外國經驗對香港巴士網絡有無參考價值？

ccchhhuuunnn 發表於 2023-4-28 17:48
雙分拍卡呢啲solution最貴應該係開發而唔係硬件成本 所以細站擺機其實成本好小，反而最重要係有冇電到
反 ...

套 solution 一早已經係度
最大問題可能有無空間 upscale，類似早年 Telargo 網絡版咁 bottleneck 咗，否則應該唔存在開發成本

細站以現況睇最大問題係長遠 maintain 會唔會淪爲 ETA mon 咁壞咗無人跟

硬件選擇上除咗供電方法有異之外其他都係現有硬件（i.e. 八達通機 + E-Payment），呢兩件嘢多與少又唔見得差得幾多

KE7066 發表於 2023-4-28 02:12
但搞電車同巴士比又有咩優勢？獨立道路網有心劃曬巴士專線都做到
如果重組網絡可以救到其實又係咪真係有 ...

巴士專線同 busway 又有少少唔同，我想像中既 busway 係分隔行車線，專門畀巴士行，沿途擺站

點都好，雖然香港現實係無可能將全部基建同規劃砍掉重練，但 what if 角度，香港其實好值得有電車。當然唔係講緊港島果種車速較慢、部分路段又要同其他路面交通爭路既雙層電車，而係西歐唔少城巿見到果款。甚至近年歐洲，尤其是法國，好多上世紀拆晒電車既城巿，而家都重新起過，同時收窄汽車使用道路，增加綠化帶

純粹規劃角度，電車好過巴士，原因之一係起好之後運作成本其實低過巴士唔少，二來亦更環保，三來服務更穩定

而且因為服務穩定，叫人電車轉電車或者其他交通工具，係比起巴士轉車更吸引，相對更容易支持取代疏車直達線，用密車線加轉乘取代大部分需求

又係 what if 角度，用西歐模式，如果九龍起電車，分分鐘會有一條 10 分鐘一班，土瓜灣經何文田、旺角、荔枝角道去長沙灣，十分鐘一班，足以頂到好多條巴士線，對唔少用家係好過而家巴士服務水平

castanopsis 發表於 2023-4-28 03:14
Thanks for sharing
大致都同意你既見解

好難要求人人都有大局觀，
人人有大局觀去到極端，甚至可以得出唔理少數人嘅需要。

決策階層有私心係常態，放諸四海皆準。
分野係有乜制度去防止佢哋嘅私心，做利己損民嘅事。

大眾只顧自己亦係常態，放諸四海皆準
問題係政府用乜手法顧住大圍小眾嘅需要，

就算擁車政策門檻點高都好，總會有VIP, VVVIP, 行動不便人士，偏遠地區人士要用。

大多地區唔同措施，
背後嘅思維整到揸車極唔吸引，係你俾得起錢、塞得起嘅咪繼續揸囉。
同時有條通道確保客流，係客流而唔係巴士流暢通無阻。

巴士係塞車元凶呢句，固然係忽略佐公共交通嘅重要性。
但又，巴士實在太重要，重要到仍然係主幹，
甚至正常情況下仍然要救鐵路嘅駕。
香港今日固然未似其他大城咁做足全套，
但係要有夠長又暢通無阻嘅通道，
更要學嘅係新加坡咁，再起更多嘅鐵路線。
如果目標係吸私家車客返公共交通，
巴士線點多點長都好，巴士一定唔夠私家車砌，响香港今日基建網個context下，政策其實只係小修小補。


從整體公共交通嘅角度出發，鐵路運量一定要再多D，
巴士先至可以將瓹窿瓹罅嘅角色發揮得更好。

S3BL100 發表於 2023-4-28 21:46
巴士專線同 busway 又有少少唔同，我想像中既 busway 係分隔行車線，專門畀巴士行，沿途擺站

點都好，雖 ...

