建議重組九巴42及43M線

原帖由 leeallen 於 2012-4-11 01:17 發表 http://www.hkitalk.net/HKiTalk2/images/common/back.gif

根本42係流水線, 主要服務四順彩雲去西九, 長青荔景山去九龍城/舊機場, 當然少人搭全程,
而且繁時都夠客, 係幾批客, 至於非繁, 有邊條好客? 真係有咁多人非繁要去東北葵?

問題就係兩邊人流都唔夠，繁忙時間夠客，但係非繁忙真係唔多掂。

非繁忙時間，我試過好多次雙向見到42去到荔景山路，成架車20個客都冇；彩虹好少少，
但四順其實只係做得個順利村，順天順安都要行，結果係落到彩虹好多時都坐唔到一半。

當然你可以話非繁無乜邊條流水線好客，但係好客過42的流水線大把，
起碼如果42改行東北葵，荃富街一個站好可能已經多客過成個青衣加荔景山路。

而家42兩邊人流都唔夠，少人搭全程的主因係來往兩端的需求低，而唔係因為條線慢。

$7.3 對流水客來講已經收得貴, 仲要 $8.5? 收多我錢仲要話我唔公平, 又幾公平喎
尐人搭一次見等咁耐仲要咁貴, 去搭鐵好過啦, 仲話提昇客量?
29M + 38/42C 都差唔多錢, 而且快得多, 似乎趕客多尐,

29M轉38/42C，行車時間快10分鐘，但係早繁彩虹可能好大機會無位坐，甚至未必上到車，
而29M本身都幾爆，因此一程車直過絕對有好大吸引力。

42改行太子道西天橋落荔枝角道之後，定線其實已經算係半特快，唔見得慢。

$8.5，但係架車入到東北葵同荃富街，收費係合理，起碼四順真係多左架車入到去
荃葵多人返工的地方，你地一樣有得益，流水客嫌貴可以用27轉乘，
反正而家已經有27轉2A/6D優惠，站位唔差之餘收費亦平過而家條42。
到時42去到人流更多的地方，客量點會無增長？唔通經荃富街同東北葵會比荔景山路仲少客？

如果你開條中秀經四順去西九新線又平尐又密尐, 條42送畀你都得, 到時42你鍾意點改悉隨
尊便, 兜晒全港真正客倉收$88.5都得

問題就係，四順係咪需要兩條線去西九？
開條中秀經四順去西九新線，資源邊度來？你估想開就話開？

其實42最適宜縮短，減低葵青唔夠客，但長沙灣/深水埗疏車兼爆棚問題。

建議在B2提及，因重組後路線脫離青衣，宜改名為 29 順利 - 長沙灣(循環線)
http://www.hkitalk.net/HKiTalk2/viewthread.php?tid=681708&page=11#pid2484127

原帖由 toyl 於 2012-4-12 00:36 發表 http://www.hkitalk.net/HKiTalk2/images/common/back.gif

42始終受制於青衣服務範圍細，平日早繁過後及假日時間，
真正客倉係順利-深水埗之間，及順利-長沙灣工商區。
所以，要改既話都要開番條29號，彌補番現有最多客一段，
驚唔夠客既話，初頭服務時間類似5A運作，日後再擴充。
要慳車既 ...

荔景山路都係交比30算數，葵芳比38，青衣42c頂得住既，荔枝角道靠其他長沙灣道路線都可接受~

所以將佢縮短專做最多客果段，原10(實際8)架車，5架車都夠做，繁時8架車就已經可以大幅改善此線班次。
既然多條山上去工商區特快，車費結構亦可以造成去程較貴(和現42相同，到蝴蝶谷路起)回程做回現42分段價。
呢個新29保證最有效運用資源，多咗蝴蝶谷一個站做埋青山道客，連同之前提過既方法，非繁放番幾架車去比真正觀荃好過。
流水客直頭會自動放棄27>6D，黃大仙客直頭唔洗搭2F/6D，寧願比多D換取一程過快車...
(我都試過唔少次6D>27，黃昏真係唔太好過...)

