分階段重組青衣對外線

可以做絕D
因為多石就44X
82K就可以搞點佢加車俾44X

原帖由 HF3204@243M 於 2012-11-23 20:45 發表 http://www.hkitalk.net/HKiTalk2/images/common/back.gif

每轉兩次一上一落，又唔順路
如果 42X 山下做尾站既話，我覺得揾 243X 山上做尾站都唔大問題
青碼開，經青敬路，青衣西路，青康路，然後上公路
咁就可以唔洗一上一落

唔反對，但係而家現實係山下有全日沙田線同全日尖咀線，而山上無，
如果243X山上做尾站，山下要環完島先走得（尤其是好似你建議呢種行法，
青衣碼頭更加由尾站變頭站），好大機會俾人反對。

而尖咀線要對山下乘客直接，先有機會同港鐵競爭。

反正243X其實係由41變出來，維持返長青總站，佢地咪有返咁多條總站線。

除左你飛起左銀城街，愉翠苑/愉田苑搭空氣直上城隧
另一個問題就係:
青衣<->沙田駛唔駛"3"條(E42+42x/44x+249x)"全日特快"既線??(嚴格黎講算2.5條)
非繁2條夠sai
唔係既話,42x/44x或249x是但一條會載好多空氣lor~(@非繁)
或者42x/44x and 249x全線單層(如果挽大D)

原帖由 dippy 於 2012-11-25 01:13 發表 http://www.hkitalk.net/HKiTalk2/images/common/back.gif

始終都唔適宜用長途線serve區內客, 倒不如好似上葵咁, 開條小巴比青衣山上-荔景算啦
甚至合併243M同43B, 做荃灣-青衣-荔景-美孚, 食埋青衣-荔景客, 荔景-美孚轉車客
同時比個借口拉走30/用38A取代30, 最多就只係長途客收平左但要青衣環島遊
但同時解決左青衣去荔景喺改42既潛在問題

甚至改43M去做山上-荔景一樣可以考慮, 但就無得揾43M為249X找數

243M同43B合併拉去美孚簡直荒謬，兩條線而家做荃灣青衣都夠做，
個位數班次，而青衣<->荔景一段需求明顯低過青衣<->荃灣，
42都係做緊15/20分一班，而長青經荔景去美孚都要坐底三個字，
咁你將兩條線合併完拉長咁多，要加幾多車先得？用個位數班次做青衣<->荔景唔通唔係浪費資源？

43M經荔景山路落美孚，反而都仲有可取之處。

何文田有通學需求, 番OU甚至將來經愛晨徑來往poly同愛民都喺合理步行距離(據說將來仲有lift塔由公主道上愛民)
何文田有拓展處, 房署, 醫輔隊總部, 一樣有人番工, 何文田既通勒需求絕不遜於一般非旺區既市區線

咁何文田呢?何文田係九龍城區, 九龍城過唔到咪一樣企左响度, 唔見得令咁多人由有變無係一估理想既做法囉
仲未計九巴根本無可能會收6.1車到你上何文田, 減價都起碼要7蚊, 再加42A補錢轉車先有機會以價錢吸引九龍城放行重組
另一方面, 你一樣要過車比45, 因為依架車係for土瓜灣-何文田-旺角-深水埗, 你條42B/243X都做唔到以上功能
即係45仍然係做流水線, 仲要加車提高兢爭力

里數根本唔達標，何以見得唔可能收$6.1由青衣去何文田？
要記住呢條42B仲要用來填42A/41A改特快之後的空缺，載長亨/青衣碼頭往返長沙灣道沿線，$6.1已經係上限。

仲有，請證明俾我睇何文田搭41往返青衣的需求好大，
大到佢地值得唔要一條全日尖咀特快都要一條全日何文田線。
你話青衣有人要去何文田返工都仲講得過去，但係何文田有咩人要去青衣返工？
最多咪又係青衣工業中心果頭，有42B喎。
青衣特快出尖沙咀的潛力大好多，相反去何文田客量無上升空間，
係咪有需要捉住少量受影響乘客無限放大影響，而無視更多乘客的需要，
無視日後為更多同樣係青衣居民帶來的便利？

