本帖最後由 AV296 於 2023-4-16 09:18 編輯
Post 3 - 分析唔知點解一個post唔得，惟有分兩次
有啲板友睇完，咦繁忙時間連75%都無，非繁忙時間坐唔滿? 可能即刻諗住覆話101全線可以換ATSE，或者即刻cut 20分鐘一班。但得出咁嘅數據，我個人認為係有呢幾個原因:
1. 101繁忙時間成日拖卡，兩班車客量唔平均，前車頂閘留後，後車就未夠客。呢樣野，我會留低喺之後個section 穩定性嘅時候講。
2. 亦因為如此，我記錄得嘅車程，代表我上到車，代表客量未完全飽和。但即使非繁 (通常3點幾九龍方向)都成日爆滿，我上唔到車就自然無記錄到。所以真實客量，尤其繁時客量，大家可以預期係再高一截。
3. 101上下午客量亦唔同，不過我只係因為唔想太繁複，所以先簡化做2-3個類別。上下午客量究竟有幾大差別?
撇除唔太準確嘅頭尾段，大家約略計到，通勤方向比起逆向高5-8成。呢個數字，比起一般路線嚟講唔算高 (正常路線應該係以倍數計)，咁樣或者顯示101嘅逆向，其實都幾好客。即使如此，我將兩者混合，無疑會拖低平均客量。
4. 就算101 keep到唔拖卡，但有時前面有架111，就會搶唔少客。當然，有班客都堅持等101。呢個原因直頭係阿媽係女人，但好多人concern嘅係，呢個原因有幾大影響? 有幾多人有111唔搭搭101，或者拖卡會少咗幾多客? 我攞兩方向重疊路段分析:從以上嘅表睇到，如果前面有架101/111爭客，大概會掹走咗18-22個到，如果呢兩個問題有改善，101預計每班車可以多成20個人過海。但係好得意，有時前面111啱啱開走，但灣仔嗰一段每個站依然有10幾個人上車。究竟係點解，我諗大家睇完呢個post, 都心中有數。
5. 好多時“頂閘”未必真係去到最高載客量，尤其冬天凍，個個着羽絨，車到110個其實都頂閘，即係話好多時都未去到136-137個。我搭咁多次頂閘，應該得一次係真係車到full load (頭批55XX, 129人) 但有咁多因素(大部分仲要係會低估咗客量)之下，101平均80人過海，繁時90人，非繁70人，其實客量已經好標青，甚至好過118。
| 
樓主
