重新上路的疑惑

經過大半年連target都無ge日子
本以為可以疊埋心水繼續生存響無異性ge世界
點知
近黎又有一個新target響社交圈子度浮現出黎

佢係我支莊裡面新黎ge一個helper
係個漫畫迷
表面上性格都幾天真
其實我識左佢都接近半年
不過我同佢做野性質唔同
一直都無留意佢r
都係近排因為編埋做同一個任務至開始熟
因為小弟平時都幾留意(又或者係響班損友影響之下被迫留意)動漫畫
買買埋好多動畫商品之餘又學過下畫少女漫畫
所以同佢都幾多偈傾
不過因為支莊ge人事問題(好耐之前講過 唔再講啦)
我都係私底下(ICQ/MSN)至放心搵佢吹水

但係
一黎因為本來已經疊埋心水無限期做寡佬
加上之前衰左ge前科太多(事實上係未得過)
心態上變得"懶惰"(咁講唔知大家明唔明)
對呢D野已經無乜把握
(即係唸住"都應該唔得架啦 要得就一早得啦 不過都姑且試下啦")
二黎我同佢之間有太多客觀因素
明知可能性都唔大
(佢大過我一年
下年要忙FYP
再下年佢出黎做野時我未畢業之餘仲輪到我做FYP)
所以理智一方係咁叫我"唔好上呀 上左就保證車毀人亡...."

雖然而家我同佢都幾多偈傾
但係又遇到個同以前一樣經常遇到ge難題
就係唔敢"加強聯絡"
因為只怕話題會好快"耗盡"
咁就好似飛機唔夠油咁
飛得再高都要迫降啦

感情ge事
往往都只為自己徒添一大堆solve唔到ge矛盾兩難式
雖然今次係理智一方佔優
但係感性一方一旦發難
理智還是會被踢埋一邊

呀....呢D野一到半夜就會顯得特別煩惱
其實我寫出黎
都只係想發洩下個種煩惱
唔期望有人會俾comment我
因為上面都話左
理智一早俾左答案我

嗯...
其實你是不是又看得自己的機會太淡呢?

我一定不會說你沒有機會，
只是機會應當怎麼製造，
怎麼把握...

既然開始有其同話題，
尤其是可以談一談心事的，
為何不容許自己試一試約對方出街?
不容許一試跟她一起時，
自己有沒有喜歡的感覺?
還有，你試的時候，
對方也在試，
只是對方不會這麼容易就開口了...

沒錯，有失敗的經驗或許很容易教人沮喪，
但記著失敗的教訓，
然後知道該怎麼做，
總好過因噎廢食，
這應該對你沒有好處...

難道我們這裡的板友，
真正失過戀的，
都要怕拍拖?
更何況是從沒有開始過?

女性，跟男性一樣，
從來都不易完全了解。
但，沒有開始過，
又怎會懂得如何入手、
如何相處、
如何了解呢?

這個社會從來都不會只有男而沒有女，
就咁怕左對方，
咁都無改你以後工作上，
都係唔識同異性相處的問題...

拋開一點心結，
記著一點教訓，
放開懷抱，
我相信你做得到。

簡單咁回一回,好眼訓...

其實如果你覺得有機會,
係應該盡情爭取,
如果係冇行既,
都唔好咁介意,
呢個世界,尤其感情事,
有太多變數,
總係會有D事唔合計劃中,
如果你可以咁諗,
識女仔會輕鬆得多。

如果真係次次都合哂心意,
冇挑戰性之餘可能唔識珍惜佢啦。

睇番呢個版
先至記得原來幾個禮拜之前我響度講過呢D野
anyway
都講下而家發展成點啦

呢幾個禮拜
都仲係keep住晚晚同佢ICQ/MSN
雖然都有講下電話同約佢r
不過暫時都仲係關於公事(莊務)的

到而家為止
睇黎情形係比以前好ge
起碼到而家仲未出現"話題耗盡"ge情形
但係"幸福摩天輪"裡面有幾句歌詞好arm我
"追追趕趕  高高低低
驚險的程度叫畏高者昏迷
憑甚麼不怕跌低?"
我同佢講每一句野
都好驚講左之後
會唔會嚇親佢?
會唔會搞到佢嬲左我?
會唔會俾佢覺得我木獨?
總之就係"怯"

呢幾晚
我訓覺發夢都係見番好多以前鐘意過ge女仔(而家鐘意果個都有)
對我講好多野
只記得有幾個係笑我
有幾個係求我(不過求我做乜就無去記得)
但係....總無理由因為怕發D自己唔想發ge夢而唔去訓吧

[ Last edited by kychung on 2005-8-24 at 22:26 ]

咁總要有個過程去開始的...
我諗你都比我多一點機會...
我又再比你會少一點時間。

但係既然都可以傾到兩咀，
咁就努力d聽下佢講野，
俾下適當的反應就可以啦....

響自己一番努力策劃下
終於有機會可以約到幾個比較熟ge莊員同helper(包括她)出黎唱K
開心之餘又好緊張
因為小弟只係第二次同自己ge target一齊唱K
因為而家緊暑假
要約夠腳唱K都尚且已經很不容易
(因莊員間ge關係好差 大家就算得閒都唔多想對住大家)
暑假完左之後
恐怕就難上加難了

因為如此
聽日揀歌都要比較小心
大家覺得聽日有咩歌係要忌唱ge呢?
歌?慘歌?gag歌?定其他呢?

嘩...唔駛咁緊張，放鬆一點。
最緊要玩下gag，
等大家開心一點啦....

今日好早就出門
無睇到307兄ge reply就去了
不過都講下今日點啦

其實今日又唔算緊張ge
因為其實都識左佢一段唔算好短ge時間
我咁問只係想凡事比以前謹慎D je

尋晚我仲發左個好夢
我夢見佢同我講鐘意我#:-*
咁多年訓覺發親都係惡夢
難得發到個好夢
起身時開心得黎又有少少失落
好矛盾

今日都唱左4粒幾鐘
算係幾耐
不過佢顯得比較客氣
唔自己點歌
而且佢話佢其實無追開流行曲都一段時間
所以我都只好點左D比較大hit ge女歌俾佢發揮下
今次我其實無乜避忌有邊D歌唔好唱
只係唱情歌時唔望住佢同埋唔出情深款款ge樣子就是了
又因為之前講左佢係漫畫迷
但係K舖無呢D歌唱
所以又特登同佢一齊清唱幾首鋼鍊ge OP同ED黎滿足下佢

唱完K之後
大家就散水
我又陪左佢逛漫畫舖逛到幾夜
最後因為佢住北區我住東區
而且特登送佢返去未免好似做得太"揚"
所以都只係送到佢去東鐵站就算啦
(而且佢話唔識行去東鐵站)

基本上自我感覺係良好的
因為佢一路都無搵籍口走
我唸我俾佢ge印象該不太差吧

自我感覺良好...
呢個字係當我連拖都未拍過的時候，
約女仔之後，
會自己諗的野...
結局當然係....

嗯...
基本上普通朋友般的相處，
其實已經相當唔錯。
唔需要刻意，
亦唔需要拘謹。

放鬆一點，
做返自己，
其實已經係唔錯。

聽落都幾好呀，
總叫做營造緊個氣氛，
睇下最後會唔會變機會，(不過呢句只適合旁觀者，當局者千祈咪咁諗)
好過暫時無景睇....

真係好少聽到有女仔係漫畫迷。
睇黎係有個好開始,
做朋友應該唔成問題。

反而想知樓主下一步想點做,
不妨講出黎大家一齊參詳下。