再講42B，比起41做少長安同長康/長青，
但係42B經青衣村外圍，唔介意行既可以由長安行過去，
而長青亦可以穿過涌美村同行人天橋落翠怡花園等車，或者回程青衣工業中心落車上返去，
唔鍾意既依然可以用轉乘。

至於45，我想講既係，RDP方案加一架車，繁忙時間都只係加密一至兩分鐘，
唔好下下用密得一分就一分既思維。土瓜灣去深水步仲有其他選擇，
在下路<->何文田段夠載兼無人嘈的前提下（記住45都係拉密果一兩分鐘），
的確無需要維持兩條線土瓜灣經何文田旺角去深水步。

而我自己估計九龍城唔會反對咁搞，起碼下路繼續有車往返青衣，
而何文田又多左個$6.1的選擇往返深水步同長沙灣。

如果新49X做埋濱景, 碩門, 咁40X, 43X就可以飛起沙田, 慳左既車可以開一條
愉翠-銀城街-禾輋-瀝源-城隧-上葵既線
將上葵納入埋城隧網絡

當然, 唔咁搞既, 49X做番原本銀城街, 威爾斯, 再經插桅杆街去碩門//愉翠都得

關鍵係馬鞍山無快而穩陣既行法直上城隧

條線行車方向相反, 咁點替代44P再減44P車呢?
現時44P都係幫緊44分客, 新線上繁分唔到客, 咁就攞秉客較飛
如果乘客去哂坐41A/42B, 咁即係變相陰乾44, 到時輪到長安-市區被減班
仲未計樓上講到42B根本無可能有8部車可以用, 巴士公司都無咁順攤收咁平
至少都會拉到上長康甚至長青, 跟41咁遊到可以收7蚊, 唔係咪即係巴士公司倒自己米

盤數係睇整體而唔係個別一條線架，40由東九搭去深水步夠收緊人$8，
巴士公司點解肯6D/40重組，收人$5.2呢？咪就係因為40改特快後
客量有顯著增長空間，夠抵銷返無左流水客條數囉。

而44P做緊青衣碼頭，我用42B全日取代左青衣碼頭後，係有充份理由取消44P，
減兩架車，但係維持長安總站44/44P加埋的班次，青衣村總站仲密左車，有咩問題？

簡單來講，而家上繁44P根本只係分緊44長安客，
我從來無諗住42B做呢個功能（42B唔入長安總站），重組後將大部分44P車過返44，
44班次加倍已經得。而下繁44客見到44P都會照上，我同樣係將44班次加倍。
下繁42B返青衣，你當我代左41A旺角至美孚之間一段的功能就得，同樣俾青衣村乘客叫兩飛。

但你一樣低估左佐敦道/彌敦道/亞皆老街既情況
行一條佐敦道東行(西行反而好少), 除時20分鐘都未由渡船墮入到彌敦道, 加上彌敦道北行巴士比南行多, 交通比較擠塞
彌敦道左轉亞皆老街, 根據多年坐971既經驗, 試過6轉燈先過到, 平均繁時都要2-3轉燈, 直行既車除時已經去到太子甚厔楓樹街
你唔整條順時針線, 根本唔可能令佐敦/油麻地特快到, 仲未計新線一定脫班脫到九彩
(即使將來287X都會係咁, 可以買定花生等脫班)

彌敦道南行右轉佐敦道一樣可以排長龍。

同埋主要問題都係南行方向返新界根本唔make sense，
況且你咁搞影響原來乘客之餘，旺角返青衣又根本無快過，
你個葵泰路轉乘根本無用，仲未計特登落葵青交匯處又花多幾分鐘，
而果個站位置偏僻，又會有咩人鍾意用果個站轉車？

彌敦道北行返新界西，左轉亞皆老街再上西九龍走廊/經大角咀上連翔道已經係最快，
起碼停少中間一大堆站同燈啦，係咪？

而佐敦道塞車亦只係晚繁嚴重，但係而家42A一出總站就要塞，條數根本無變過，
而41A縮短變循環後的確塞多段佐敦道，但係唔好唔記得反方向出尖咀都會塞，
尖沙咀開出又會塞，一樣影響緊班次。

