（有感而發）30X/234X/33A/41/45 重組

Ricky403 發表於 2019-1-15 11:44
類似建議其實喺我嗰版castanopsis兄個帖都有
但6C拉上麗瑤，即使只係安排一半班次入祖堯都好，都犧牲咗半條 ...

敬祖路問題可以再同署方傾
之前十二米行都相安無事，好多都係事在人為
去得多地方係唔係代表居民受落？未必
6C 有佢優勢
而家雖則一個鐘四班出市區
一半車要收七蚊，仲要落唔到旺角以南
回程聯合班次失準，半個深水埗無得叫兩飛
可以考慮砌多條 X6C 出嚟，美孚之後直飛佐敦道入九龍城，疏疏哋當私牌做

離一離題先
九東線我本身有個腦圖
抽 40 出去
青南搭四小龍一條、蘇屋荔枝角道一條
荔景線點插都好，成個 pool 會亂哂
是但一邊客源基礎都會細咗
除咗九東線，另外一條有價值嘅就係青沙特快
擺沙田站或者大圍站，荔景山跟 30 單循環，三架車已經做到四個字一班
補埋青沙直落美孚個位
甚至隔班 46X 放荔景北都玩到自我分裂

全青衣得返寮肚同青南無西九特快
青衣尖咀特快戰略意義已經大減
第一尖沙咀總站數目緊張
第二配額有限
我會寧願放北葵線入尖沙咀
青南就爆條東九線出嚟

49P 同 249X 服務對象唔同
由青北去新城市，249X 幾乎係由頭坐到尾
啱啱上 kmb.com check
長安去沙田市中心
49X 耗時 32.9 分鐘
249X 耗時 31.1 分鐘
249X 比荃灣遊嘅 49X 慳咗兩分鐘都無
對於長發、長安，49P 站位比 249X 優勝
無論轉乘網絡、時間 49P 都拋離 249X 幾條街
而 49P 同 249X 係青北嘅支持率亦都反映咗出嚟

當日諗過幾個方案
大涌道直出唔夠客、青山公路地鐵天橋陣太方便、楊屋道比 238X 搶左半壁江山
所以最後揀行沙咀道
相近嘅 930X，無論係乘客反饋定行車時間都可以接受
大涌道經西站到荃灣路，google map 顯示 9 分
大涌道經沙咀道到荃灣路同一位置，google map 顯示 8 分
行沙咀道仲快一分鐘，因為西站上公路要繞場一週先走到
鐵路上同沙咀道/千色店，我認為後者更值得做

k58 發表於 2019-1-15 21:18
敬祖路問題可以再同署方傾
之前十二米行都相安無事，好多都係事在人為
去得多地方係唔係代表居民受落？未 ...

敬祖路唔俾行12米，據聞係有其他人同運豬投訴巴士過火位，唔似得城隧純粹有車長玩文字遊戲
除非九巴承諾揼重本大幅改善全體車長手車同待遇，照顧哂其他道路使用者同居民安全，否則解禁無期

去得多咗地方無錯唔代表服務水平好咗
但去得少咗地方換部分本身去到嘅地方有更密班次，大部分人享受到好少，唔會鍾意；正如43C殺線，42A加班搞咗幾耐，青南就嘈咗幾耐
況且班次呢家野冇保證
九巴而家好多路線都有收車，或唔跟時間表開車，但脫班率5%都未到
喺有ETA參考去預時間下，相信通達度會逐漸outweigh班次

30X拉去做西站而家接近定局，我傾向唔再搞佢
行沙咀道我認為好壞參半，或者會吸到新客，但繼續停燈陣，繼續趕荃景圍客走
出九龍轉行大涌道直入西站再楊屋道出，入荃灣直入西站再大河道返富華街，亦已經係做西站下最好行法

拆46X、青南東九線，都有個共同問題
佢地並非全新增服務，只係一啲對現有服務嘅些微改善，作為減車補償似乎略欠說服力

Ricky403 發表於 2019-1-18 22:46
敬祖路唔俾行12米，據聞係有其他人同運豬投訴巴士過火位，唔似得城隧純粹有車長玩文字遊戲
除非九巴承諾 ...

