建議重組隧巴 103 104，取消 113，分拆 905

S3BL100 發表於 2023-6-6 23:19
上面咪都話左，功能同乘客種類唔同囉

又咁講，99 食 96，怡和街客一樣要行出去景隆街上車，而且仲要過多 ...

功能唔同
96/99內陸改到，104要改都改到
就算針對返買餸要再就腳啲，仲有小巴可以去做

結論係103/113大家需求唔同，根本唔應該合併
太子道西要齊返哂服務只能夠拉109去解決，平衡需要與資源

個時間表睇完有幾班車夾唔返，問清楚啫

1181174166 發表於 2023-6-7 08:52
功能唔同
96/99內陸改到，104要改都改到
就算針對返買餸要再就腳啲，仲有小巴可以去做

我唔認為 99 食 96 個例子對於另一岸既 104 改唔改得，有咩參考價值。至低限度無兩蚊雞、買餸客問題，更唔係電梯線功能。反而同樣係銅鑼灣，99 食 96 對於 103 改唔改得既參考作用就大好多

況且你咁玩 104，唔止通菜街同花園街街巿，旺角至油麻地成大段彌敦道完全無左服務；銀行中心附近一段，替代車站遠。而且重點係，溫和好多既方案，地區都已經 ban 左，之後都無再提

我 103 雖然係搬站，但搬完後行車時間係有明顯減少

總之你呢種亂改人地條線、拎走人地服務、鑽穿人地一個大窿，去補自己一個窿仔、成全自己服務不受影響既心態，係相當不要得

109 拼 103，上面都講左，如果資源同時段問題搞得掂，當日已經做左。而且又咁講，雖然我唔認為 103 唔做怡和街會倒咩客，但現實少少，打個比喻，7 部車做 5000 客，同 14 部車做 6000 客，巴士公司立場一定係揀前者，因為多出果 1000 個客 cover 唔到額外 7 部車既成本

S3BL100 發表於 2023-6-7 21:32
我唔認為 99 食 96 個例子對於另一岸既 104 改唔改得，有咩參考價值。至低限度無兩蚊雞、買餸客問題，更 ...

旺角有905
油麻地104會照經

"銀行中心附近一段，替代車站遠"->怡和街/天后???????
"溫和好多既方案，地區都已經 ban 左"->可以確保103/113合併唔會反對?

拎走人地服務 ->103不再服務到銅鑼灣南/灣仔南，只有大區車站

109拼113?資源同時段問題，幾個post之前已經睇唔明你份表點
例如竹園開
0800 C -> 1000 C
0820 C -> 1030 C
0840 C -> ??
0900 C -> ??
0920 C -> ??
?? -> 1100 K
0940 K -> 1130 K
1000 K -> 1150 K
1020 K -> 1210 K
1040 K -> ??
最後，我搭103遠比113多，仲要係怡和街/中圖/興發街上車

如果疊埋心水，開宗明義做中西區，游說樂富竹園用銅鑼灣換中上環服務返嚟，走線唔使咁奇芭好過
合併後只需要行灣仔道直入隧道，又可以停返堅拿道西
好過中上環上車，碌到隧道口輪迴，過完海又硬食兜衛理道

1181174166 發表於 2023-6-7 21:58
旺角有905
油麻地104會照經

講左幾多次，唔同種類既社區功能同乘客，標準自然都唔一樣，你唔係唔明白下話？

我無講過 103 113 合併一定無反對，但個分別係已知有反對 vs 未知有無反對，你就偏要做前者。而 103 113 西港島線通車果期合併唔成，我亦已經盡可能針對當日反對理由修改方案，但你就人地反對完，倒過來要強推一個比當日影響更大既方案

都話無野係 100% 肯定過到，但有野係 100% 肯定過唔到。但你就要做一D人地 100% 反對既野

而 103 亦唔係圍住萬基大廈或者是但一個區轉，亦唔係只得你一個客坐。萬基大廈無疑係其中一個相對多客既位，但仲有竹園同樂富，食埋 113 就仲多左聯合道同太子道西。今次個方案對呢幾區都有甜頭，竹園同樂富有車落中上環，太子道西聯合道有車落銅鑼灣，同時亦無拖慢中上環車程。至低限度人地全部支持而得你一個因為站位搬走左而反對，結論幾乎肯定都會係照做

你又唔講下灣仔起計，堅拿道西坐新 103 比起而家兜天后圈快幾多

調轉你要竹園樂富交條銅鑼灣線出來，一來兩巴肯定唔制，二來亦好肯定過唔到。搬走你怡和街個站就嘈生晒，要人地兩個大區交出條銅鑼灣線就好似無問題。又係己所不欲 must 施於人？我諗呢度正常人都會同意景隆街屬於銅鑼灣範圍，但堅拿道西應該當灣仔計

另外份表，0940 九巴一車，卑路乍灣接 1130 九巴二車，返到竹園可以接 1300 九巴三車；1040 九巴尾車去到對岸食飯休息，接下轉 1350 頭車。頭車去到對岸接二車，已經比起而家 113 頭車去到對岸接三車好好多。上繁行車時間其實反而仲短，做法又會有少少分別，但概念大概係咁

S3BL100 發表於 2023-6-7 22:56
講左幾多次，唔同種類既社區功能同乘客，標準自然都唔一樣，你唔係唔明白下話？

我無講過 103 113 合併 ...