可以用43C解決, 拉長43C去長亨/長宏已經搞掂

都話左我成個建議係針對青衣山頭主義度身訂造。
係人都知最簡單係44拉去青衣碼頭，俾41A變特快；43C拉上長亨，俾42A變特快，
但係總站唔俾拉線既咁點先？

[ 本帖最後由 S3BL100 於 2012-11-25 02:37 編輯 ]

原帖由 dippy 於 2012-11-25 01:13 發表 http://www.hkitalk.net/HKiTalk2/images/common/back.gif
重要得過削減現有有用既服務?
287X去旺角佐敦一樣緊要過去石硤尾, 仲要人地有直車替代都要拖拉咁耐
你認為你條線有幾大勝算呢?青衣一向都玩開山頭主義喎

丫仲有，岩岩先見到呢句

乜你而家終於明白點解我一路都咁反對你既青沙公路重組方案喇咩？
乜你終於知道你一路以來果堆建議無咩可能落實到喇咩？

況且287X既例子唔同，嚴格來講唔係由無變有，只係多個快捷的直達選擇，
287X沙田區服務範圍，去旺角本身有87A，去油麻地佐敦又有81C，
當然水泉澳入伙後，條線好有戰略意義，但係舊年RDP出台前係無人爭取過呢條線喎。

相反，長康長青果邊爭取緊全日尖咀線，嫌而家焗住搭88D轉地鐵唔方便
（請自己上去搵文件睇），成個玩法已經好唔同。

根據今年RDP數字，41如果改特快，得26%乘客唔受影響，
推算何文田<->青衣只係佔成條線客量的10%，如果按我上面的方案重組，
應該大概有一半人可以改用42B往返，剩返果5%先要轉車，影響根本好輕微。
況且243X係一D對成個青衣都有好處既野，起碼無咩可能一面倒反對，
就算有一兩個山頭仔因為唔想搞咁多野而唔重組都好，都可以用群眾壓力迫人就範。

而佢地唔要呢個offer既話係佢地蠢。

而你既然都知道青衣搞山頭主義，42想拉總站都未拉得掂，
你估你將43B/243M合併兼延長去荔景/美孚，受影響人數一定多過42一大截
（42受影響只係無左總站車），有冇可能過到？
如果青衣南用何文田線換條全日尖咀特快都換唔掂既話，你將42由青衣抽走，
青衣只有付出而無收穫，有冇可能work？

同埋講真，你都好雙重標準，自相矛盾，
早輪呢個版上面講青沙，你大幅減石硤尾服務，令大量乘客由有變無，
而又唔換野俾人，就要人奉旨支持唔反對；
跟住你又想搞堆觀塘區內線，搞到四順無巴士出牛頭角創紀，
講緊影響23M至少三成乘客，又要人夾硬支持，又唔搵野同人交換。
咁而家我將41變243X，超越等價交換，你又話「重要得過削減現有有用既服務」，
石硤尾往返沙田深水步旺角就無用、無需要，四順往返牛頭角創紀又係無用、無需要，
做咩輪到青衣何文田呢組根本唔多人的組合又變到好有用？
定係你自己話緊自己？

咁你又唔好咁講wor~
{此括號內都係講依家既}
{依家249x青衣大部分站,非繁都係靠48x/49x->42m/243m za bor~(或者昌榮路轉43a,但係價錢方面...   )
E42??長亨菁華苑附近入沙田靠佢架!如果依家E42唔入青衣,49x服務範圍外入沙田--45-50min la!
即使搭249x最快都要40-45min
E42? 25-30min都到啦
(計沙市)
快手食埋Mcdonald先搭E42都有機會追到49x,何樂而不為?
沙田<->青衣既客已經唔係好多(尤其係非繁)
唔係49x經荃灣幹嘛?}
E42唔經青衣?得!
但係記住你條44x同249x每班都要多人搭,唔係唔夠客又玩減班,到時成個青衣就   (先揚後抑,唔係幾好lor)[原本個詞係先抑後揚]

"如果新49X做埋濱景, 碩門, 咁40X, 43X就可以飛起沙田, 慳左既車可以開一條
愉翠-銀城街-禾輋-瀝源-城隧-上葵既線
將上葵納入埋城隧網絡

當然, 唔咁搞既, 49X做番原本銀城街, 威爾斯, 再經插桅杆街去碩門//愉翠都得"