[ 本帖最後由 toyl 於 2012-4-12 01:17 編輯 ]

基本上唔反對42咁改，但係到時43M一定要改行荔景山路出美孚/西九，
否則青衣會嘈無車去瑪嘉烈醫院。

長康講左好耐想拉條42過去，主要都係醫院的問題，
當然長青以「無左總站車」為由反對。

當然，成條42無左，佢地會唔會因為無左車去九龍城而反枱，都係未知之數，
所以我先頭唔建議成條42殺左，反而係用42改經荃富街同東北葵，
增加返荃葵青一段的客量，同時填補40改特快之後九龍城 <-> 荃葵的部分空缺。

原帖由 S3BL100 於 2012-4-12 01:22 發表 http://www.hkitalk.net/HKiTalk2/images/common/back.gif
基本上唔反對42咁改，但係到時43M一定要改行荔景山路出美孚/西九，
否則青衣會嘈無車去瑪嘉烈醫院。

長康講左好耐想拉條42過去，主要都係醫院的問題，
當然長青以「無左總站車」為由反對。

當然，成條42無左，佢地會唔會因為無左車去九龍城而反枱，都係未知之數，
所以我先頭唔建議成條42殺左，反而係用42改經荃富街同東北葵，
增加返荃葵青一段的客量，同時填補40改特快之後九龍城 <-> 荃葵的部分空缺。

1. 42拉去長康同43一條坑定43C一條坑
2. 拉去都可以直行返去長青,
   再轉右(5記得得5得,5得在美景對開返去),
   或者加條88H小巴由長青康直去醫院......
   九巴或者5送客卑88H,在長青康直去Hospital

剛坐在單42由長青出發, 10:05左右, 全程約有 80人, 美孚前約50人上車, 果30人唔
知係邊度彈出來喇, 非繁算唔算真係好差, 各板友自行判斷, 我只係攞尐實質數據出
來, 到彩虹見對面線架42都唔止20人, 對於「經常見到」之說同實質有多少出入, 有
幾經常, 大家心知, 而呢程車我係見界限街彌敦道見到架112去北角得幾個人, 係界限
街窩打老道見架87D去馬鞍山又係得幾丁, 唔通又要改改佢哋?

以我咁多年所見, 係實際係車上而唔係係車外又或者坐係電腦前睇一個post所見,
下午非繁由順利出發, 通常到深水埗都最少座大半滿, 有時下層要企tim, 下繁深水埗
上車都冇乜位剩, 咁尐人係咪都係由美孚到深水埗之間上車?

一時又話覆蓋面不多, 甚少乘客坐足全程, 覆蓋面不多仲算流水線?
一時又話43M拉去南昌, 唔expect有人搭足全程, 42甚少乘客坐足全程就係改線
理由, 改完既43M又expect有人搭足全程, 咁即係點?

非繁多客會加車呢個係咩理由, 加唔加班, 係都睇繁時先啦, 唔通睇非繁咩? 依家
繁時都爆都未加班啦, 改完減咗仲有得加? 套用番句名言先, 資源邊度來? 你估想
加就話加? 仲有我幾時話要四順需要兩條線去西九? 我話送畀你呀! 識唔識聽?

而且仲未答行車時間增加十分鐘以上, 十架車點可以15分鐘一班?

話42只做到順利, 真頭無理, 利康利富落過順安都係過一條馬路, 仲近過總站去
順緻苑, 去順天都係十分鐘到, 大把地方要行十分鐘以上啦, 觀龍樓唔駛行既?
中環海皮落去大道中唔駛行既? 觀塘道去鴻圖道偉業街唔駛行既? 42改路後荔
枝角道落去青山道行得仲甘又唔見你講?

