數學題，101嘅101次係? (更新至Post 9)

AV296 發表於 2023-4-13 21:00
咁我一定係時運高

你邊個站上, 15分鐘會去到金鐘? 繁忙時間屯馬就易上，但東鐵好似唔保證即班有得上 ...

其實MTR app資料就寫土瓜灣去金鐘都只係14分鐘，去中環就19分鐘(實際係可以15分鐘)，去啱位置上車就得

Post 4為咗消除上述因素嘅影響，我特登用另一個方法計算: 每一個站客量除番紅隧 (港島方向) / 山谷道 (九龍方向) 嘅客量。跟住再將呢啲”比例”攞個平均，用百分比顯示，就變成下面咁樣喇。如果你plot個graph, 會發現好有趣:

可以見到，101港島段西環比例只得30%，有3成人喺中環，4成人喺灣仔。九龍方向，九龍灣至觀塘已經佔咗一半，同九龍城區比例差唔多。

兩方向港島段係有少少exponential function嘅感覺: 愈近紅隧愈斜，西環段平坦好多。九龍段方面，九龍灣嗰段明顯斜過土瓜灣段；觀塘方向過咗紅隧比較大跳動，亦都解釋分段客嘅重要性。而唔同時段嘅走勢，條條線都出奇地相似，可能客量結構喺唔同時間，本身亦差唔多。

Post 5 - 上落客分析

點解我明明上面有客量分析，仲要再嚟多一個上落客分析？我係唔係呃緊ipower?

答案好簡單，如果一啲車站大上大落，喺上兩個post之下，佢同無上落客嘅車站係唔會有分別 (客量係原有車上人數，再加淨上車人數)。所以我地需要知道上落客係點，尤其係巴士公司都未必有數據嘅落客。

紅隧喺港島方向依然有客上，雖然同往時三十幾四十人嘅場面無得比，但非繁都keep到有5個人，繁忙時間就多大概4成。九龍方向就比較特別，紅隧可能得3,4個人落，但上車嘅人好多時多過落車。

101非繁嘅乘客，頭尾段明顯比較多過繁忙時間，而繁忙時間嘅客集中喺中間嗰段，尤其灣仔內街，同東鐵通車前無咩大分別。而九龍分段方面，紅土九龍城嘅短途客都佔一定比重，你見到甚至有啲車站係上多過落，可以解釋點解上一個post，九龍灣段會斜過土瓜灣段。反而香港島短途客集中灣仔/上環去西環，可能101站位就腳。反而值得注意嘅係，港島方向過海前都有啲乘客落車，而且依我印象，都有唔少人睇落唔係2蚊客 (但相反方向就唔覺)。

下面車費就純粹玩野啫，當101所有人俾成人車費，一轉車有幾多錢，唔使當真

hihiman 發表於 2023-4-13 22:20
做30 個A25, 好過做咁多客的101

A25會做到30個? 同埋都未計油錢

n年前101早繁南行見最旺既過九龍城迴旋處已經爆左飛站

kay 發表於 2023-4-14 22:17
n年前101早繁南行見最旺既過九龍城迴旋處已經爆左飛站

呢D我傾向相信係極端例子，雖然唔否認之前真係有咁旺

我呢101次，都有試過九龍方向砵甸乍街已頂閘

Ohm 發表於 2023-4-14 09:41
其實MTR app資料就寫土瓜灣去金鐘都只係14分鐘，去中環就19分鐘(實際係可以15分鐘)，去啱位置上車就得
...

哇，原來咁快? 咁繁忙時間近土瓜灣站嘅人嚟講，都幾吸引
不過去金鐘14分鐘，呢個要保證東鐵即班上到先得，以我經驗紅磡站機會唔大; 反而屯馬仲可以
去中環15分鐘更加係六合彩頭獎級數，第八卡個位大把人已經mark實，你仲要落完車跑條電梯穿過成堆人，仲要咁啱駁到架車去中環，障礙賽咁
非繁就當然唔使提，屯馬7分鐘再加東鐵同港島線等車

你呢D數據交比運輸署或者中西區區議員應該好有幫助
點都好，辛苦曬！

AV296 發表於 2023-4-14 22:24
呢D我傾向相信係極端例子，雖然唔否認之前真係有咁旺

我呢101次，都有試過九龍方向砵甸乍街已頂閘

十幾年前過海早堂返學經過九龍城101都係咁旺

不過唔同年期黎比係有問題今時今日做唔返都好正常

101 返觀塘有冇可能金鐘站加個站