(第二次更正) 荃灣巴士線重組建議 (海濱、麗城、荃景圍)

原帖由 snake128 於 2010-6-20 21:40 發表 http://hkitalk.net/HKiTalk2/images/common/back.gif
問題其實30都有唔小客
而家咁睇
下繁葵芳返荃灣可以頂
荃富返荃威又有客頂多次(親身經歷)
咁30唔上荃威係咪有啲擾民

荃富街返上荃景圍, 30 難聽 d 講叫執死雞,
同樣大把人上 30X 都係咁 ~

原帖由 238X 於 2010-6-20 18:39 發表 http://www.hkitalk.net/HKiTalk2/images/common/back.gif
我個唯一感覺係，快線好難 skip 市中心，
你個行法好似好難入到市中心之餘又 keep 到唔過份兜路。

除非係一條非常長途的線 (例如去港島東)，
就可以考慮。 ...

其實呢度真係麻煩左少少
當荃景圍,西約,市中心同時要特快時,
一條線行哂又太兜,兩條線 230X,234X 又驚唔夠客

其實可唔可以一條線行荃景圍,西約,一條行市中心(+楊屋道)呢 ?

原帖由 FD5410 於 24/6/2010 10:45 發表 http://www.hkitalk.net/HKiTalk2/images/common/back.gif

其實可唔可以一條線行荃景圍,西約,一條行市中心(+楊屋道)呢 ? ...

可能要擔心區議員山頭主義，
但最大問題相信係前者非繁時未必夠客。

各位版友, 多謝大家的意見, 我已修訂整個方案, 勞煩大家指教.

今次的主要修訂, 係會顧及短途的直達服務, 確保原30X, 234X和238X的乘客, 在修改路線後, 無需中途轉車, 並新增30A和39X, 改善服務.

由於6A有需求, 所以可獲保留. 6號和6A有九成重疊, 故可取消.

老實講, 荃景圍的人口, 估計比麗城多, 因此30A往柏景灣, 應可直行大涌道, 由234X往柏景灣方向經大河道取代.

另外, 30A或234X, 回荃灣或可由窩打老道入彌敦道, 去柏景灣或可經窩打老道離開彌敦道, 以輔助30X的服務.

不知大家見解如何?

[ 本帖最後由 edylau 於 2010-7-4 08:56 編輯 ]

其實成份建議 , 除左講明既願景外
根本對九巴冇咩著數
更甚者 , 搶唔到地鐵客不特止隨時倒蝕

39A 一項
大可以係 39M 同 238M 合併 , 30 縮短調低收費
30X 同 234X , 美孚-深水埗線做轉乘 ,
改特快既障礙在於能否郁 30 落葵涌道唔上山(可以考慮 38A 上荔景山處理)

另外, 34 呢條區內線,食之無味,兜到傻既定線,涉及太多利益冇得改
真係唔夠客唯有減班處理
同樣地郁 34M , 要係 234B 等線下苦功 , 吸引原有34M/小巴客上車

[ 本帖最後由 天空之神 於 2010-7-4 12:10 編輯 ]

首先, 我稍微看過一眼 (未詳細閱畢), 有幾點意見:

1) 39X 分段收費懷疑 copy and paste 左 30X 又無改返正.

2) 30X/39X 呢句: "為照顧美孚的居民, 於美孚地鐵站下車的乘客, 可拍卡換取回
贈$2.5。" 係指分段再扣 $2.5 (即係如用八達通, 只收 $0.8(普通)/$2.8(空調))
定還是係 全程 - $2.5 (即係如用八達通, 收 $3.1(普通) / $5.3(空調))? 如果係
上車用散銀又點計?

2) 另外一點是 39X 走線方面, 其實荃景圍同灣景係唔順路, 無乜必要去為左縮短
234X 同取消 234P 而要荃景圍居民陪兜, 灣景居民又有機會由有位坐變無位坐,
兩方面都唔討好.

3) 重有依家勁好客既 234P 點解取消? 又無提.

39M走線反建議

荃景圍>青山公路>西樓角路>大河道(>荃灣西鐵路站公共交通交匯處>大河道)>楊屋道>聯仁街>關門口街>青山公路>荃景圍>安賢街>荃景圍

途經巴士站:
荃威花園
荃景圍街市
荃灣中心
荃景花園第二期
愉景新城
荃灣鐵路站
大河道(跟238M停，目的為盡量減少改動後乘客來往戴麟趾夫人診所之乘客的步行距離)
荃灣西鐵路站(兜入去又得，唔兜停外圍小巴落客站亦得)
楊屋道街市
聯仁街
仁濟醫院(主要為左停醫院門口先咁定線，讓乘客可以門口上落39M)
眾安街
建明街
福來邨永康樓
愉景新城
荃景花園
荃灣中心
聖母領報堂
荃灣港安醫院
荃威花園總站

歡迎任插

睇過少少
其他有問題都唔理
荃灣去旺角如果想轉特快的話
其實只係需要係美孚做轉乘站
33A同30X同234X同埋238X互轉(免費或補錢)
前段可以各有各做
美孚-太子/旺角:33A
太子/旺角-油麻地/紅磡:30X
油麻地-尖東:234X
佐敦-中港城/尖沙咀西:238X

如果D人肯轉車的話...

Re 天空之神:

39M和238M的客量好大, 就算雙向分段, 都好容易阻慢上落(因九巴未必係落車門, 加部八達通機), 如脫班的話, 影響範圍好大.

我選39M和39A合併, 係因為兩者行走區域相似, 如合而為一, 更可吸引部分乘客直入市中心.

