增建直通元朗區至大埔區的快速公路之奇想

香港一直以來直通元朗區至大埔區的道路只有林錦公路，行粉錦公路已經比較迂迴，至於行9號幹線就更迂迴，導致例如來往屯門區至大埔區的巴士路線就一直都搞唔成，來往元朗區至大埔區的全日專利巴士路線就只有一條行林錦公路的64K。之前林錦公路斷纜（http://www.hkitalk.net/HKiTalk2/thread-793286-1-1.html）就顯然到當中的弊處，因為就算64K改行粉錦公路，其車程最恐怖是會拉長成接近兩個鐘，即是接近276系轉東鐵的車程的兩倍。

如果有一天政府提議增建直通元朗區至大埔區的快速公路，選址例如由3號幹線錦田段開始，興建一條以隧道或者過山形式的快速公路，然後接駁9號幹線大埔市區段的南北方向，如果可以例如繼續去到船灣的新娘潭路的中段先至完結就更好。大家估計社會各界會怎樣看這件事？

其他車應該比較「醒水」行新田...
你起一條路淨係為咗俾巴士行？

一條高鐵已經搞到當區好不悅, 又拆屋又盛, 過山公路更加唔知點起,
圍住錦田全部係郊野公園.

現實咁講,由於林錦公路未有慣性於上班日
之繁時出現明顯擠塞,又已經有新田公路呢個合理
而唔算太塞車嘅選擇(取道欖隧/屯公明顯係唔可取)
迫切性太低,係都攪咗沙田公路近新城市唔夠行車線
嘅問題先啦,如果擴闊林錦公路可能較理想,不過難在
沿路民居反對收地,技術上可能亦比(新)東涌道更高.

至於封路令64K經粉錦出大埔兜大圈
其實唔只一次,通常亦只係持續一日就
至少清理到開返單線頂住先,我個人建議
再有類似山泥傾瀉,可考慮變成上村開出
經錦上路及博愛醫院,反方向咁經新田公路
做暫時代替,元朗大馬路都係276(P)加東鐵算數
好處係減輕車長每轉行車時間,但會令靠近上村嘅
乘客往返大埔比經粉錦用更多時間.

[ 本帖最後由 kitarolo 於 2013-8-8 20:09 編輯 ]

原帖由 kitarolo 於 2013-8-8 20:01 發表
現實咁講,由於林錦公路未有慣性於上班日
之繁時出現明顯擠塞,又已經有新田公路呢個合理
而唔算太塞車嘅選擇(取道欖隧/屯公明顯係唔可取)
迫切性太低,係都攪咗沙田公路近新城市唔夠行車線
嘅問題先啦,如果擴闊林錦公路可能較理想,不過難在
沿路民居反對收地,技術上可能亦比(新)東涌道更高......

但事實上路政署未必真係下下等到普通道路飽和的時候先至興建新的快速公路，當年路政署唔理愉景新城居民的反對大費周章將象鼻山路延長穿過愉景新城將9號幹線算是叫做變成一個完整的環形就是一個好例子。而事實上屯門直接往來沙田的交通需求一直都是偏低。

而青沙公路亦是一個好例子。而事實上大埔公路的使用量都未去到飽和。

原帖由 238X 於 2013-8-8 17:01 發表
其他車應該比較「醒水」行新田...
你起一條路淨係為咗俾巴士行？

我從來冇話過想像中的直通元朗區至大埔區的快速公路淨係俾巴士行。

而事實上大埔工業邨是香港品牌的食品的主要生產地。想像中的直通元朗區至大埔區的快速公路相信亦都會令這些廠商高興。

[ 本帖最後由 paul2357paul 於 2013-8-8 21:10 編輯 ]

(原文從略)