好啦, 我唔直接答你, 用例子答你, 咁講襯你個建設多尐囉我覺得, 畀你42真係咁改,
假設有個人叫阿A真係住順利返東北葵, 你講到依家42到坪石真係得半車客, 又講到
42真係咁吸引中秀人搭, 即係唔止半車客啦, 咁阿A要搭42咪隨時冇位坐, 甚至未必
上到車, 咁同你講29M轉38/42C, 早繁彩虹可能好大機會無位坐, 甚至未必上到車,
有乜分別呢又, 用呢個理由話42更吸引係咪玩野呀? 轉車仲要快10分鐘wor, 加埋等
42仲唔止tim, 仲要講到益順利人? 呢個建議真係好益下囉, 如果唔係既, 改完一樣有
大把位等阿A坐, 咁即係改完都係你講既冇客啦, 咁改來把鬼, 29M朝早都好爆呢個理由
更好笑, 一29M未至頂閘, 二多人極都密過15分鐘一班車既新42啦, 唔介意仲有26M/27/
綠小, 一定要有位既咪早尐起身另一個方向落山囉

[ 本帖最後由 leeallen 於 2012-4-16 13:08 編輯 ]

原帖由 巴士迷A號 於 2012-4-12 13:33 發表 http://www.hkitalk.net/HKiTalk2/images/common/back.gif


1. 42拉去長康同43一條坑定43C一條坑
2. 拉去都可以直行返去長青,
   再轉右(5記得得5得,5得在美景對開返去),
   或者加條88H小巴由長青康直去醫院......
   九巴或者5送客卑88H,在長青康直去Hospital ...

42拉唔拉得成去長康, 我估就要睇43C取唔取消得成

原帖由 leeallen 於 2012-4-16 12:57 發表 http://www.hkitalk.net/HKiTalk2/images/common/back.gif
剛坐在單42由長青出發, 10:05左右, 全程約有 80人, 美孚前約50人上車, 果30人唔
知係邊度彈出來喇, 非繁算唔算真係好差, 各板友自行判斷, 我只係攞尐實質數據出
來, 到彩虹見對面線架42都唔止20人, 對於「經常見到」之說同實質有多少出入, 有
幾經常, 大家心知, 而呢程車我係見界限街彌敦道見到架112去北角得幾個人, 係界限
街窩打老道見架87D去馬鞍山又係得幾丁, 唔通又要改改佢哋?

以我咁多年所見, 係實際係車上而唔係係車外又或者坐係電腦前睇一個post所見,
下午非繁由順利出發, 通常到深水埗都最少座大半滿, 有時下層要企tim, 下繁深水埗
上車都冇乜位剩, 咁尐人係咪都係由美孚到深水埗之間上車?

一時又話覆蓋面不多, 甚少乘客坐足全程, 覆蓋面不多仲算流水線?
一時又話43M拉去南昌, 唔expect有人搭足全程, 42甚少乘客坐足全程就係改線
理由, 改完既43M又expect有人搭足全程, 咁即係點?

非繁多客會加車呢個係咩理由, 加唔加班, 係都睇繁時先啦, 唔通睇非繁咩? 依家
繁時都爆都未加班啦, 改完減咗仲有得加? 套用番句名言先, 資源邊度來? 你估想
加就話加? 仲有我幾時話要四順需要兩條線去西九? 我話送畀你呀! 識唔識聽?

個問題就係，42得其中大約三分之二路段比較多客，另外果三分一大部分時間都少客，
以運吉的角度，拉埋來睇，即係仲有剩餘運力，未達加班條件。
如果一條線長時間有三分之一路段係唔夠客，咁唔通唔係效率低？

42甚少乘客坐足全程，問題係順利來往長青的需求係近乎不存在，大部分人都只係搭去西九。
當然你可以話，1A呢D流水線，都甚少乘客坐足全程，
但係至少秀茂坪去尖沙咀的需求唔係無，呢D流水線亦能夠做到
各路段客量多而平均，效率點都高過42。
至於43M，靠西九 <-> 瑪嘉烈醫院/荔景山/葵芳，同埋青衣 <-> 葵芳/荔景山/瑪嘉烈醫院，
已經可以做到各路段客量大致平均，唔會有一段路的客量明顯少過其他路段，
差極有限，況且全線轉用單層車，荔景山果段客量真係用單層車都夠載。

你都識話42日間非繁落到彩虹得20個客，比起26/27已經唔見得係好，
絕對有剩餘運力載埋順天順安加埋中秀，我諗你唔會否認咁樣可以增加客量，
為加班創造條件吧？我幾時有話只加非繁班次而繁忙時間唔加？

當初又係你話「如果你開條中秀經四順去西九新線又平尐又密尐」，
咁問題係四順本身有42，如果要開條中秀經四順去西九的新線，非42莫屬。

而且仲未答行車時間增加十分鐘以上, 十架車點可以15分鐘一班?