講運作成本除咗駕駛者牌照嘅要求無咁高之外諗唔到有咩優勢（法規上基本上框咗無可能無人駕駛，請參考南港島線），調翻轉後期路軌維修都要自己做無可能政府做埋，都係成本之一
講環保（準確啲係路邊空氣污染）呢個年代都講緊玩電巴，早二十年呢套都幾肯定無錯但去到呢個年代又似乎無太大可取之處
要穩定其實搞巴士專線 (or busway) 都已經解決到，條路幾乎你行曬，唔穩定因素搞電車一樣有，好似輕鐵咁有路口同路面車輛交叉就自然有不穩定性

計埋前期成本除非舊區砍掉重練人口大洗牌需要 mass people mover 之外又睇唔出有幾適合，電車唯一優勢似乎係佈局上同汽車唔同，變相設計上有更大空間允許快速上落

而呢樣嘢似乎啱粉嶺 B7 78A 呢啲無限排隊線多啲

同埋少少 OT，港島電車可以唔慢，慢在條軌多車又站站停姐

KE7066 發表於 2023-4-28 21:29
套 solution 一早已經係度
最大問題可能有無空間 upscale，類似早年 Telargo 網絡版咁 bottleneck 咗，否 ...

收錢/回贈喎
同ETA mon 重要程度爭好遠
點會壞咗無人整

castanopsis 發表於 2023-4-28 11:14
Thanks for sharing
大致都同意你既見解

其實有時候人口密度唔一定要高，只要個個揸車，都足夠整死交通
我果個小城巿，city area 係香港四分之一，但人口得廿萬，已經足夠令到一條 interstate freeway 日日癱瘓

而納稅人唔肯資助公共交通同時，其實無幾多個會記得，原來稅收係資助緊一眾車主。例如呢邊油價比起香港同歐洲都係相當平，又例如好多地方泊車平，甚至唔使錢。簡單例子，我呢邊巿中心有幾個多層停車場，每日傍晚六點後及假日全日都唔使錢。呢D停車場其實係將巿中心本來可以用來發展既地段拎走左，同時變相鼓勵人揸車

例如上星期某日收工後去 downtown 聽 concert，收工行過去三個字，但因為唔想完後夜晚行返學校取車，於是揸過去，結果又係揸左三個字，塞到圍住個免費停車場轉左一圈，再上幾層先搵到位泊。如果索性 downtown 唔起停車場，揸車全部泊外圍，呢種事唔會發生，唔會咁多人齊齊阻街；亦因為個個人都要行返外圍取車，少左安全考慮，我會好樂意行過去就算

（利申：我可以部分時間 WFH，一星期平均只揸兩次出街）

講返香港情況，除左因為決策者向自己同有錢人利益傾斜、不理民間疾苦外，我相信另一個原因係香港公共交通使用率已經位踞全球榜首，有人會天真以為私家車已經無乜減少空間，甚至多幾架私家車都無傷大雅，況且又真係有部分巿區道路，巴士比私家車仲要多。當然實情係，多幾架車對路面交通既負面影響，係可以幾何級數上升

KE7066 發表於 2023-4-28 22:12
講運作成本除咗駕駛者牌照嘅要求無咁高之外諗唔到有咩優勢（法規上基本上框咗無可能無人駕駛，請參考南港 ...

咁當然我無否定過而家要推倒重來、重新規劃既難度係相當高。我只係由 what if 角度探討

但不如咁講，點解法國甚至英國唔少城巿，上世紀廢除電車後，過去廿年會重新起過新系統，原因值得思考

ccchhhuuunnn 發表於 2023-4-28 22:15
收錢/回贈喎
同ETA mon 重要程度爭好遠
點會壞咗無人整

部 E-payment 成日見壞 然後又低能到熄車先 reset 到
就算牽涉錢銀 你問我嘅話對呢間馬戲團公司無任何期望

S3BL100 發表於 2023-4-28 14:24
咁當然我無否定過而家要推倒重來、重新規劃既難度係相當高。我只係由 what if 角度探討

但不如咁講，點 ...

其實好多重新“興建”嘅輕鐵系統，
唔少路段用番之前嘅廢棄嘅電車甚至係火車路軌。
空間不成問題。

去到市中心，唔多唔少連埋行人專區去規劃。

KE7066 發表於 2023-4-28 22:35
部 E-payment 成日見壞 然後又低能到熄車先 reset 到
就算牽涉錢銀 你問我嘅話對呢間馬戲團公司無任何期望 ...

部卡機壞左都係叫你去用八達通
但八達通機壞左既處理就差好遠
某程度個雙向分段可以幫九公搵到錢既
可能又真係會俾D心機