當年今日:九巴AP69屯公墮橋大慘劇

原帖由 DK704_3N133 於 2012-7-10 23:57 發表

呢句說話真係一年就見一次

咁某款港産車身都有咁堅既鋼水
咁係香港行得由好靚既鋼水到豆腐渣都有

原帖由 victorwong888 於 2012-7-11 00:00 發表
其實又不一定，
大陸劣質臥鋪巴士，
經常都有墮橋意外，
一般都可以有半車人生還
說大陸國產車鋼水好嗎？又唔見得

聽講
地方既重大事故好似有人數限制
死人好似多過30人好似要上報比大粒佬


聽講咋

當日真係好震驚
一朝開電視已經見到好多報導
完全無諗過/想像唔到係高速公路標準咁高ge香港會發生呢d意外
主角仲要係雙層巴士!!

原帖由 ohohoh 於 2012-7-10 23:30 發表
小弟認為...可唔可以唔好每年都post一次呢個post....
呢件令人咁傷感既事, 每年都會呢個版度recall一次......

同意呀
每次見到都好唔安樂
仲要咁樣輕判個貨櫃車司機

其實當年一起身,阿媽就話架巴士跌咗落山
真係呆哂兼唔敢想像係點
不幸中嘅大幸就係半車人仍然生還,逃出鬼門關

當日下晝我搭巴士路經現場，一上公路就大塞車，足足塞左超過半個鐘先到深井。
我諗當日應該有超過7成既大西北線+深井線甩哂班。

原帖由 ma2 於 2012-7-10 11:24 PM 發表
最唔抵就係 ,死咁多人 ,條貨櫃佬最終只輕判佢7個月 ,最後扣埋假等當庭獲釋 ...
故意殺人可以判終身 , 唔小心殺人都要判3-10年不等 !! 但呢單野明顯係貨櫃
佬唔岩推人地架ap69落山 , 咁都可以唔駛坐牢 ,罰錢 , ...

公平一點去講﹐據當時新聞所講﹐係貨櫃車司機技術問題﹐令到部車剎停後貨架打斜﹐令到有一個斜向外的角度。

而巴士撞車後﹐由於仲有衝力﹐再撞上已經打斜角度的貨架﹐再令巴士轉方向衡向橋邊﹐再引起嚴重事件。


如果係貨櫃車直接撞部巴士落上的﹐檢控的一方肯定有問題。
但問題係﹐表現證供及證據﹐都無法講出貨櫃車係有意去推部車落山﹐也沒有方法證明貨櫃車操作錯誤令到巴士撞落山﹐只是駕駛技術的差異﹐做成巴士落山的起因。

依法例﹐的確只可告「不小心」。如果只是因為死得人多而去強行判一個嚴重罪名﹐這才是不公平之處。

舉個例﹐有人在不准吸煙的地方吸煙﹐胡亂拋煙頭﹐無整熄也無燒著其他野並且走人。
之後一陣風吹來一張報紙﹐報紙燒著再風到附近一家店舖﹐再令店舖發生大火﹐事後有人死亡。

警方搵到吸煙的人﹐究竟最終可以告這個人什麼罪?   可告謀殺嗎? 可告縱火嗎?
可以話你知﹐此人最多係罰$6500﹐不用留罰底。(違例吸煙$5000+亂拋垃圾/煙頭$1500)
而無人可謐明此人係有心/有意係放火﹐只是唔小心+意外引起連串事件﹐所以其他野都唔會告得入。
貨櫃車司機便有如這位吸煙人﹐根本無意推巴士落山﹐所以只可告較輕的罪名 - 不小心駕駛 (有如例子的$5000 + $1500)。


至於上訴後即時放監﹐不是扣假期﹐而是等候上訴時已經坐監﹐這個期間已經長過上訴後的刑期﹐即係當事人已經坐多左﹐所以便可即時放監。

原帖由 ATR83 於 2012-7-10 10:56 PM 發表

除左車頭和車側頭1/3,其他部分係元好無缺,換轉係其他車型,散哂都似
所以Neoplan係貴得有道理,不過性能就九流啦

有一點想大家思考的﹐但唔代表我評論不同車款的結構是否堅固及比較。
另外﹐我唔係什麼專家﹐覺得有什麼問題﹐可以大家討論一下。

一部巴士﹐我相信大家都會知道﹐車底(下半部)係會比車頂(上半部)重﹐重心係在車底。

當巴士沒有強大的衝力幫助下﹐即係唔係飛車飛落橋﹐車頭開始下垂﹐垂直跌的時間﹐究竟部車那一個部份會先接觸地面?

我自己見解﹐車下半份係較重的﹐所以部車係唔會平面落地﹐會下半部份會墬低些少﹐上半部份會較為高少少。
落地時﹐下層車頭部份應該會先撞地﹐由車陣最先食衝力。當撞地的一刻﹐車頂便會觸地﹐車頭組件及車頂便會食衝力。

所以﹐撞擊力最先會由車陣硬食﹐減低了一大部份的撞擊力。按下來第2次便會是車頭組件﹐此部份會由車身支架﹐地台把撞擊力分散去車身其餘位置。最後是車頂﹐同樣地會因應車頂去散力。

最後﹐大家只會發現車頭少部份損毀。


換起其他車款﹐情況都會相約﹐都是先由車陣作首次撞擊﹐食去大部份的撞擊力。所以其他車款﹐我唔相信會散晒﹐都係同這部車相約﹐最多都係車陣變形會較大﹐車頭損毀部份會多些少﹐但唔會明顯損毀位置多出很多。

原帖由 ma2 於 2012-7-10 23:24 發表
最唔抵就係 ,死咁多人 ,條貨櫃佬最終只輕判佢7個月 ,最後扣埋假等當庭獲釋 ...
故意殺人可以判終身 , 唔小心殺人都要判3-10年不等 !! 但呢單野明顯係貨櫃
佬唔岩推人地架ap69落山 , 咁都可以唔駛坐牢 ,罰錢 , ...

會唔會有人刻意搵架車推架巴士落山?

判幾多果月都冇用
唔會判四十年既死者就會醒返咩事都冇
除非司機真係有心plan今次既事
否則,其實佢都係今次事件入面其中一個受害者
大家俾既應該係關心
而唔係不斷話判得輕,抵佢死