討論:大家認為英國統治香港定中國好d呢?

原帖由 norrislaw 於 2006-1-21 03:46 發表


沒有英國的殖民地時代, 香港一定會遭受民革的摧殘, 那會有現在所謂的國際都會?
上海沒有法國人的統治, 何來會有2,30年代夜上海的盛世?

「所以由中國人管香港就最好不過了，起碼大家都係一家親?」 政治係六 ...

無可否認,當年英國統治香港係有利有弊,
但係自由度比起中國大陸真係天壤之別...
其實咁多位港督個個都有唔少功績,
最起碼總好過果過兩任特首丫...
一個太平庸
一個就有心無力,唉!

[ 本帖最後由 J702HMY 於 2006-1-21 05:10 編輯 ]

如果統治香港既中國，
係一個好民主既國家，
當然好。
但係而家大陸乜民主都冇…
香港而家乜都要聽晒中央話事…
咁樣唔見得有幾高度自治囉～

香港俾中國統治唔係唔好，
但係香港要係俾民主中國統治。

我暫時看到中國統治和英國統治時有兩個分別:
1) 英國統治百幾年黎所有港督都係由英國指定派黎, 而中國就話香港將來會有特首普選(不過唔知幾時)
2) 英國統治時若需執行一些政策, 只要對英國有利的, 就算對香港帶來沉重負擔, 一樣照做(例如把香港成為第一收容港), 而現在就算想需執行一些有超過半數市民支持的政策(根據民意調查), 一樣係執行唔到(例如政改方案)

[ 本帖最後由 kiwai 於 2006-1-22 00:59 編輯 ]

原帖由 kiwai 於 2006-1-22 00:53 發表
我暫時看到中國統治和英國統治時有兩個分別:
1) 英國統治百幾年黎所有港督都係由英國指定派黎, 而中國就話香港將來會有特首普選(不過唔知幾時)
2) 英國統治時若需執行一些政策, 只要對英國有利的, 就算對香港帶 ...

你冇講到一個好大既分別就係:-

殖民地政府管理香港係用common sense, 特區政府有嗎?

原帖由 norrislaw 於 2006-1-22 19:12 發表


你冇講到一個好大既分別就係:-

殖民地政府管理香港係用common sense, 特區政府有嗎?

common sense 呢 D，個人睇法。
佢未必好有深度，但至少兩點都唔似你呢句咁主觀。

不過左仔的管治能力比英國人低很多，則是事實。

[ 本帖最後由 238X 於 2006-1-22 19:47 編輯 ]

主觀客觀, 呢8 年幾香港人心中有數啦。
左仔用的管治方法跟民主國家不同, 大陸甚麼都可以俾香港....除左民主。

至於樓上話「英國統治時若需執行一些政策, 只要對英國有利的, 就算對香港帶來沉重負擔, 一樣照做(例如把香港成為第一收容港), 而現在就算想需執行一些有超過半數市民支持的政策(根據民意調查), 一樣係執行唔到(例如政改方案」

時代巨輪是不停轉動的，香港人除左拜金主義之外, 公民意識近亦不斷提高, 民主係一種基本權利, 係唔需要去「要求」的。

原帖由 norrislaw 於 2006-1-22 20:10 發表

時代巨輪是不停轉動的，香港人除左拜金主義之外, 公民意識近亦不斷提高,
民主係一種基本權利, 係唔需要去「要求」的。

對於一向無呢種意識既國家 / 民族 / 政權，
唔「要求」係無可能得到的。

而且，要求的方式未必文明。

但老實講,英國人自己管番自己國家都攪唔掂呢....(香港,真係比英國好多地方好住好多)

無錯,英國人係香港殖民一百五十幾年,的確係帶到比香港好多同中國(不論係當時或是現在)唔同既制度,而這些制度又的確係香港成功既基石. 不過,我覺得英國人係最初果幾十年(甚至係二戰之前),對香港都唔係話咁好咁優待,難聽d講句係搵香港人笨,睇中既只係可以同廣州,以至中國所有英勢力據點互相照應,擴大自己國家的利益.
(全部歐美國家都係咁啦...甚至可以話.中國而家都係係度收成緊香港帶來的利益)
係去到二戰後,國共內戰,帶來一大班國內商家同埋資金來港,而英國同時企硬唔將香港交返比當年既國民政府,所以英國人的自由經濟政策先可以繼續落地生根,香港亦都開始真正的發展. 不過發展還發展,在政制方面,香港華人都係冇乜發言權(當年楊慕琦既政改方案最後不了了之,但詳情要搵高人解答).過左六七暴動,港英政府知道華人的聲音有一定勢力,所以先開始"下放權力",但市民可以投票好似都要去到八二年先有.到左八九十年代接近回歸,司局級的首長先開始由華人擔任.

某人要玩陰謀論,大可以話係英國政府睇死中國唔會放心比香港普選,為左"綁著人民的心",同埋制造未來(即現在)政治上不明朗因素,所以先放手比香港人有選舉,甚至普選市政局,區局,立法局,超自由經濟體系...等到將來九七之後,香港人發現原本有既野,中國比唔到,自然會大亂.

不容否定既係,如果唔係有香港回歸中國的必然事實,港英政府都唔會咁容易放權比香港人/比華人上位.而沒有當年英國政府打死都唔肯將香港好似國內其他地方咁交返比中國,香港,深圳,甚至珠三角都唔會有今日既繁盛!

(最後一點...左仔既管治技巧,真係要向當年英國派黎既港督學習一下...就算中國政府給了比當年英國更好的條件,左仔都攪唔掂)

原帖由 norrislaw 於 2006-1-22 20:10 發表
主觀客觀, 呢8 年幾香港人心中有數啦。
左仔用的管治方法跟民主國家不同, 大陸甚麼都可以俾香港....除左民主。

至於樓上話「英國統治時若需執行一些政策, 只要對英國有利的, 就算對香港帶來沉重負擔, 一樣照做 ...

英國人有冇響開埠初期為香港進行普選？
就算冇，咁戰後呢？1960年代英國已經有民主選舉啦，
香港呢？點解要到82年才有？

香港冇普選，唔應該只係我國既問題。

唔好將責任轉移喇, 而家係講緊香港既前途, 再講番轉頭都係多餘！
我都講左啦香港人既公民意識近亦不斷提高, 民主係一種基本權利, 係唔需要去「要求」的。