3年50個車站=.=!?

原帖由 |_arco 於 2008-12-24 18:04 發表


閣下是指地鐵市區線列車翻新時？
但依我記憶中好似未曾看過這個廣告。

在榮休列車之旅一事，可見地鐵當年有為此事宣傳。
另外地鐵又有為「現代化列車」在廣告燈箱刊登其廣告。

原帖由 ahbong 於 2008-12-25 01:27 發表


我好有興趣知道
作為一個普通乘客
是否需要知道九鐵收港鐵租的事實
以及港鐵如何在此廣告訊息上正確無誤地陳述此事實

是否要這樣寫：
「東鐵綫* 陸續翻新啦！
*東鐵綫（原名九廣東鐵）屬九鐵資產，並由港鐵公司租用至二零五 ...

九鐵公司只餘空殼, 相信僅存大部分運作都係由港鐵人員負責, 合併的安排只是一個財技, 九鐵其實可以說是名存實亡, 我想上述這個 "事實" 沒有需要多提.

原帖由 acctlkk 於 2008-12-25 01:44 發表


九鐵公司只餘空殼, 相信僅存大部分運作都係由港鐵人員負責, 合併的安排只是一個財技, 九鐵其實可以說是名存實亡, 我想上述這個 "事實" 沒有需要多提. ...

就是囉

但在部份板友心中
好像九鐵與地鐵仍是死敵
必定要分出勝負、強弱
港鐵宣傳翻新東鐵綫
必定是衝著已經名存實亡的九鐵幹

老實講我真係唔明
A 公司與 B 公司合併成為 C 公司之後
C 公司有乜理由仲要「串」A 公司

費解費解

[ 本帖最後由 ahbong 於 2008-12-25 02:40 編輯 ]

原帖由 KZ9314@YCC 於 2008-12-24 15:15 發表

紅磡站果堆指示牌係九鐵出錢既，屬於九龍南線改善工程之一
只不過是兩鐵合併，修改了訂單成港鐵格式
成個紅磡站而家舒適左咁多，除左上色同貼紙外，其他都係九鐵既功勞
而大埔墟站，港鐵也只是負責上色、貼紙同站牌，其他都係九 ...

我是一個以前間中坐東鐵，現在每日都坐東鐵綫的乘客
以前東鐵的好處僅是列車比地鐵舒適，以前東鐵的裝修實在難以令人滿意，
指示牌貼紙甩左長期唔理，室內車站陰陰暗暗
港鐵宜家執執佢都唔知幾好，咁都要插一輪
港鐵用的指示牌容易睇過舊野，呢個係冇得否認的

原帖由 KZ9314@YCC 於 2008-12-24 20:13 發表


市民對港鐵既形象都會係差唔多，因為香港而家只係得佢經營鐵路，無得選擇
但對於一些不喜歡港鐵的人來說，只會更加厭惡港鐵.

但對於一些不喜歡港鐵的人來說(個人認為多為九鐵fans)
港鐵做乜咪又一樣討厭惡港鐵.,..

最完善係租九鐵, 成立港鐵公司,用KCRC logo
再將地鐵線俾ex-KCRC 職員管/..
之後去打爆地鐵線d燈
將編號刪掉
咁就最統一

(抱歉亂up 一通)

原帖由 勁迷港鐵 於 2008-12-25 23:03 發表


但對於一些不喜歡港鐵的人來說(個人認為多為九鐵fans)
港鐵做乜咪又一樣討厭惡港鐵.,..

最完善係租九鐵, 成立港鐵公司,用KCRC logo
再將地鐵線俾ex-KCRC 職員管/..
之後去打爆地鐵線d燈
將編號刪掉
咁就最統一

( ...

說話又唔可以咁講兄台,
而家係港鐵公司有野做得唔好, 先至惹人不滿惹人插,
唔好講到其他人對港鐵公司的批評全是無中生有.

你話人地係九鐵fans,
人地一樣可以話你係死保盲保港鐵且毫無理智及理性的港鐵fans,
如果你被人扣上這樣的帽子, 你會高興嗎?
所以, 請閣下慎言. 討論區並不是排斥異己的地方.


如果你問我, 我覺得最完善的, 係地鐵公司與九鐵公司完全併合,
成立新公司 港鐵公司 HKR, 用全新logo,
並取兩鐵中最好的東西, 加入現有系統中,
如字體方面, 理應用九鐵個種字體, 較有現代感,
並將市區線的指示牌換為九鐵格式, 令地底車站更有生氣及活力

至於閃燈路線圖方面, 則應全面引進九鐵系統內,
因為閃燈路線圖確是一項美觀實用且優秀的設備

原帖由 AVW56 於 2008-12-26 10:36 發表
如果你問我, 我覺得最完善的, 係地鐵公司與九鐵公司完全併合,
成立新公司 港鐵公司 HKR, 用全新logo,
並取兩鐵中最好的東西, 加入現有系統中,
如字體方面, 理應用九鐵個種字體, 較有現代感,
並將市區線的指示牌換為九鐵格式, 令地底車站更有生氣及活力

至於閃燈路線圖方面, 則應全面引進九鐵系統內,
因為閃燈路線圖確是一項美觀實用且優秀的設備

對，這才是合併
我們應該將兩鐵的好處融合於兩鐵系統中

應該設計一個新的logo，英文名稱因屬中性詞語，所以不變亦可

應推廣九鐵黑體，閃動的升降機指示和閃動的緊急出口指示到全線
因為由明體轉黑體是社會大趨勢，同時於遠處閱讀也較容易
洗手間亦應推行至前地鐵網絡，盡量像太子、牛頭角和魚則魚涌般加建
同時亦將地鐵的閃燈路線圖放到九鐵列車上
那真是一個很好的設備

為何好像有很多「九鐵迷」呢？
其實大部分並非盲保九鐵
只是覺得港鐵應做到合併之意
應取兩鐵的長處去補兩鐵的短處
這才會對乘客最有利

棄用 "MTR", 改用新標誌, 與合併後服務水平沒有關連, 既改變不了合併形式, 也改變不了九鐵名存實亡的實質, 唯一好處可能只係對o個o的已經幻想o左自己係九鐵一份子, 自以為係九鐵 "遺民" o既人士, 見到九鐵同地鐵一齊 "玩完", 大家同時 "消失", 感覺會好一o的.