呢個仲勁!縑城隧線唔夠多!
簡單D,40x淨飛亞公角街算la!
總之唔駛咁多條城隧線la!
又40x,43x,47x,48x,49x,44x,4_x (不喜勿插)

比我如果你咁搞
我不如43X加長到科學園
40X不變(因為有bug)

仲有 286X有得開既原因--其實係有46X等等線既支持-_-
86B係元洲商場後係得我坐..(今日坐完)

原帖由 dippy 於 2012-11-28 16:13 發表 http://www.hkitalk.net/HKiTalk2/images/common/back.gif

青衣碼頭﹣長沙灣根本要用44P嚟做，長亨亦可以用43C去做
里數唔夠一樣可以碌到佢夠，淨係入一入何文田總站／由長宏開已經可以碌夠佢啦
從經營角度，根本唔可能收到6.1咁平，尤其係依家有條現成既41喺度

唔需要證明需求有幾大，只要一句令何文田乘客受影響
呢個未見其利，先見其害既計劃已經可以垃圾筒見啦
簡單啲講就係，搞41除左要顧及葵青區嘅利益，亦要照顧九龍城既選擇
唔駛好有理由，淨係一句影響原有乘客已經可以，就如6D／40咁
只要hild得住麗港城，成個深水埗就可以繼續有車去觀塘

你呢種論調好自私，土瓜灣道往返何文田同長沙灣唔係無其他選擇，
6C車海班次，唔見得有幾多人會專登等疏車又貴的41而唔上6C，
41執的大多數係散客，更何況41同45名義上聯合班次，實際上好多時根本前後車。

青衣碼頭<->長沙灣用44P做唔work，一來變相等於延長44，青衣村會反對，
二來青衣碼頭本來直出南橋變成要停多青衣村同長安村，慢個幾兩個字，佢地都會反對。
而長亨拉43C？你保唔保證到長康唔會反對？

青衣村山頭主義係應該譴責，但係同時亦唔好忽視青衣碼頭未必想用44P取代41A的阻力。
既然有方法可以達到目的的同時又滿足晒咁多個山頭，
咁有無必要鑽牛角尖，堅持一定要44拉去碼頭或者變相44P食44？

客觀環境就係山下<->長沙灣要有兩條線。

諗下點解45收咁嘅價錢，行咁既班次都仲有捧場客先啦
咪就係時間比起行漆咸道既6C／6F穩定囉
至少坐45可以知道大約幾時去到深水埗，而45對比6C／6F唔係慢

呢個唔係密唔密得一分鐘嘅問題，而係新45去到15／20嘅，至少班次有得預
點都好過依家咁， 唔係熟客根本唔知幾時有車

站喺九巴立場，我諗佢寧願比43C／44﹣18轉乘
都唔會比人用咁平既價錢上何文田
總結就係，去到何文田最少都要6個8到7蚊

That why我唔認為九龍城會放行咁重組
仲未計依家下路﹣何文田，41／45有份救17嘅客

41/45同17站位唔同，一條行上路，一條行下路，41/45點救17既客？

仲有你係咪唔知道45而家根本係收緊$6.2，唔係七個幾？
仲有45而家繁忙時間已經做緊15分一班喇喎。

你一邊嘈話我減左土瓜灣-何文田-長沙灣的服務，
但原來你將41變特快，土瓜灣-何文田-長沙灣的流水服務水平同我個建議根本無分別，都係一條45。

呢邊廂少量原41乘客俾平左，但係同時間42A/243X變特快而收多左，
原有唔少佐敦尖咀客都會俾多$1，仲可以搶港鐵客，九巴係咪無得賺？你係咪唔明盤數唔係睇個別路線，而係成組線咁睇的道理？
九巴會唔會為左每日區區幾百個俾$7.6的何文田<->青衣客，而繼續送旺角、油麻地、佐敦同尖沙咀客俾港鐵？

