B1收車搞到頂閘，我上唔到車趕高鐵

clivetock 發表於 2017-11-21 21:12
如果個比賽咁重要一定要你用盡一切方法趕上去嘅話，唔好講話幾百，比多幾千都要比，唔夠時間就要用錢買時 ...

咁我而家真係好窮，比唔起多幾千，我今年七月要出香港代表隊嗰排，因為當時要返工唔夠假搞到搭唔到平機去歐洲某個「一帶一路」國家，我其他隊員早我兩日去歐洲機票平我幾千，當地酒店又無晒平房得返豪華套房，我去一個星期燒咗我差唔多兩皮。
跟住到八月我又要出香港代表隊去另一個「一帶一路」國家，香港無直機過去嘅，今次我精心挑選航班，當大會建議去中東或俄羅斯轉機嗰陣（大家都知中東航空公司特別貴）我砌咗個北京轉機（國航轉亞塞拜疆航空，中間預8個鐘），比中東轉機平幾千之餘重要時間最靚，點知到我要飛嗰陣，上班機都重好好地，就係一個鐘之內北京天氣轉差，班機飛唔到，delay 5個鐘之後重要雷雨轉飛瀋陽，返唔切北京轉機。咁結果我要通宵訂另一間公司嘅瀋陽起飛即日單程機票（全中國一星期只有五班機過當地）過去，之後claim得返全數，但去到當地已經miss咗個welcome session。

淨喺嗰兩次已經無咗我當時嘅半副身家啦，而家我唔慳啲我重邊有錢繼續俾我到出年？！如果飛機夠平我搭咗飛機啦，但問題係我訂機票離我出發唔夠一星期（大會咁遲出通告我有乜辦法？正常應該要四個月有佢唔夠一星期先有）無得訂平機票，回程超過一星期重訂到平機票就搭飛機回港，咁就火車去飛機返（慳機票錢）。跟住亦都唔訂大會酒店（要七百幾文一晚），訂外圍城鎮嗰啲（慳酒店錢兼可以俾我朝早瞓晏啲起身去比賽），喺北京買埋IC卡多搭巴士少搭地鐵（地鐵起步3文，好多時4至5文一程，巴士拍卡大多1文一程），入場費貴嘅景點唔去，去入場費平嘅，由廊坊返京城唔搭高鐵搭傳統火車，最後要去北京機場搭飛機返香港，唔搭機鐵，唔搭機場巴，喺東直門搭850快過機場拍卡只需2文人仔。

咁我砌個itinerary出來，正常情況下的確係可以慳錢，咁飛機火車巴士呢啲準唔準時根本無得計，7月嗰次叫順利，咩問題都無；8月嗰次兩次轉機都有問題咁點預（香港飛北京來回全部delay，去程delay到我miss咗welcome session，回程我返香港之後嗰日亦都係有比賽，我搭早機delay到夜晚，如果又預多幾個鐘轉機，咁咪delay到第二朝比賽都miss埋？！）？搞到我損失咗個welcome session。到10月呢次B1呢件事又搞到我損失咗35元人民幣，呢筆錢已經夠我喺上面食到一餐半啦。

無論我個itinerary放到幾多個鐘buffer都好最後都係炒粉，上次北京轉機6個鐘buffer炒粉，今次我上福田趕高鐵1個鐘buffer又炒。我整啲plan十次有超過九次都係跟得好足嘅，但一其中一個環節出事之後就點都追唔返囉。咁又講返今年年頭某次，由屯門去將軍澳近尚德參加一個好重要嘅排名聯賽，本來plan咗話保鐵嘅，點知因為一啲意外遲咗出發，跟保鐵plan個時間會趕唔切，但係個plan入面另一個方法係58M -> 258D/259D -> 296A，當時個時間應該係啱啱好趕得切我就照做啦，點知去到屯轉送車尾，當時見61X又唔識上去黃大仙再轉，等到25_D之後去到觀塘又送296A/296C車尾，重要主幹道全程雙黃線無得截的士，等咗成12分鐘先有下班296A（當時296A 12分鐘一班），結果連比賽都趕唔上（遲咗10分鐘到起點）。

就喺因為呢個事件我而家先識上969 -> A36代替968（因為我知道真係完全同路，唔會有伏），但係我真係唔敢亂咁上車啦，萬一上咗部伏車咁又係死（之前HKU未通鐵之前我有次要下繁趕去石門，諗住18X/A12 -> 680，見到一條未見過嘅路線307P車頭寫大埔諗住一定可以去到大老山隧道啦，點知北角上車後竟然直去而唔係入東隧，搞到又遲咗20分鐘，我嗰陣又驚680喺金鐘咁遠開到過北角過海前尾站會唔會又甩班頂閘又點），喺見到頂閘B1之後見到全吉嘅76K當然唔敢上啦。

如果話根本一開始唔應該入元朗嘅，咁落到皇后大道東，109/113頂閘咁點先？！又或者，塞咗半個鐘都過唔到紅隧咁點先？再誇張啲講句，如果一開始連15都喺山頂打爆灣仔峽無得上咁又點？呢啲獨市位除15/15B根本無其它車落山。我而家B1頂閘喺HKiTalk出post就俾人質疑我唔應該入元朗，如果係北潭涌比賽，之後趕返深圳，點知比完賽之後94班班頂閘我上唔到車搞到趕唔切schedule又點？雖然我正常去親比賽都係會預30至45分鐘buffer，但係有時會有delay，咁delay咗之後要點樣追時間同避免further delay係一個好大問題。（例如趕唔切地鐵就轉搭巴士，連巴士都趕唔切就轉搭的士，但係有啲位截唔到的士，或者連的士都趕唔切嘅話咁我重可以點做？！）

miklcct 發表於 2017-11-21 12:22
我睇過同時段飛機嘅價錢（周一早上到京），由深圳機場上機同搭動臥相比貴三百文左右，由香港上機更貴。不 ...