"無拖慢中上環車程"有保留
來回加經衛理道，三過隧道口先過海

"太子道西聯合道有車落銅鑼灣"
本身太子道西有得去伊館，改完行幾遠?結果咪又係犧牲
又衰啲講，講咁多太子道西，出客又有幾多?
題外話癲啲諗過104唔改，905改去東頭，又或者104遲多幾個街口先返轉頭
人哋搭幾多次我唔知，不過肯定行完sogo唔會再考慮103，改完隨便
亦可見唔會只有我一，倒咁一啲，條線又變30 lu
對地區而言贏唔贏到粒糖都講唔上，合完之後班次基本上無提升，過一排再減
不過sorry，兜開繼續硬食

"灣仔起計，堅拿道西坐新 103 比起而家兜天后圈快"
堅拿道西應該係話只係交界位，時代廣場咁近，大概時代都甚少有人講近灣仔啩
唔講下合和行出去上車兜完慢113幾多?

"調轉你要竹園樂富交條銅鑼灣線出來...正常人都會同意景隆街屬於銅鑼灣範圍"
灣仔上車覺得天后圈兜，中上環上車點解三過隧道口就唔兜?
銅鑼灣範圍仲好笑，做個樣，實際遠少少都唔會行過嚟搭車
有個銅鑼灣區嘅站同覆蓋銅鑼灣幾多係兩樣嘢，覆蓋唔到仲趕中上環客，灣仔好地地要行出去告士打道上車
幫你諗埋，行返灣仔道停堅拿道西先兜景隆街，灣仔唔使停，而插到旗，只係上到十個都還神
唔好話上十個，倒走嗰啲都有機會多過條數
樂富竹園攬銅鑼灣都只會係邊皮，中上環灣仔全部都係要陪住佢兜，行天后兜，行銅鑼灣都係兜
直入必然最快，隧道口輪迴三次，舊客唔一定受，新客直頭嚇走，長遠對條線只會差

至於份表1100九巴一車上一單係幾時?

kay 發表於 2023-6-1 20:52
10年前都有提103 113併左九龍段
不過以客量低郁手係咪可以過關難講
113有個唔好地方係唔過海有少量流水 ...

個人覺得113要拼都應該揀109

JX9097 發表於 2023-6-8 17:51
個人覺得113要拼都應該揀109

併109就係港澳碼頭往返黃大仙兩邊縮
唔會咁筍同你中間兜晒何文田

kay 發表於 2023-6-8 19:23
併109就係港澳碼頭往返黃大仙兩邊縮
唔會咁筍同你中間兜晒何文田

忠孝街走唔甩
唔係一早109已經升天

1181174166 發表於 2023-6-7 23:24
"無拖慢中上環車程"有保留
來回加經衛理道，三過隧道口先過海

如果你係講衞理道，由萬基大廈起計，根據九巴網站數據，113 平均 13 分到紅隧口，103 平均 15.5 分，只係差兩分半，但好明顯繁忙時間 113 行法最塞車

調返轉就係 7 分同 11.3 分既分別，但等多幾分鐘已經無左

反而係你話 109 同 113 合併，車程增加時間肯定更多。淨係紅隧口到愛民邨，109 已經要 7.8 分，113 同 103 分別 3.2 同 7.4 分。109 仲要兜返上何文田廣場，甚至可能有必要入埋何文田總站，肯定仲耐過 103

想唔拖慢車程，咪 113 繼續同咁多條線一齊攬炒囉。103 至低限度肯定快過你求其拉 109 上東頭邨先

至於港島段，我之前已經講過唔知幾多次，新 103 行法原來同 113 平手甚至仲快，亦已經提示左可以點樣計算。唔係你翻 loop 多幾次就唔成立，然後又要我浪費時間重複又重複，就同一個論點不斷糾纏，反正都係無新 points

只要中上環客坐完後發現唔慢得過 113，就已經唔會倒客

而點解係景隆街後加停堅拿道西入紅隧，而唔係堅拿道西後停景隆街入紅隧？你望下景隆街入紅隧走線先，最直接果條 U 形橋最塞，其中一條打尖走線正正係鵝頸橋，只係加多個站咁大把，灣北打尖走線未必快。調轉堅拿道西後停景隆街，係咪要同一條鵝頸橋行兩次？你話入境處後見到紅隧口第三次先入隧道，實情係第一二次直入紅隧都係塞到傻，咪當飛起車龍打尖囉

景隆街停埋堅拿道西唔會慢，調轉就慢好多

兜得黎如果唔慢其實根本唔係問題，而家 103 係講緊比其他中環灣仔一邊過來既紅隧線，平均慢至少 10-15 分入紅隧

至於份預想時間表，你可以留意到九巴上繁竹園開六班車過海，但去到港島得三部返九龍。反正上繁後果轉，0940 過海一定接唔到 1100，1100 只需要上繁其中一部車去到對岸休息再做返已經搞掂喇

S3BL100 發表於 2023-6-8 22:37
如果你係講衞理道，由萬基大廈起計，根據九巴網站數據，113 平均 13 分到紅隧口，103 平均 15.5 分，只係 ...

109/113合併唔一定要入何文田總站
而合併最大原因係109比103同113重疊嘅程度更大
講到最尾都係做太子道西，客又唔係出得多

新 103 行法不斷糾纏係因為你無正視步行距離同鐵路競爭
係咪要同一條鵝頸橋行兩次?唔停景隆街咪直入
好啦又話竹園無車乜乜_ _，兜返天后囉，倒客又如何?本身中上環做埋銅鑼灣都唔係主流架啦
103依家多人起上嚟企人返九龍維景，你都唔care兜完天后圈都仲有嘅客