當敬祖路行唔到大車
一個鐘三架大換細，損失大約一架車運力，補架蛇車都夠玩
但係美孚落到太子砌咗條 33，油旺有 6F，又有何文田站
6C 已經唔係用三門車都唔夠做嘅年代
個人認為少架車都夠載

42A 43C 同 41 45 兩 pair 都無可比性
前者兩條線有獨立班次，價錢一樣，客流高
相反荔景山就比 45 拖後腳
一半車硬食七蚊，一半車落唔到油佐
回程深水埗無得叫兩飛
以上全部 ETA 都解決唔到
班就可能脱，ETA 都可以失準
6C 收都無咁明顯，45 46 一收車就跌落一粒鐘
又換個說法，宜家 45 46 咩環境
何文田上 45 大半車都喺美孚前落哂46 已經衰到要開單層
根本對於主流客群嚟講，6C 點都好睇過對垃圾孖寶

巴士入西站原地轉圈無論觀感定實際上仲差過直行沙咀道
回程更加唔好講，入西站分分鐘慢 39X 兩個字，荃景圍吉車都似
睇返 234X 回程個客量分佈，荃灣市有一定份額嘅人肯坐巴士出九龍
祈德尊有 34X，荃灣公園有 238X
即係淨係做到上蓋客，但係你車又唔係密
再擺落去只會地區資源不均，荃灣西一帶坐擁鐵路同三條 X 線
沙咀道呢啲遠離鐵路位就得個吉

荔景青沙線、青南東九線呢啲都係我暫時諗到有用而且牽涉層面少嘅線
青南得朝早半粒鐘有 X42C
最簡單，42C 抽一架車，加多三架車
已經可以變成 934 咁，大半日有車往返東九
荔景青沙線比 46X 稍快
麗祖兩區由有變無
擺到沙田站嘅，落新城市唔使轉車
唔考慮價錢嘅，我覺得 2X 都有潛質拉上去
對比原有服務，都有幾大程度上嘅提升

k58 發表於 2019-1-19 19:56
當敬祖路行唔到大車
一個鐘三架大換細，損失大約一架車運力，補架蛇車都夠玩
但係美孚落到太子砌咗條 33 ...

6C大換細，就算班次照舊，對深長荔紅土觀感都係差
荔景山出名無客，深長荔會唔會覺得嗰幾部車自己食咗去開密啲好過呢？
做差條6C，亦影響再搞6F嘅計劃
6C/6F呢組又會再拉埋30X伊院黃埔流水
6C代45/46做麗瑤祖堯係咪值得，相信要屯馬線全通後先或者係
而家土瓜灣鐵路都未有，只係得何文田站，而6C/6F已經減咗班，再做差6C理據不足

41/45/46個所謂聯合班次無錯係唔算搞得好
但拉條6C就解決哂荔景山交通問題？我又唔覺
到時6C (應該要改冧巴) 頭重尾輕，荔景山日日10分鐘一班載空都唔見得好好
有時無客就係無客，開密車吸客，試搞完為咗賺番條數咪又減番班收番車......
地區觀感上，6C拉到入黎，牌面10分鐘一班實則可能10分咗3個月就減到15分鐘一班，係咪真係咁好？
45/46同6C嘅格局，的確好多人都揀6C，但區議員角度，留住自己嘅45/46無疑更加方便

如果6C拉到入去麗瑤，就變成咗荔景嘅，相信深長荔會反對拉線
深長荔係6C總站區，如果反對拉線，基本上方案就實擱淺

而家30X兜荃灣站，其實觀感都好差，再行沙咀道停燈，差上加差
除非你將佢搞到學234X大涌道走，否則荃景圍繼續兜西樓角路、大河道加沙咀道，又疏車，點都係趕客
30X唔兜荃灣站，觀感即刻好番一截
根本條線最大敗筆係荃灣市燈陣加疏車，改其中一樣已經好得多，上繁230X直出唔經荃灣站沙咀道，即刻坐滿走