"美孚-深水埗線做轉乘", 我都試過俾30X和234X互相轉乘, 但幾多版友話行唔通, 大家唔想由直達改為要轉車 (地鐵就會一於少理 :-P )

30會入荃灣市中心, 但38A只係外圍掠過, 改入荔景山道, 不能代替30.

34和34M有大部分重疊, 價錢相差不遠, 兩者客唔多, 所以會揀佢地改. 234B或會可行, 因麗城去荃灣有平價分段, 但要睇九巴肯唔肯加密它的班次, 和加停麗城3期.

-------------------------------

Re peterkwan:

1) 已修正, 多謝提醒

2) 係全程 -$2.5, 八達通才可使用

3 & 4) 老實講, 我都想234P變全日行走, 但開線多年來都只開一班, 我擔心客量是否足夠使其常規化. (238P可由初開時一班, 加至而家三班)

39X的定線, 其實係參考277X, 出粉嶺後要經華明邨, 才入粉嶺公路. 同樣地, 30X要先入大河道, 沙咀道, 才上荃灣路.

不過, 麗城區不像大河道, 沙咀道咁繁忙, 而且出麗城就上荃灣路. 麗城人口又多, 出旺角, 尖沙咀會有一定特快需求.

如乘客急增, 可考慮開特車, 私牌由麗城開始載, 形式類似234P. 同時部分班次離開荃景圍後, 可直入大涌道, 後上荃灣路, 形式類似259D不停市中心的特快班次.


------------------------------

Re EH2674:

Good idea 這可令新39M定線, 更接近目前的39A, 我會將兩個方案一併提出.

新建議中 39X 真係...   只係兜麗城已經兜到暈

個人反建議如下 (九龍區路線)
1. 荃灣西約
1.1 234X cut 線只到旺角算數 (即樓主所提到大角咀)
1.2 開辦新路線, 由豪景花園開出 (甚至考慮 261B 全日, 修正屯門區總站), 直往尖沙咀, 當中途經青山公路 - 深井 / 汀九 /  荃灣段 > 荃灣路 > 美孚 (做埋西九特快) > 西九龍走廊 > 油麻地 > 尖沙咀

- 只做荃灣/深井擔心唔夠客, 做埋九龍快線直落尖沙咀, 希望引到乘客轉坐 - 咁就應該夠客啦掛 (與各區路線加 BBI, 如 35A, 42A, 43C, 68X, 69X 等等)
- 相應措施: 6/6A 即時合併, 美孚區將以此特快路線作為交換條件 (即變相 6X)
- 回程設雙向分段 (包括九龍區內, 尖沙咀 <> 荃灣西), 分段收費: 美孚 > 深井 (52X 線而家不斷加班, 其實應該有潛力拆線)
- 相信應該會有足夠客量加 QUOTA 去另本公全日行走 (CUT 去 6)
- 前往旺角以北九龍地區, 深并區可使用 52X, 灣景 / 麗城繼續使用 234X 線

2. 荃景圍
我會重提舊方案
2.1. 30 將停止服務荔景區, 並拉長總站至維港灣
路線改為
荃景圍 > 青山公路 > 大涌道 > 沙咀道 > 關門口街 > 楊屋道 > 葵福道 > 荃灣路 > 葵涌道 > 荔枝角道 > 跟 52X 線前往大角咀 ~

1. 荃灣沙咀道 / 楊屋道一帶將永久有一條路線前往九龍, 不需步行至德士古道乘坐 238X 線
2. 配合改動, 30X 將可改為快線
3. 雖然荃灣至葵芳取道葵福道, 不取道荃灣路, 但行車時間頂多拉長十分鐘, 但可照顧荃景圍 <> 葵芳乘客 (以葵芳最旺一帶為新都會廣場, 新定線將於新都會附近設站, 同時楊屋道新區都有一條新線前往葵芳)
4. 因應拉直路線, 收費不變 (可參考 33A 路線收費)
5. 33A 即時縮短至葵涌邨, 收費將同 37 睇齊

2.2. 30X 將永久取消服務, 230X 同時轉為全日路線
因應 30 已經可以服務旺角以北一帶地區, 建議 230X 轉為全日服務, 並修改荃灣區行車路線. 擔心客量者, 可考慮拉本線至九龍城碼頭, 以有效同紅小匹敵

修改荃灣路行車路線
依現時 30X 至荃灣鐵路站 > 大河道 > 青山公路 - 荃灣 (眾安街) > 大窩口鐵路站 > 跟 E31 線 > 德士古道交匯處 > 荃灣路 > ... 依現時 230X 線

收費將下調至現時 30X 水平 ~

荃景圍區將永久失去一條前往葵興區路線 (現時 30), 但將會加 BBI 作取代
如果有人擔心, 可考慮拉 39A 過去, 碼頭區方面就交由小巴 95 代替

3. 海濱花園
238X 將不作任何變動, 因為條線已經好直接, 都冇咩應該要改
3.1. 係要改就改 38A
因應 30 唔在於荔景區服務, 由 38A 改行荔景山道取代之. 但 38A 並不繞經麗堯及祖堯 ~
同時 38A 將會與 238M 加設轉乘優惠 (沙咀道), 以方便乘客前往荃灣關門口街以西地區
同時 265M 線將會加設雙向分段, 祖堯 > 荃灣區下車者, 現金付款 $ 4.40 (與回程一樣)

總括黎講, 除海濱花園之外,
每區都有一組兩條路線, 分別係去旺角以北同埋旺角以南地區
前往旺角以南地區將停美孚, 作為 "轉車站" 之用, 另外就取道西九龍走廊直落九龍南 ~

以上為小弟之個人見解而已 ~

[ 本帖最後由 AVD1 於 2010-7-6 12:01 編輯 ]