超級"靈活"的新城在年三十繁忙時間

原帖由 gn3509 於 2011-2-4 12:41 發表

之前有個POST話冬至城巴西隧線提早繁時
http://www.hkitalk.net/HKiTalk2/viewthread.php?tid=578508&extra=page%3D4
有人話九巴唔係以人為本,所以唔會有呢樣野
我諗樓主出post都係串呢樣 ...

咁真係多謝佢，識得玩諷刺。

原帖由 CTB1545 於 2011-2-4 02:38 發表

咩叫好服務咩叫差服務?係咪打三隻字話人地做得差人地就係做得差?抑或話邊個邊個巴士站年三十晚排隊人多唔提早繁忙時間就話人地一半路線做得差?唔講具體d你好難怪我講d"我令到佢比人感覺蠻不講理"嘅說話架喎

我就係 ...

我明白以前說 592 真的是過了火, 我不會否認我曾說的說話, 若有得罪, 謹此致歉
不過不能否認等 592 看到兩三輛 50-60% 滿的 72 後來一輛 80%-90% 滿的 592 滋味是......
說實話, 72 在加了 77 特車後, 晚繁班次, 尤其是六時許真的差了很多, 真是 72, 592 齊齊愈做愈差

原帖由 nwfb94A 於 2011-2-4 01:36 發表

坐左十幾年都坐到麻木晒...
習以為常晒, 對脫班呢d無晒感覺,
南區又冇mtr, 南區線做得好定差都要硬啃嫁啦
(只是我的感覺)

果條592出車海密過72 n倍+有空位比樓主揀+唔洗做閘長
我諗樓主就滿意喇 ...

第一段你說得對, 我們已習以為常, 銅鑼灣回線已脫班脫到有規律

不過尾兩行你對我的評價, 我就真的不能接受,
我只想 72, 592 evenly 出車, 不是一條班班 6min., 另一條班班 9min.,
最重要的大前提是要 72, 592 享有公平的班次, 而兩線每班都有差不多的運載率

P.S. 不過城巴在現在 72 都很多班接近 9min.

唔係為新城護航
不過老實講
樓主將大時大節既混亂同平時正常情況等同好有問題
大家話KMB,都主要係平時正正常常都可以唔見幾班車
(當然班人唔理性地將意外搞到無車拉埋去講我控制唔到)
相反年三十四圍都塞車
大家都理解既時候
就根本唔會有人仲話做得唔好
(至少九巴無車都唔會俾人話收車<-雖然可能有
但大家都明大時大節塞車)
所以如果樓主拎埋D極端情況黎講
仲有咩好講?

原帖由 KP3805 於 2011-2-4 13:36 發表
P.S. 不過城巴在現在 72 都很多班接近 9min

呢個好睇你用邊個站去計
如果拎總站0既都幾合理
但係拎興利、鵝頸橋底就不敢苟同
受怡和街影響 班次誤點情況實在一時一樣...

原帖由 PoohPoohJoe 於 2011-2-4 15:06 發表
唔係為新城護航
不過老實講
樓主將大時大節既混亂同平時正常情況等同好有問題
大家話KMB,都主要係平時正正常常都可以唔見幾班車
(當然班人唔理性地將意外搞到無車拉埋去講我控制唔到)
相反年三十四圍都塞車
大家都理 ...

真係好句，講出曬所有我想講既野。根本兩邊岸公司既問題既層次都唔同，
一個係唔識應變但無話大規模地有常規班次消失(起碼我見唔到先)，另一個
係常規班次都無埋莫講話應變?

拿觀乎樓主話到新城服務差到同對面岸不相伯仲，咁我想問新城有無好似
對岸咁，年三十晚人人期望加強服務果陣，九巴 54 五部車收兩架，
81C 收五正一蛇，87D 收六個正字軌，64K 收五個正字軌呢? 年廿九本
身開三十分一班既 72A 收左部正字軌熱狗，九巴係搞到原有班次都做唔
到甚至大亂喎，你搭條 592 起碼都叫做「平時放學班次丫」#，新城有無
同等級路線收梗一兩部呢? 如果有我即刻收聲，順手問埋你樓下條城巴 92
開廿分一班呢期佢有無收返一兩架車呀?

(# 參考: http://hkitalk.net/HKiTalk2/view ... 6&page=3#pid2184401)

你話我對人不對事挑起罵戰停我板我都要講架喇，呢排已經夠多人向九巴
抽水講都講到厭，而家仲要挑起反九同反新城既兩幫鬥講，幾時先講得完?
我入呢篇文之前仲以為有乜咁出人意表城巴服務不足添，原來係夾硬講城
巴響年三十晚呢一個大部份人都會預左交通受阻既稀有黃金日子，已經即
刻令佢攻擊城巴既攻擊力大減，仲要無辦法具體咁講佢點樣維持唔到班次
法，係新城有車唔開丫，定係新城車務調動唔洽當先? 又或者，你見今年
年三十晚同上年前年係咪差左，如果有係點差法先? 齋講話你響三越巴士
站你見到年三十搞成點，我都唔知係屬於邊樣，咁你叫我地點樣討論先?
定係齋想挑起反新城派集體出黎鬧，抑或想兩幫支持反對者出黎鬧返夠本
先至係赤口?