我大部份由河北返香港都係過皇崗關
所以實會搭 7 號線
晚上由太安開出的列車，除了正常往西麗湖的班次外，還有在安托山站停止服務的區間車，兩類車梅花間竹咁開，相距 5 分鐘。我晚上十點幾晌華新站時都見到有關班次，而往太安方向則稍為疏，但都是 8 分鐘一班。
維基的內容，你見到歷史部份仲係寫 “預計 2016年4月通車” 就知資料幾 outdated

如果話根本一開始唔應該入元朗嘅，咁落到皇后大道東，109/113頂閘咁點先？！又或者，塞咗半個鐘都過唔到紅隧咁點先？再誇張啲講句，如果一開始連15都喺山頂打爆灣仔峽無得上咁又點？呢啲獨市位除15/15B根本無其它車落山。我而家B1頂閘喺HKiTalk出post就俾人質疑我唔應該入元朗，如果係北潭涌比賽，之後趕返深圳，點知比完賽之後94班班頂閘我上唔到車搞到趕唔切schedule又點？雖然我正常去親比賽都係會預30至45分鐘buffer，但係有時會有delay，咁delay咗之後要點樣追時間同避免further delay係一個好大問題。（例如趕唔切地鐵就轉搭巴士，連巴士都趕唔切就轉搭的士，但係有啲位截唔到的士，或者連的士都趕唔切嘅話咁我重可以點做？！）

唔駛假設咁多嘢...

你自己本身 delay 遇上唔好彩既事, 就硬要將責任放喺其他地方身上,
小事化大, 係要用嘩聚取寵既標題。B1 本身班次可能係唔夠 (有冇收車
根本係其次), 係要加班, 但偏偏你要賴到同你福田上唔到高鐵有關。
你自己都認唔知要至少早廿分鐘買高鐵飛, 咁你唔畀果程高鐵飛
晨咁早就冇曬飛? 點解你咁肯定自己早四十分鐘上到 B1, 就買到
福田出發既高鐵飛? 根本你預先買咗飛既話, 你都係可以趕到福田上車。

如果你要鬧...

點解你唔去鬧高鐵個售票系統?
點解你又唔會怪之前個比賽搞到你 delay, 搞到你趕頭趕命?
唔知你比賽輸咗, 係咪要怪呢樣怪果樣?

只要樓主出發delay,如果唔係截的士/揸私家車,任何方法都係delay,只是delay相差幾多,如果保鐵,冇故障情況下delay應該最少,相反巴士轉巴士delay最多,唔理之前車等人機會多,此方法危險特別高,所以勸你早d出門。
仲有樓主代表香港隊出發海外比賽好威,但埋怨唔夠假唔夠錢,不如唔好出海比賽,所有唔開心事情一定一筆勾銷。
另外樓主的尚德排名聯賽,因咩事delay出門,有港鐵唔用,仲要巴士轉巴士咁得閒?後來沒法上場比賽,你有冇同工作人員解釋?

groom1002 發表於 2017-11-22 11:29
只要樓主出發delay,如果唔係截的士/揸私家車,任何方法都係delay,只是delay相差幾多,如果保鐵,冇故障情況下d ...

咁由屯門西北出發，去尚德，正常係唔係58M -> 25_D -> 296A快過輕鐵 -> 西鐵線轉轉轉到將軍澳線先？！我份plan計到係快11分鐘囉。喺呢個情況下，因為開始delay咗，跟份plan嘅時間保鐵已經會遲2分鐘，咁唔通唔全程巴士呀？！

點解正常唔係258D>296A?萬一屯轉258D/259D送車尾就BYE BYE,因為你未計下一程車確實到達時間/額外塞車時間。 不過大前提出門已遲, 無論你定我方法都可能遲到,除非紅的。仲未答我尚德比賽點解遲出門。

我出發嗰度無258D，只有萬能嘅58M，唔經屯轉嘅58X以及要兜路嘅260X出市區。至於點解遲出門呢個係意外（同我灣仔峽遲咗15分鐘走性質一樣），我係想知出發已遲嘅情況下，無晒任何buffer，要跟足plan時間先啱啱好趕到嘅情況下要點樣避免出錯（好似尚德嗰次咁，我正常預20分鐘buffer，但出發前有意外無咗呢20分鐘，但係expected value仍然係啱啱好趕到，只係唔再接受到送車尾/甩班/頂閘/老龍塞車等更多意外，咁點避免有更多意外）。