屯門南延線估算料增至160億 上蓋建2萬單位

ryandroid 發表於 2019-6-10 23:54
香港同一條綫嘅車站、列車、車廠係同一間公司擁有
屯門南延綫係西鐵伸延
根據過往政府嘅安排

歷史上出現過由東隧公司擁有藍田站同東隧鐵路部份，東隧公司無列車亦無車廠，但係多年來都無影響運作
東隧公司亦係私人機構，一樣可以對地鐵公司開天價

仲有，何文田站同金鐘站擴建部份已經無劃界，你最後講嘅「問題」一樣會出現

ryandroid 發表於 2019-6-11 00:19
你意思係港鐵作為上市公司推行鐵路工程時受監管嘅程度高過九鐵？
真係願聞其詳 ...

港鐵叫做私人公司，而九鐵係政府嘢，唔排除政府對九鐵鬆手，就正如房委會物業唔駛由屋宇署負責，由房署自己監管一樣

hokachung 發表於 2019-6-11 03:00
歷史上出現過由東隧公司擁有藍田站同東隧鐵路部份，東隧公司無列車亦無車廠，但係多年來都無影響運作
東隧 ...

東隧份合約係BOT
東隧公司只有短暫的營運權而不是永久資產
而且隧道公司嘅收費調整要行政會議批淮
再者政府只以象徵式地價將資產轉移俾港鐵
基本上就算東隧喺嗰廿年收嘅租收得幾貴
港鐵俾一千蚊就買到藍田站同東隧路軌都係有賺

何文田站同金鐘站至少月台部分係同同綫車站其他車站係屬於同一間公司資產
政府同港鐵本身喺呢2 個車站工程費係按使用比例攤分
所以就算日後沙中綫俾咗另一個營運商
新營運商只需要向政府交租以不用理會港鐵
租金及車票收入比例都可以按使用比例攤分

但屯門南延綫以鐵路加物業發展模式發展嘅話
港鐵就會永久擁有100%資產
資產出租收費亦可以不受政府及法例監管
憑咩認為港鐵唔會開天殺價？

jpoon 發表於 2019-6-11 04:19
港鐵叫做私人公司，而九鐵係政府嘢，唔排除政府對九鐵鬆手，就正如房委會物業唔駛由屋宇署負責，由房署自 ...

房署同同屋宇署有立法會、審計署、申訴專員公署去監察
港鐵除咗證監會之外有咩可以監察？
行政會議連想罰港鐵喺高鐵超支超時嘅能力都冇喎

沙中綫出事
政府自設調查委員會
幫港鐵力阻立法會成立調查委員會
私人公司喎
政府對港鐵好手緊咩？

Toz 發表於 2019-6-11 02:18
點解你認為政府親自落場做野會比港鐵好...

港鐵有商業秘密，政府/九鐵無。

似乎大家都搞錯一件事：「鐵路加物業發展模式」係融資方式，而非擁有方式
兩鐵合併後，相對「服務經營權模式」的叫「擁有權模式」

再參考兩鐵合併時文件：

考慮合併後新鐵路項目的融資安排時，政府會視乎個別情況，繼續審慎研究應否提供財政資助，確保鐵路發展能為市民帶來最大的效益。政府會為個別項目研究最佳的融資方式，包括批出鐵路附近的物業發展權或實行其他措施。

就九鐵鐵路的自然延展項目而言，政府可能會採取擁有權方式（即由營運者負責新鐵路的融資、建造和營運）或經營權方式（即透過一項獨立的服務經營安排由營運者負責新鐵路的營運）。

無錯你會話文件明明寫「擁有權模式」即由營運者負責新鐵路融資、建造和營運，但以「服務經營權模式」推展的話係咪等於唔能夠以「鐵路加物業發展模式」作為融資辦法？
呢個要睇政府點同港鐵Deal了

053h4 發表於 2019-6-11 10:34
房委會裡面有民主派代表。

呢D唔係必然代表喎，都係凸手委任，而且佢鍾意唔委任你你就冇得做
仲有就係執行果個係房屋署，你點搞都好建制派唔認同佢唔配合你你都冇符，就好似加租咁房署話要加租你點嘈都冇用

ryandroid 發表於 2019-6-11 10:03
房署同同屋宇署有立法會、審計署、申訴專員公署去監察
港鐵除咗證監會之外有咩可以監察？
行政會議連想罰 ...

上市公司又點只證監會監察？佢起嘅嘢要有路政署/屋宇署監察，佢做嘅嘢有股東監察，而家係政府呢兩樣嘢做唔足，審計署同樣可以問責
政府其實仲有手段，但作為大股東連行駛能力都做唔到，我都唔知呢個政府係乜了

成立唔到調查委員會係建制派放生，以而家嘅政局就算係政府部門出事立法會建制派一樣會放生

巴士的膠 發表於 2019-6-11 10:12
港鐵有商業秘密，政府/九鐵無。

https://www.post852.com/230434/%E7%94%B0%E5%8C%97%E8%BE%B0%E6%8C%87%E9%AB%98%E9%90%B5%E6%AC%8A%E7%9B%8A%E4%BA%A4%E4%B9%9D%E9%90%B5%E3%80%80%E7%82%BA%E9%81%BF%E5%90%91%E7%AB%8B%E6%9C%83%E7%94%B3%E6%92%A5%E6%AC%BE%E5%8F%8A%E5%85%AC/

田二少都話九鐵可以有商業機密

另外，如果政府通過九鐵簽訂合約，合約的條款亦可以因「商業機密」及「敏感」等原因不必向立法會披露，而立法會至今亦未知合約形式。