好多站友都認為祈德尊個站做到荃灣西站上蓋
而我身為一個成日會經過嗰頭嘅荃灣人，可以話西站上蓋行出去祈德尊、楊屋道或滿樂係毫無吸引力，唔經如心或西站就做唔到西站上蓋
楊屋道亦一直爭取有比33A快嘅巴士出九龍，但除非尾站，佢地都係唔夠支撐一條半條線
30X出九龍，按九巴意願入西站後，最順路行法亦係楊屋道出去，順手滿足埋楊屋道需求，同時大河道班客只需向南行多兩個街口
返荃灣更加可以落橋後直接入去，再行番大河道出去，就算慢，都係一兩轉燈嘅事，話10分鐘真係誇大得好緊要
何況自從沙咀道西行右轉大河道北行拉長咗綠燈時間後，沙咀道東行入大河道唔再順燈，往往比以前用多半轉燈
大涌道北行右轉沙咀道東行綠燈時間都唔長，根本唔會慢好多
反正停祈德尊滿樂都係同234X爭客 (無論234X飛唔飛大河道)，沙咀道西行就見到都怕 (平時唔算大塞，但一塞你無十分鐘八分鐘都走唔到)，而九巴想做西站，荃灣路落橋直入西站再學34出青公一定係最好走線

去程同回程，客量分布好多時唔太一樣
234X回程荃灣市落嘅客，可以係荃景圍/西約人順手先喺荃灣市買下野
去程呢類客少得多，同時未有車到可以去南北兩個鐵路站，亦明顯可以見到30X荃灣市上客出去同返黎落客個數目係不成比例

30X加經西站，如果同時有個契機比佢理順走線，去程飛走荃灣站、回程唔再同234X打到正，點解唔做？

荔景青沙、青南東九線某程度上唔一定要靠41/45/46減車抽車去做
只不過有41/45/46減車抽車，班次會好睇少少咁解
所以我先話唔係全新服務，作為抽車補償未必講得通

Ricky403 發表於 2019-1-20 10:01
6C大換細，就算班次照舊，對深長荔紅土觀感都係差
荔景山出名無客，深長荔會唔會覺得嗰幾部車自己食咗去 ...

主次要分清楚，6C 係踢左上去先有得加車，唔係無啦啦個天降俾佢
宜家單向入左深旺道，加埋價錢分野，殺佢仲難過做成 set 重組
仲要旨意黃埔肯放走荃灣車
唔使土瓜灣有鐵，一個何文田站已經跌左唔少

荔景山開幾多班車都唔緊要，在意嘅係加三部車已經做到十幾部車做嘅嘢
隨著服務改善，十分鐘一班吸引乘客回流根本唔係問題
根本係孖寶自己倒走唔少客
前一段你驚 6C 唔夠載，推斷 6C 跌落三個字一班更加冇可能
要驚不如驚 46 直接跌落一粒鐘一班
居民意願清晰，更加唔使擔心區議員，最多砌幾班 X6C 比佢做下台階
6C 宜家頭站擺美孚，改左之後總站繼續全日有車，大半個美孚方便左
加上選舉期間嘅空檔，根本唔使擔心

39X 正正就係大涌道直接轉沙咀道
啱啱撳 ETA 大河道去橫窩仔街，41M 同 243M 都係用七分鐘
入埋西站，高下立見
如果 39X 都趕客，30X 更加唔使旨意有客