當然唔一定等到飽和先擴建/興建道路
青沙公路其中一個落成原因係因為考慮到
獅隧年時已高好可能要大規模維修,所以作代替品
但由於建築時間遲於四周發展,兩端出入口選址都
唔太理想,至今未完全發揮其分流作用,甚至連城隧
嘅車流都分擔唔到(因為用青沙去北大嶼山里數更遠)
用得青沙最多應該係貨櫃車,大埔道的確少咗好多重型車行。

我有一次搭朋友之順風車由元朗到大埔,都係取到
林錦公路,里數較短且唔似64K站站停其實唔比用新田
公路,時間上唔會相差太遠,如果要辦64K特快版理應從
265S方向著手,因為重型車行林錦就算整條唔停站版本都
慳唔到幾多時間,隨時俾原64K頂住又無得扒頭,至於屯門大埔
之間現73X已提供多條屯門M線轉乘,甚至係263城隧轉乘,實在
唔值得去等一條元朗至大埔嘅特快公路落成,因為咁會用唔著屯門
一邨一線嘅優點,開一條行晒成個屯門無人搭,開兩條未必夠客,唔同
綠小44系(因一開會分薄經上水去大埔嘅客源,大埔亦非靠近跨境口岸)

另外,點解要伸延到新娘潭咁遠？去到大埔工業邨
應該已足夠,就算數年後計劃落成蓮塘口岸(由打鼓嶺
接駁深圳市,可能建一條行車隧道都只係通去現時九龍坑
拼入九幹,所以先咁積極攪四線化)都無必要深入汀角,除非
又大規模發展個大埔東計劃啦。

[ 本帖最後由 kitarolo 於 2013-8-8 23:00 編輯 ]

原帖由 kitarolo 於 2013-8-8 20:01 發表
如果擴闊林錦公路可能較理想,不過難在
沿路民居反對收地,技術上可能亦比(新)東涌道更高.

離題一問
安達臣道至大埔仔一段清水灣道係四線行車
其實呢段路係咪後期先擴闊成四線?
如果林錦公路都一樣擴闊成四線
可以比車爬頭之餘
時速限制亦可以考慮改為70公里

原帖由 bobbycheng 於 2013-8-8 22:23 發表
離題一問
安達臣道至大埔仔一段清水灣道係四線行車
其實呢段路係咪後期先擴闊成四線?
如果林錦公路都一樣擴闊成四線
可以比車爬頭之餘
時速限制亦可以考慮改為70公里  

我唔敢扮磚家
其實白牛石上農場一段已經係來回共三線
難就難在農場至上村一段,根據維基資料,以前
林錦更加窄,係擴闊後先可以由單層亞比安轉為
M/BL等雙層行走,而轉全冷之前亦係白牛石上農場
一段已經掘多一條線出嚟。

有心擴闊就一定整到凌雲寺一段,大不了
咪好似(新)東涌道一半用舊路一半用新路
(但近乎無民居受影響所以各方都全力支持)
無人想住開嘅地方被徵用整路,而且以今時今日
政治環境計,要收地肯定比二三十年前困難得多。

[ 本帖最後由 kitarolo 於 2013-8-8 22:57 編輯 ]

原帖由 paul2357paul 於 2013-8-8 10:46 發表
如果有一天政府提議增建直通元朗區至大埔區的快速公路，選址例如由3號幹線錦田段開始，興建一條以隧道或者過山形式的快速公路，然後接駁9號幹線大埔市區段的南北方向，如果可以例如繼續去到船灣的新娘潭路的中段先至完結就更好。

大家估計社會各界會怎樣看這件事？

客氣的說：
「有人『飽食無所出』吧……」
直接說的話，
小弟又要再被停板了！

是不是香港每一呎地方都要被高度開發？

1976年(首次)整體運輸研究中建議的新界環迴公路，取道林村而不是新田連接新界東西，故「埔朗公路」並不是什麼新建議。

據說，林錦公路的車速限制，在九十年代進行改善工程前是70km/h，但改善工程完成後卻降為50km/h。