行青公根本唔慢，況且而家42一單連休息好多時只係得60-65分鐘，
行青公落到大窩口同埋行荔景山路落到葵芳的時間其實差唔多，
我當佢行車時間真係增加十分鐘咁多，一單連休息75分鐘，都可以做到15分一班啦。

話42只做到順利, 真頭無理, 利康利富落過順安都係過一條馬路, 仲近過總站去
順緻苑, 去順天都係十分鐘到, 大把地方要行十分鐘以上啦, 觀龍樓唔駛行既?
中環海皮落去大道中唔駛行既? 觀塘道去鴻圖道偉業街唔駛行既? 42改路後荔
枝角道落去青山道行得仲甘又唔見你講?

問題就係，乘客習慣，一般都係希望離開出發地點之後能夠去到最就近的車站搭車，
反而以最短時間、用最穩定方法去到目的地之後，唔介意行多幾步路。
因此42總站擺順利都好，返屋企果程對順天、順安都仲有一定吸引力，
但係返工果程，未必好多人咁好氣同你行十分鐘去順利總站搭42，
大把人晨早搭左綠van 54M落彩虹轉車喇。

even唔講拉去中秀都好，只要拉去順天，已經可以方便多好多人，
搶返一定數目的乘客，係咪咁都唔肯做？係咪要將其他乘客的不便合理化？

改路之後避開深水步內街的塞車，去深水步及打後一定快過而家的行法，
深水步落車後行多三個街口係可以接受。

好啦, 我唔直接答你, 用例子答你, 咁講襯你個建設多尐囉我覺得, 畀你42真係咁改,
假設有個人叫阿A真係住順利返東北葵, 你講到依家42到坪石真係得半車客, 又講到
42真係咁吸引中秀人搭, 即係唔止半車客啦, 咁阿A要搭42咪隨時冇位坐, 甚至未必
上到車, 咁同你講29M轉38/42C, 早繁彩虹可能好大機會無位坐, 甚至未必上到車,
有乜分別呢又, 用呢個理由話42更吸引係咪玩野呀? 轉車仲要快10分鐘wor, 加埋等
42仲唔止tim, 仲要講到益順利人? 呢個建議真係好益下囉, 如果唔係既, 改完一樣有
大把位等阿A坐, 咁即係改完都係你講既冇客啦, 咁改來把鬼, 29M朝早都好爆呢個理由
更好笑, 一29M未至頂閘, 二多人極都密過15分鐘一班車既新42啦, 唔介意仲有26M/27/
綠小, 一定要有位既咪早尐起身另一個方向落山囉

而家係咪非黑即白，拉去中秀做多左客就一定代表順利村無位坐甚至上唔到車？
你唔俾秀茂坪坐左半車跟住四順又坐一半，落到坪石岩岩好坐滿的？
你識計42要等車，但係29M轉38/42C要等兩次你又唔計？

42拉去中秀兼改經青公，中秀人落西九、去荃葵方便左；
順天順安落西九、去荃葵方便左；係得順利村單向車費貴左$1.2，
但係去到需求更大的荃葵，絕對唔係有付出而無收穫。
同一時間，東北葵、荃灣來往九龍城又方便左，新42唔會再好似而家咁，
有三分之一的路段長時間少客，營運狀況都會改善。
大半個東九山都有顯著得益，而順利村又唔係只有損失而無得益的時候，點解要反對？

睇整體規劃，42東九一邊好應該拉去中秀，至低限度都擺順天。
同樣睇整體規劃，42只做荔景山、葵芳同長青係唔夠客，改行青公搵多D客亦係應該。
如果只係因為42延長對順利村的部分乘客有影響而反對，
閣下只係同麗港城果位反對40改特快、反對219X延長至油塘的議員一般見識。