Day1 都冇期待過做西站
其他線做西站，剛剛可以做埋周邊地區，戰略意義大好多
30X 就淨係可以同鐵路硬撼
39X 係跟 934A 落橋，唔係走去同 34X 爭
半邊楊屋道行沙咀道都做到
另外半邊一半有 238X，一半有西鐵
叫大河道行多兩個街口，仲遠過行返去搭鐵
呢面飛走成個市中心你反而唔驚區議員反對
如果九巴嘅建議係喺現有嘅走線下經西站，可以合理推斷唔會過到區議會

印象中，宜家 30X/234X 再轉駁腳返歸係冇 BBI
目的地係荃灣市，都唔係揀紅線，冇程度上反映左啲嘢

荔景青沙、青南東九線唔靠執線，係可見嘅日子都唔會做大到
現有服務提升，唔一定比全新服務差
尤其係呢兩個交通網絡尚算充足嘅地方，提升現有但不足嘅服務分分鐘對居民更有利
全新服務嘅，求其諗到荔景加青南落上水
有客又唔會搞爛成個 big picture

k58 發表於 2019-1-20 17:02
主次要分清楚，6C 係踢左上去先有得加車，唔係無啦啦個天降俾佢
宜家單向入左深旺道，加埋價錢分野，殺佢 ...

固然在理，6C拉上去麗瑤代45/46，係有用四部車做十三部車效果，亦真係一野減到好多車出黎
但成條6C轉細車，觀感係極差，無論對於沿線定九巴自己都係
九巴要保持番自己喺深水埗區會地位，就點都要有條深長荔總站線做得好睇，6C焗用細車後，荔廠要做番好6號，副作用就係2號肯定做得極衰
所以6C換細，我認為至少應該等土瓜灣都有鐵，等九巴點處理6C/6F/30X再算
6C土瓜灣唔再獨市後，沿線亦更容易接受拉長去拆45/46問題

區議員唔係下下講理
如果係，唔會有89S呢類產物，63X亦至少單方向飛得走美孚
搞重組，唔係下下講呢樣好嗰樣好就得，觀感相當緊要

其實諗番當年，九巴算盤係荔景山只留一條46接駁，青衣南九龍只留42A，42/45全部縮哂去荔枝角
如果拉6C上麗瑤，麗瑤變相食多咗至少一半車
階級觀念深重嘅九巴，似乎唔會比呢件事發生
就連934非繁拉上荃威，比6C拉上麗瑤更易做，更有效益都唔做嗰陣，係可以睇到呢間公司對於資源睇法係點，會做咩重組，唔會做咩重組

30X我認為九巴都會幾企硬要佢入西站，同你地叫佢入沙咀道個態度不相伯仲
事關B2版有新區站友已經講咗九巴係唔搞下事唔舒服
先不論佢喺930系/934系呢組線上嘅立場，呢點好多荃葵青人都係同意
西站出深長荔油旺要搭一個站去美孚轉車，觀感差，而巴士係中間或尾站區，好快就上公路，點解會做唔過？
30X喺要入西站前提下，就無疑係大涌道直行到尾入去，楊屋道走；回程荃灣路落橋直入，大河道番富華街，最快又盡量照顧沿線需要
大河道站，近街市街一邊無論改前改後都係荃灣站上鐵更好；近沙咀道一邊，穿過荃新天地行去楊屋道街市上，並唔係行多好多路

Ricky403 發表於 2019-1-20 17:56
固然在理，6C拉上去麗瑤代45/46，係有用四部車做十三部車效果，亦真係一野減到好多車出黎
但成條6C轉細車 ...

唔好玩啦，唔通見你唔係大車就唔上
我相信絕大部份市民都唔會理架車有幾長，總之上到就得
6C 拉長會令九巴做好 6 再做差 2，呢個推論我俾十個趣，有創意又新鮮
要保持番自己喺深水埗區會地位，荔廠求其聯派 214 都得
唔使人講已經自己開緊加班車

兩個例子又唔同
83X 比 89D 差唔多疏成倍
63X 飛咗之後更加冇補償
重組完無明顯利益，邊個會俾你過

934 拉上去 Cut 唔到車，6C Cut 到車，燒少十部車嘅錢，呢個已經係最大分別
階級觀念清嘅更加唔會比 57M 全日三四個字一班
59A 就得大半味一粒鐘一班