因為依家用其他線轉6D入深水埗都要7個幾，用40轉既人根本唔多
所以實際損失根本唔大
但唔見得呢個方法係對乘客有利囉

但係同一時間有唔少九龍灣至太子道西之間去深水步美孚既乘客都係俾緊$8搭緊九龍內陸流水喎，
呢班客全部第時都會俾少左錢甚至走晒，但係九巴都肯做，點解？
咪又係因為盤數係睇成組線而唔係個別一兩條線咁睇囉。

由青衣邨出發根本唔可以同時等44同你條42B，班次增唔增加對佢哋根本無意思
反而如果青衣邨客去左42B而長客客繼續坐44，令兩線班次鬥頹就真係大鑊
山下來往深水埗根本唔需要兩條慢線
一條做哂已經夠
可以係長亨﹣長安﹣青衣邨﹣青衣碼頭﹣。。。﹣旺角／／青衣碼頭﹣青衣邨﹣長安﹣。。。﹣旺角再加延長43C
點都唔需要兩條線反方向行鬥搶客

依家41唔少人喺長安上落，新線唔兜入長安根本講唔過去，尤其係過門而不入
連E車都特登兜入長安嘅事候，唔見得42B有條件唔兜入去

當然，如果42B入墊長安，44基本上無存在價值，剩低既只係南北橋既問題

青衣村乘客一早慣左搭44，唔會專登等42B出旺角（返青衣叫兩飛就有可能），再加埋長安總站咁多人，
絕對支持到繁忙時間5分鐘一班44去深水步旺角，根本唔存在兩條線鬥頹的問題。
42B唔需要亦唔應該入長安總站，一來長安總站都係搭緊頻密的44，
既然有44就唔會搭條42B遊多陣花園。
二來42B入長安總站會令長亨原有42A乘客車程減慢3-5分鐘。

41長安村只係執雞，好多根本係趕時間見車就上，
唔一定係以何文田做目的地，重組後往長沙灣至旺角只需一條頻密44，
去土瓜灣亦有243X。九巴來年都會用新城果套策略重組，
每區只需要留返一條頻密流水線；幾條線互相幫手清客，
而搞到大家齊齊慢碌無得特快的例子，只會愈來愈少。
42B行青衣村出面，主要都只係因為楓樹窩路係往返長亨同青衣碼頭之間的最直接行法，
出到南橋唔會慢過42A，而唔係為左執青衣村既客囉，記住條線係行出面。

而你想用42B陰乾44亦唔會work，第一根本44班客唔會轉投，第二根本唔會有人俾你取消44。

我成個重組係基於44拉唔到去碼頭，再加43C拉唔到上長亨的前提，
而你係要先推翻呢兩個既有情況，做一D根本無可能過到既野，已經同我諗住要做到的效果好唔同，
加上前提唔同，就正如你走去考試答問題果陣
唔係正面答人條問題，而係先推翻條問題既premises而唔解釋堆假設點解唔成立，
之後再強加自己的假設，唔解釋自己的假設點解成立之餘再吹到天花龍鳳，咁已經無咩討論空間。
當然我知你又會話「九龍城過唔到」之類，不過事實係佢地OK土瓜灣-何文田-深水步/長沙灣得返一條線，
但係反對土瓜灣無車去青衣，而何文田早年又反對何文田-深水步長沙灣得返一條線，
基於呢D前提，你話「九龍城過唔到」呢個假設亦唔見得會成立。

有幾唔合理呢？今個星期六開始，深水埗番大圍就要去西行嘅元洲街上車
如果真係咁大問題嘅，點解咁容易就過到骨，反而合理既287X就要hold住呢？
好明顯你個推論就有問題

喺我個計劃，旺角番山下特快有41，慢碌有44，山下﹣旺角去程可以坐41A，回程坐41
完全無問題喎，旺角﹣＞山下可以用41加分段解決
甚至唔加分段，都一樣係願者上釣

深水步個286X個例子根本同埋你叫人彌敦道南行上車返新界好唔同。
青沙出口個設計係無路直接入到長沙灣工貿區，但係長沙灣工貿區上青沙又有快路，
咁286X當然係深水步逆時針loop啦，唔通係點？

