯少左人 最明顯係彌敦道前既站同炮台街
入到中間道 有時架車只係得十零人 平時放工時間架車去到中間道已經坐滿晒窗口
彌敦道幾個大站反而冇乜少到人 但而家變相就只係靠中間道 清真寺 柯士甸道同郵局呢幾個站既客
通常都坐淨起碼三四個位上公路 已經再冇企人既情況
減班空間一定有

西鐵想有位坐的話就要識搵車卡 車頭車尾尖咀上車一定冇得坐
通常第二三卡上車 去到柯士甸都會搵到位有得坐
其他站上客都多 通常會企滿入新界 上唔到車就暫時冇見過
不過再加密D就最好

原帖由 ahbong 於 2009-9-11 12:43 AM 發表


西鐵的確係多左好多人搭，以往從來都未見過會頂閘或者要重開車門咁誇張，呢個應該係無可否認既事實。

但同時，我又發覺用新月票既乘客唔係太多，大部份出閘既都係用八仔。

至於巴士，其實係明顯少左人，但剩底既乘客暫時唔算 ...

在我坐西鐵一個月 (南昌至紅磡一段)﹐我留意到去屯門方向車尾一卡是特別多人的﹐原因有2個。1是對正中層大堂的自動樓梯﹐2是會食晒東鐵4卡車的轉車客﹐去到尖東會有不少人落車﹐不過都上番唔少。

中間位置會明顯較少人的﹐通當我在此位置都有位坐的。

原帖由 kei_hk 於 2009-9-11 10:55 發表


在我坐西鐵一個月 (南昌至紅磡一段)﹐我留意到去屯門方向車尾一卡是特別多人的﹐原因有2個。1是對正中層大堂的自動樓梯﹐2是會食晒東鐵4卡車的轉車客﹐去到尖東會有不少人落車﹐不過都上番唔少。

中間位置會明顯較少人的﹐通 ...

我平日一至五係尖東站等西鐵去紅磡時都留意到,
通常第3-5卡 (18:15-18:20)離開紅磡站時都仲有位坐,
第7卡就食晒東鐵尾3卡轉乘客+對正電梯口,
離開紅磡站時已經頂閘, 去到尖東站時就算落左唔少乘客,
但上車的乘客亦多, 結果過左尖東站時尾卡仍然企滿人
(見過有乘客因車門開啟時間太少而趕唔切上車)

以往西鐵仲係南昌總站時,
放工時間例牌有一批乘客見無位坐唔上車,
所以放工時間我見西鐵過左美孚站時, 車尾6-7卡都只係企滿晒人,
不過而家南昌站無左總站優勢,
相信南昌站沒有人等到有位坐先上車吧
個個都見車就上, 過埋美孚站仲唔將車尾6-7卡打爆

原帖由 qkps2 於 2009-9-10 17:05 發表
九龍塘北回放工d 蛇餅...........已經係要排最後個人會超越黃綫 講緊係第9-10卡

今日晚上東鐵又有「九卡」列車
北行第四至六卡鎖左
第七,八卡響紅磡已被打爆
旺角東同九龍塘都滯留左大量人
龍尾貼近月台邊

[ 本帖最後由 Raymond 於 2009-9-11 22:15 編輯 ]

原帖由 Raymond 於 2009-9-11 22:11 發表


今日晚上東鐵又有「九卡」列車
北行第四至六卡鎖左
第七,八卡響紅磡已被打爆
旺角東同九龍塘都滯留左大量人
龍尾貼近月台邊

我搭東鐵由紅磡往粉嶺的途中都見到呢抽車
車序29, 南行方向第7-9卡熄晒燈, 即北行4-6卡壞左,
唔知係咪係紅磡站收車會造成其中一個月台非常擠迫/混亂,
所以果抽車繼續行走頂多半轉/一轉

2個月前我都搭過壞3卡的MLR (咁O岩又係壞4-6卡)
因為少左一個動力卡推動列車, 所以抽車加速極慢,
搞到後面塞晒車.............

原帖由 ES464470X 於 2009-9-11 22:21 發表


我搭東鐵由紅磡往粉嶺的途中都見到呢抽車
車序29, 南行方向第7-9卡熄晒燈, 即北行4-6卡壞左,
唔知係咪係紅磡站收車會造成其中一個月台非常擠迫/混亂,
所以果抽車繼續行走頂多半轉/一轉

2個月前我都搭過壞 ...

ＯＴ：
唔知大家係幾點見到佢呢？
我尋晚都搭中佢喎，架車南行到達九龍塘站大約係19:00，後面係肇九直通車。
我又唔覺架車慢咗好多，我搭南行第一卡，唔太受影響，
但架車由九龍塘開出時，第六、十卡都有好多人企到門邊。
（平時通常大部分乘客在九龍塘下車，會全車空蕩了）
「香港亂噏」：為南北走廊過海做預演？

[ 本帖最後由 DIH 於 2009-9-12 21:33 編輯 ]