如果 6C 過唔到，更加唔好妄想 30X 入到西站
叫人喺個巴士站烏燈黑火，等四個字車出去觀感仲差
大河道同沙咀道唔同，前者喺正地鐵站天橋下面
去到沙咀道，地鐵嘅優勢已經越嚟越細，向東行就更加
我睇唔出點解要棄沙咀道取西站同西鐵硬撼

k58 發表於 2019-1-20 22:24
唔好玩啦，唔通見你唔係大車就唔上
我相信絕大部份市民都唔會理架車有幾長，總之上到就得
6C 拉長會令九 ...

咁你不如舉下例有邊條細車線係用哂命車做得好？
勉強得一條64K可以算做得好咁大把，而又嘗試過用新車
當九巴細車都唔諗住大批買新，6C換細，又受限低排區要用歐四車，如果呢十架八架車唔係抽去比934/荃灣東區爭飯食，點解要為呢小撮車自找麻煩？
想減車，有站友已經一早提過唔洗重組，減班收車仲方便，搞重組只不過係減得好睇啲
但6C換細呢舊燙手山芋，邊個肯做？你同castanopsis兄做三個月九巴免費勞工？
要做，都係等土瓜灣都有鐵，15分鐘一班都夠做之後先有條件

214算做得好，但條線邊度係企喺深水埗一邊？分明係觀塘藍田山用佢多，深長荔黃大仙係配菜
真正以深長荔做主位而又養得大嘅獨營，真係得好少，6已經係咁多個最跑得出，不過2就要付出代價啦，同905因港島北要提升其他地區巴士服務而被建議縮去中環祭旗一樣

30X建議拉入西站，B2個帖直情講到唔係九巴單方面提出，而係同其他持分者磋商過嘅結果
講下講下亦好明顯見到你開始為咗捧你所期望嘅39X式走線而開始亂講野 (總站等車黑所以冇吸引力，呢個論點我係咪要笑㗎)
Fine
反正個人觀感上30X入西站後學自己建議咁行係最順路，做番最多客，補到最多位
地區唔比30X入去，咪入荃灣學番934A咁行，出九龍轉出青公後學68A走 (不過落橋停荃富街)
39A就相應走位，做30X上荃威唔入嘅地方
我就唔會攞佢再搞2F同拆230X全日，慳番要嗰十部八部車嘅麻煩野
好老實講有嗰十部八部車都唔會係倒落30X，呢條線無繼續被抽車去其他地方已經要謝主隆恩

Ricky403 發表於 2019-1-21 14:33
咁你不如舉下例有邊條細車線係用哂命車做得好？
勉強得一條64K可以算做得好咁大把，而又嘗試過用新車
當 ...

其實睇返而家 B2 (RPP 仲未出) 只係講左 30X/230X 入西站，
但係點樣入西站同埋定線會點都仲未知，所有野都仲係估估下嘅時候，
最怕係九巴真係癲到好似為插旗而插旗，就咁起而家 30X 大河道個站之後刻意入去西站兜個圈出返黎，
再出返沙咀道跟而家走線出大涌道出九龍。

230X 就行完大涌道之後入一入去西站兜個圈出返黎上荃灣路。

如果係咁就真係 GG ……

當然 B2 講到兩條線都執嘅時候，
我而家都 FF 緊係唔係真係好似當年田二少個建議咁，兩線全日，一條去深水埔，一條經西九龍走廊直出旺角、尖沙咀。
如果係咁，其實對於 30X/230X 黎講，拉埋西站加楊屋道成堆客，呢兩條線真係有機會翻生都唔定。
始終而家個邊先係新區，加上商場住宅林立。荃景圍拉埋個邊一齊做，分分鐘會越做越旺。

簡單來講係剝削曬其他區比車荃灣 ----完----