套用返落佐敦旺角loop個例子，西九龍公路/西九龍走廊出返旺角再由佐敦上返公路
無論里數同行車時間都慢過逆時針loop。

況且我個設計入面，想佐敦上公路的話仲有條243X囉。

總站區唔肯可以用P車搾乾正線
如同44P，219P等既設計一樣
總好過整一大堆怪胎出嚟燒油載空氣

P車榨乾正線唔一定work，況且你唔見得知道219P的長遠發展方向，
據聞涉及地區已經有初步共識，來年或者會有料到

不過既然我上次呢個板唔覺意放料之後仲要俾另一位板友質疑我消息來源的話，
我諗我都無必要講太多，大家自己FF算啦。

如果你係都要基於一D現實上做到機會好低既假設去討論的話，咁再講落去已經無意思。

但事實係287X根本照顧唔到原有87A既乘客
根據RDP資料，只有三成幾既87A客受惠於呢個重組
唔見得比6D／40好
總結就係呢類影響大量原有乘客既計劃，一步登天既機會瀃茫

相反，石硤尾根本佔86系比重組細，造出嚟嘅數據絕對拍得住286X
大部份乘客車程有望加快，變循環亦令班次可以更好地利用

群眾壓力咁好使好用
咁40一早落實到啦
事實係呢啲咁嘅建議根本落實唔到

仲有，你肯定何文田﹣深水埗客真係咁少？
個人建議你自已坐轉41先好講
唔係好似當日錯估澤安邨客量咁就無謂啦

再重申一次就係，搞41重組根本唔係淨係青衣既問題
亦要睇埋何文田嘅取態，你令到何文田受影響佢一樣可以否決
呢點同深水埗同石硤尾在同一個區議會根本無可比性

唔係有無用既問題，而係從來區內既問題點都比跨區既問題易於處理
大幅削減左石硤尾既服務，但換嚟更平價既M線，已經係有進步
仲未計可以優惠價轉乘獅隧線，去埋大埔同北區
再加大幅提昇深水埗﹣沙田交通

你有無見拉走左86B時，龍坪區有出聲？
根本果邊嘅山頭主義就無咁嚴重，兩區亦無可比性

86B行大埔道，關龍坪區咩事？
試下你搞到佢地無左車入沙田巿中心，去旺角，去深水步長沙灣，你估佢地仲會唔會唔出聲？

而根據舊年RDP，87A變287X係有42%乘客受惠，
但亦代表深水步同石硤尾加埋有58%人受影響。
想問你憑咩推論到如果將多幾條86系推上青沙，石硤尾受影響人數佔的比重更少？

況且嚴格來講，87A果58%受影響既人，大部分都可以改搭其他線（86A/87B），
但係你搞多幾條線，必然令人由有變無。87A好唔容易先過左，
你估你搞到有人由有變無、車程大幅延長，過到機會係幾多？

亦要再講多一次，唔好誇大成個重組對何文田的影響。
重組前係一條$7.6的41，加埋一條$6.2的45落深水步，
重組後係一條$6.1的42B，加埋一條$6.2的45落深水步，
42B仲要係愛民總站開車，預到時間，佔41/45何文田西行客量大多數的
以長沙灣道作目的地的乘客唔使再捱$7.6貴車，
況且第二階段42B同42A/43C重組後，42B更加會加到10分鐘一班，
何文田往返深水步只會有增無減，even第一階段都無減過。
對何文田來講，換一條可靠又收費合理少少的巴士線去長沙灣道，
點都好過而家一貴一平兼難預啦，係咪？
成件事根本無影響過何文田<->長沙灣之間一段囉。
至於何文田<->下路，我想講何文田已經OK左用一條45做晒呢班客，
而下路反對41縮短的原因係無車去青衣，唔關何文田事，咁試問又有咩問題？

而你識得問「何文田-深水步客真係咁少？」既話，
點解你又建議拎條41改快，令何文田<->長沙灣道減一半班呢？

又，如果你認為巴士公司無誘因收$6.1載何文田乘客往返深水步同青衣，載青衣乘客往返深水步的話
（實情係45收$6.2，青衣深水步流水線收$5.7 - $6.1已有先例可循），
咁點解巴士公司又會有誘因學你建議，用平一截的M線做石硤尾，
仲要石硤尾入沙田最低消費$6.1，並無$5.2先例可循喎。

[ 本帖最後由 S3BL100 於 2012-11-29 08:43 編輯 ]