1:120 巴士模型珍藏 ( Keep 住嚟)

後面架黑金剛真係....又愛又恨

DELETED SORRY

[ 本帖最後由 DA21 於 2013-10-17 18:11 編輯 ]

由於之前篇文亂晒位 所以再回多一次，SORRY
又到我回文既時間 大補二廠廠長請準備好你既  TEMPO 紙巾







睇下張相既後面，先有上好忌廉色既黑金剛，而再係佢既背後有張九巴直播室 AL 既相喎 又講下呢架車既故仔先，話說想當年呢，某店果位負責高清廣告圖既人做左架九巴直播室 AL 出黎，一直放係某店 DISPLAY，但就只係 SHOW 車尾同梯位果邊出黎，而唔 SHOW 門位喎 當年呢，我同果位店主同埋執圖果位人兄都仲有  D 交情，就口痕問下佢地點解唔 SHOW 門位啦，換黎既答案係：門位果邊既相好罕有，無乜人有，上 GOOGLE 都搵唔到咁喎

咁呢，早幾日搬完屋，執執下屋，又俾我發現到 D 正野，正正就係呢架九巴直播室 AL 既高清既 4R 相，我心諗，下？原來咁罕有架，點解我呢個好日都唔出去影相既人都會有呢張相既

本來我都諗住貼張相出黎既，只不過呢某店好喜歡一個唔該都無呢，就將張相據為己有

以上內容，如有雷同，實屬不幸

[ 本帖最後由 DA21 於 2013-10-17 18:33 編輯 ]

回樓上, 唔怪得果架直播室總係show右面唔show左面啦, 原來係咁, 好難找相做車又即係靠估 ? 咪好似果架健牌3N咁....
樣板車已到廠, 不過好多地方仍要修改, 歡迎各廠長提供意見, 你的意見, 就是這架車成功之處

估吾到係兩軸熱狗,

如果要意見, 嗯....因為主要得左邊車身睇, 睇吾到其他, 可以睇埋車頭, 尾及右邊 嗎? 或者個內籠可以折出來睇嗎?
左邊車身路線牌好似大左少少, 左邊車身訊號燈好似高左少少

不過對四頁落車門造得好好, 睇見好有親切感: 想當年雞鴨寶冇曬得返架S3M145有四頁門, 好想睇有冇高手可以油到黑銀相間甘逼真

原帖由 ME19andG316 於 2013-10-19 18:01 發表
估吾到係兩軸熱狗,

如果要意見, 嗯....因為主要得左邊車身睇, 睇吾到其他, 可以睇埋車頭, 尾及右邊 嗎? 或者個內籠可以折出來睇嗎?
左邊車身路線牌好似大左少少, 左邊車身訊號燈好似高左少少

不過對四頁落車門造得 ...

謝謝你的意見, 這個只是初版, 好多地方都要修改, 包括你所講的地方我都會修改
而車頭, 車尾及右邊跟原車有點距離, 所以今日已把樣板退回工廠重新再做, 希望下個月頭會做好修改樣板.

又回下文先，啲 DL 已全部進入廣告部等候上廣告，然後就可準備出牌出廠！各廠長請買多啲tempo紙巾準備抹口水
而DUPLE雞亦已進入最後階段，好快有樣版車出廠！

今日就貼下一架非常特別嘅tomica 95 ，新加坡高島屋限定版，每架有個精美嘅外盒，仲有一張證書，非常值得珍藏！如有興趣，請致電本廠熱線落柯打










好靚，恨死對面

原帖由 DA21 於 2013-10-21 01:00 發表
又回下文先，啲 DL 已全部進入廣告部等候上廣告，然後就可準備出牌出廠！各廠長請買多啲tempo紙巾準備抹口水
而DUPLE雞亦已進入最後階段，好快有樣版車出廠！

今日就貼下一架非常特別嘅tomica 95 ，新加坡高島屋限定版，每架 ...

我都有一套, 鳴謝k廠 (呀, 係新u廠) 幫我入一套






無錯, duple雞已返回工廠重新修改及打樣, 下個月頭小弟會親自上去開會及檢查, 希望各廠長耐心等候

又係回文既時間，大補二廠廠長，你的第二同第三架中巴色 DL 已動工



正放在一邊等候第一浸油乾透

又講下故事先，話說今日係我公司發生左一件好奇怪既事，係我工作期間，有一位人兄到訪我公司，入到黎，二話不說，直衝去我擺放 ＤL 果個櫃度睇野，睇左一陣，問我賣唔賣，我心諗，下？我咪係呢度講左無數咁多次係唔會賣囉，唔通呢位人兄無睇開呢版？轉個頭佢又走左去睇下我 D 雞車，左望右望，上望下望，唔知望咁耐望乜鬼，可能望下個底係 MADE IN HONG KONG 定 MADE IN CHINA 跟住又問我賣唔賣 我又再同佢講話，呢 D 車我地係唔會賣架 佢一個唔該就走左喇

當佢走左之後，我心裡面覺得好奇怪，我由頭到尾都無係呢度講過批車擺係邊，點解會有人可以知道我放左係公司呢？而且我公司又唔係賣呢 D 益產品 不過我靈機一觸，諗到喇，梗係某店果三位最鐘意坐三條柴過海既人派佢過黎架啦 識得我而又知道呢批車擺邊度既來來去去得幾位廠長，所以呢，有時 D 野，人蠢真係無藥醫架，有時間呢，就係屋企或者係某店得閒無野做又唔想趕單俾人(或者根本已經無單要趕 )既時候，上網睇晒三集"無間道"，先好學人派臥底去做野啦，如果唔係，個臥底會死得好慘架

其實呢，你如果真係咁想買呢，何不親身上黎同我傾傾呢又或者致電本人熱線，雖然賣俾你既機會近乎零

回樓上, 照你同我講呢件事之後, 睇黎我地都要成立一個專案小組調查事件.經過多返追查之後及查詢有關人士, 我地重新把案件重組

跟據負責人口供資料, 係今年10月24下午3點左右, 係土瓜灣某工業大廈內一名年約廿五至三十歲中國藉男子進行無間道工作, 嫌疑人身穿紅色T-SHIRT, 牛仔褲, 中等偏肥身材, 背一個黑色背包係單位內徘徊數分鐘, 期間一直盯住單位內極為罕有1比120 DL,雞車及將廠收藏櫃, 並對單位內負責人查詢該兩款車是否會出售 ? 當單位負責人拒絕出售之後, 嫌疑人則光速逃離現場, 事件中該負責人擔心有人(包裝某店3條柴)對其珍藏心懷不軌或抄襲, 所以係度作出強烈呼籲, 如果有人知道嫌疑人來龍去脈, 又或者知道策劃人背後動機, 請致電本人或負責人熱線電話, 24小時接聽, 一經屬實, 改車免收600蚊執圖費

以下是一張當時模擬圖片, 是嫌疑人對櫃內1比120雞車及DL進行刺探, 而左手則放在褲襠下, 好有可能已對櫃內的車作出猥瑣行為

雖然以上只是一個模擬圖片, 但其實圖片中的焦點只是今日有一架新加坡做既DMS入廠已矣

最後正如ML55兄所講, 傻強係無間道其中一個金句係 : 如果一個人，做緊一樣野既時候，好唔專心咁望住你，咁佢就係臥底啦！

大家認唔認同呢 ?