[ 本帖最後由 fokck 於 2011-2-4 18:26 編輯 ]

原帖由 fokck 於 2011-2-4 18:23 發表



真係好句，講出曬所有我想講既野。根本兩邊岸公司既問題既層次都唔同，
一個係唔識應變但無話大規模地有常規班次消失(起碼我見唔到先)，另一個
係常規班次都無埋莫講話應變?

拿觀乎樓主話到新城服務差到同對面岸不相伯 ...

這篇主題, 我想一些保新城人士知道, 新城非你所想

你說我想表示新城服務差到同對面岸不相伯仲,
我只說新城沒有像保新城者所想會"提早繁忙時間", 所以樓頂正文第一句已寫:
"今日, 眾所周知是大年三十, 一眾新城護航者一定認為城記會提早繁忙時間......新城是沒有這樣做"
我沒有說新城有收車, 我沒有說新城有錯, 只是說當天沒有"應變"

我相信許多都討厭"盲目保新城者", 我才寫這文,
樓頂資料都是 Positive statement,
"以一個每天乘坐新城的人說真相, 一定比其他乘坐九記的人將新城抬上天的新城護航者所說的真實", 這句才是 Normative statement
"照看人龍狀況, 新城應沒有提早繁忙時間, 並不是"坐九記, 護新城"的人所說的一般", 雖這句是 Normative statement, 但若果我錯, 我篇文不會有 apower + 19,
想一下, 其實有人認同

你說:"對人不對事挑起罵戰停我板我都要講架喇，呢排已經夠多人向九巴抽水講都講到厭"
我想盡量減低九巴抽水論, 平息風波. 其實, 這文想"保新城者"不要捧新城上天及不斷抽九巴水.

我樓頂重點想諷刺"保新城者", 並非想說"新城有錯", 請看清楚我有沒有說"新城差"
只是"聽者有意"的人將重心轉移, 並非我想. 不過可惜, 有人開始轉為攻擊我. 完全與原文之意背道而馳

原帖由 KP3805 於 2011-2-4 23:08 發表


這篇主題, 我想一些保新城人士知道, 新城非你所想

你說我想表示新城服務差到同對面岸不相伯仲,
我只說新城沒有像保新城者所想會"提早繁忙時間", 所以樓頂正文第一句已寫:
"今日, 眾所周知是大年三十, 一眾新城護 ...

搭左咁多年車,你話邊年年三十全部線都有提早過繁忙時間?

呢D服務有係bonus,冇你又唔怪得佢,家陣人地有講到明咩特別日子會提早繁忙時間咩?2月2日係黑日,跟平日時間表行車有咩問題?
你話d新城護航者一定會認為新城會提早繁忙時間,我又好想問下你,從來有人會提過新城肯定會提早繁忙時間咩?定或者係你斷章取義覺得人地會咁諗?

本來新年流流,d人話我斷章取義老屈樓主,我算,我係有錯,比人扣分心甘命抵,嘈少幾句大家有著數.但係我見你比人加分就覺得成件事好合理,sorry,我唔認同囉.

呀係仲有,睇返#50自己講過d咩,你話人地有一半做得差

[ 本帖最後由 CTB1545 於 2011-2-4 23:26 編輯 ]

原帖由 CTB1545 於 2011-2-4 23:24 發表

搭左咁多年車,你話邊年年三十全部線都有提早過繁忙時間?

呢D服務有係bonus,冇你又唔怪得佢,家陣人地有講到明咩特別日子會提早繁忙時間咩?2月2日係黑日,跟平日時間表行車有咩問題?
你話d新城護航者一定會認為新城會 ...

年三十都唔係個個打工仔有得放早...
最弊係一d放1點, 一d放3點, 一d放4點...一d放6點
最惡搞

[ 本帖最後由 nwfb94A 於 2011-2-4 23:38 編輯 ]

其實農曆新年除夕, 相比之下應該比冬至,平安夜,中秋節等仲難編更表的~
農曆新年除夕對通宵交通需求, 比中秋節應該更大,
因平時做通宵更司機人數有限, 所以一定有機會將不少日更司機抽去做當晚夜更及通宵更,
但詳情編法我就唔知啦....
但可能咁樣會解釋到點解農曆新年除夕既繁忙時間唔夠班次~

[ 本帖最後由 Choco 於 2011-2-4 23:54 編輯 ]

原帖由 CTB1545 於 2011-2-4 23:24 發表

呀係仲有,睇返#50自己講過d咩,你話人地有一半做得差

Sor, 寫錯, 應是:較為"差(post 字面改正: 較為次等)
他說我主要批評南區線, 但他認為東區新城線可以接受, 所以我說: "不過新城有約一半都是南區線, 即是他有一半做得較為次等"(原文錯誤: 做得差)

這次我失言, Sorry to all readers