分享:細過時做過既百厭事情

讀幼稚園果時，無端端入左投注站。結果被個職員帶出去。

講起就多囉....

細個返大陸，當時大陸仲係燒柴，佢地有支叉協助將d柴推入個爐，支持個頭好熱的，我竟一野辣落我阿公度。

有次同阿媽去新城市百佳，我阿媽揀緊生果買去探人時，我就晌身邊整爛人地d提子。

仲係BB仔時，當我媽媽揹住我行街市，我偷左人地一個橙。

又係BB仔時，果時住兩層既臨屋區，我晌上面對住窗外屙尿落去，仲屙中落人地個頭度，人地仲以為係落緊兩，又有一次，我屙完尿後竟搵d尿幫自己洗頭。

同係BB仔時，我為食到偷辣椒食，點知辣到我不停喊同飲水。

小學六年班時，個同學激嬲我，我就一野將d汽水倒落佢個頭度。

細細個已經瞞住屋企人出街，4歲時阿媽俾我落公園，我玩帶埋鄰居個3歲小朋友由翠林行落寶林，返到去我就俾我阿媽鬧，而我朋友則俾佢媽打到飛起，四年班同阿媽話去厚德，但就走到出藍田同觀塘，五年班時話去觀塘，點知自己已出到去沙田上水元朗了。六年班更有一次誤入打鼓嶺禁區，晌個警署門口等巴士，時有警車經過不知幾驚！

以上都只係冰山一角，仲有好多百厭野，但一時諗唔到，有好多都係大家唔可以學架。

*如板主覺得有部份唔出得街，請告知我刪去，謝謝。

[ 本帖最後由 dennislokawai 於 2006-3-13 13:22 編輯 ]

難道每個細路的時候都有試過以上的東西，
上述多位版友說的百壓事，
我很多都有試過，
包括向街上小便、玩lift、偷野、玩香爐灰、睇雜誌、做實驗。

另外，有兩樣事現在想起真的有點激，
細個時，約小學三四年級時，
試過將美勞課的顏料偷偷倒進了同學的水壺中，
另一件是試過偷看了爸爸的成人雜誌。

爸爸，對不起，在此，孩兒出買了你。

岩岩又諗到樣：細個同姨媽去飲茶，我同細佬同大表弟夾埋想戲弄細表弟，
於是將豉油、辣椒油以及牙簽等雜物倒/塞晒入去壺普濔茶度，然後等唔知
道既細表弟斟黎飲。

原帖由 fai 於 2006-3-14 16:24 發表
岩岩又諗到樣：細個同姨媽去飲茶，我同細佬同大表弟夾埋想戲弄細表弟，
於是將豉油、辣椒油以及牙簽等雜物倒/塞晒入去壺普濔茶度，然後等唔知
道既細表弟斟黎飲。

呢樣野我都有玩過,
不過係我俾人咁樣玩

飲完有乜反應？

原帖由 owen1234 於 2006-3-14 16:51 發表

呢樣野我都有玩過,
不過係我俾人咁樣玩

原帖由 fai 於 2006-3-14 17:24 發表
飲完有乜反應？

當然係心有不甘
唔明自己點解會咁樣俾人玩

我意思係味道或者飲落口既感覺，如果唔想再提起可以唔講。

原帖由 owen1234 於 2006-3-14 17:37 發表

當然係心有不甘
唔明自己點解會咁樣俾人玩

原帖由 fai 於 2006-3-14 18:36 發表
我意思係味道或者飲落口既感覺，如果唔想再提起可以唔講。

個種感覺好難形容,
不過味道都唔係我想像中咁怪,
還可以接受

原帖由 dennislokawai 於 2006-3-13 13:19 發表
細細個已經瞞住屋企人出街，四年班同阿媽話去厚德，但就走到出藍田同觀塘，五年班時話去觀塘，點知自己已出到去沙田上水元朗了。六年班更有一次誤入打鼓嶺禁區，晌個警署門口等巴士，時有警車經過不知幾驚！

你都有呢個情況, 我同你差不多,
我大約四年級時已經好識得睇地圖, 都已經知邊度是打鼓嶺, 沙頭角, 下白泥, 龍鼓灘, 蓮麻坑等等.....

記得我大約小學六年班11歲時, 有一次自己一個坐70X去上水遊車河,當年是一架G牌AD
到達上水後見到有架去蓮麻坑的小巴59K, 我想都不想就上了車,
當小巴去到文錦渡禁區檢查站警察上車檢查時, 他竟然沒有叫我落車(我當然無禁區紙啦)
我就一直坐車沿蓮麻坑路坐到59K蓮麻坑總站, 蓮麻坑路記得都幾窄, 但很有鄉村風味,
那次之後, 我就沒有再到禁區入面了(坐過境巴士路經禁區除外).
所以我回想起都毫不感到後悔, 那次是我唯一一次深入到禁區,
真是多謝當年無叫我落車的那位警察.
當然希望我日後能夠再有機會往禁區入面開下眼界啦(從正途)

百厭事情當然仲有, 當年Cityflyer新出時, 我自己有幸坐到行A21,
當年我完全唔知上層坐位對上的制有咩用, 我就全部噤晒(其中一個是落車鐘)
司機白白停左幾個站後就上黎提我''呢個是落車鐘, 唔好亂噤呀小朋友''
仲問我去邊, 回想起那位司機真是好人......

[ 本帖最後由 volvo_chan 於 2006-3-16 01:03 編輯 ]