兩百多人投訴聖經內容不雅

原帖由 guia 於 2007-5-17 00:00 發表

現實中是很多為恐天下不亂的人..存在

不過要分辨邊 D 人係惟恐天下不亂就一 D 都唔容易。
(至少比做果種人難好多)

原帖由 superbus 於 2007-5-17 00:02 發表

事實上佢點處理都係會死
判班投訴者勝訴,基督教唔會放過審裁處
判聖經冇事,投訴者咪拿住"既然聖經都係咁,點解中大份野就有事"
除非政府自己搞單大鑊野,轉移視線
否則呢個死局點拆? ...

事實上係咁當然無問題，但最好唔好整塊咁既面 ( )，
除非你覺得「佢死左我地就一天都光哂」。

唉,自家人見到以上場面...
不禁向自家人說聲「活該」!

原因:<經>上有主耶穌之言:
「若論斷人者,必被論斷」
基要派(原教旨主義者)今次「學生報」捉蟲成功
但黃雀已經侍候多時...
主耶穌叫0左各位唔好亂批亂評時局
(反正一定壞落去~)
偏偏各位繼續以上政治遊戲,弄得被人挑戰<聖經>內容不雅
一物治一物,真正活該活該
(不過,老實話:<聖經>寫時沒有今日0既內容評審標準
而且論歷史性而言:同各位中國文學科0既經典一樣
唔通又要為<紅樓夢>、<西遊記>、<水滸傳>再來一次評審??
大玩文字獄是否有點「吃飽無事幹」0既味道??)

在此,小弟的立場雖然同基督徒朋友一樣
但係論斷之語、妄下之辭,非上帝不准不發
而且,為受「原教旨主義」之逼迫者
小弟一直代求:公義仁慈的耶穌基督,必然為他們作個對頭
攔下「原教旨主義」壞份子肉體為要0既假道學,真兇刀!
(為受逼迫者伸冤、救助0既工作,才是真基督徒在世0既工作之一
其他0野...可以咁講,搵衣食、居所而已...
至於護教事件:先做好自己屬靈防衛工事,再講啦...
反正防守先係王道--過度進攻只會犯上「范、中行氏」之罪
兩面都討不好--世界插死之後,輪到耶穌基督審問
「有無與人和好呀?」一定O咀收場...)

PS 以上幾段經文,確有令人想入非道之感
(亂倫、強暴...發覺自己愛上0既「中巴薛頓(專利服務)」
比佢地更講民主、自由、平等...佢地世界0既好事你不學
壞東西學到個個都驚...良心同聖靈開始鬧自己呢?)
不過,老實話,觀當時時代背景,出現以上場面並非怪事
古代風俗如此,借今諷古(相反亦然)是否不智?
各位,請自行判斷~

係一個反智年代,既然可以話陳年電影對白係粗俗說話,大學報
問卷調查提及別類性關係係二類淫褻物品,《聖經》都可以被
人投訴不雅,只可以話香港人反智(或者借用網絡名字-膠)程度
越來越嚴重,難怪某黨主席都大可否定六四是屠城事件

PS:希望那些基督團體,下次當要去投訴人/事前,可否再睇一次
番《聖經》,《聖經》係講要抗爭到底,定係用愛去令人覺悟,
大概會明點解會有走去投訴本《聖經》

原帖由 bombmanhk 於 2007-5-16 21:39 發表
正如版友話齋,司馬昭之心..
舊時唔投訴而家黎投訴.博乜野
用論壇的術語,抽水是也
其實佢地究竟知唔知入面係講乜先,
聖經內容由和合本都沒有什麼大變動,
佢地唔晨早去投訴
唔係衛唔衛道之士的話
投訴都唔好攞宗教來投 ...

如果問點解佢地早唔去投訴，我覺得係因為根據以往的標準，
聖經根本不會被列作不雅。
但宜家中大學生報咁都被判不雅，以此為標準咁聖經都有問題

「投訴都唔好攞宗教來投」宗教大晒嗎？
宗教就會有特權，唔駛俾人投訴？咁宗教咪好惡？

申報立場：本人沒任何宗教信仰，但亦非所謂反基人仕。
我對中大學生報情色報內容不滿，但認為程度不致於二級不雅，
因此質疑淫審處的公正性

原帖由 Aboveday 於 2007-5-16 19:07 發表
投訴聖經大行動所屬網頁;
http://truthbible.net/bloodybible/activities/biblecomplaint/complaint.shtml

於去年成立，看不出與中大事件和人物有直接關連。
哈，政府有排忙喇。 ...

小弟呢兩日都睇過呢個網, 當係溫完書relax都唔錯呀..笑到我死左...
居然夠膽拎雅各十二個仔之中的約瑟, 來和耶穌在世上的父親約瑟來相提並論..
笑死我...

舉個例, 你叫ABC, 我又叫ABC, 咁ABC係你阿媽個仔還是我阿媽個仔?!

真的末世到了

原帖由 orange 於 2007-5-17 01:19 發表

PS:希望那些基督團體,下次當要去投訴人/事前,可否再睇一次
番《聖經》,《聖經》係講要抗爭到底,定係用愛去令人覺悟,
大概會明點解會有走去投訴本《聖經》

恕我膚淺，其實新舊約都要分一分。舊約某程度上比新約強硬。

原帖由 M 於 2007-5-16 16:09 發表
新聞連結（明報）

果然係有志氣的年輕人！聖經呢本刊物充滿淫邪內容，鼓吹暴力，實在應該
要被禁刊禁售。

跟中文大學一群濫用新聞自由的學生作對比，這些行為實在是值得嘉許的。 ...

我倒希望你提出證據支持閣下的論點, 否則, 本人定當請示有關板主, 以作進一步行動.

原帖由 238X 於 2007-5-17 01:28 發表


恕我膚淺，其實新舊約都要分一分。舊約某程度上比新約強硬。

舊約係'律法時代', 新約係'恩典時代', 當然有極大既分別啦!

原帖由 gordon 於 2007-5-16 23:28 發表

同意連結中所說, 其實聖經中教人不可姦淫, 果個反聖經網的網主又有冇睇過,
十誡中其中一條係「不可姦淫」, 如果聖經係一本世俗認為的二級書刊, 咁又
點可能有呢句.

看聖經的人, 真係要留意寫聖經個年代的環境.

反聖經網的那個人, 裡面講左好多野, 但, 冇一樣俾我覺得佢有睇過本聖經...
更加唔好話有冇理解當中的內容, 為反而反也!!