【資訊】東九龍線計劃的最新消息

eternalflame 發表於 2017-12-14 20:01
西貢係唔係有需求到一定要起鐵路呢?

相信反對起鐵路的人多，因為住得果啲地方的人大多都有車，搬入去住都係貪靜，唔係貪交通方便。

如果東九龍線係用中型鐵路既話, 似乎直接延伸至成東西九龍線又唔太理想

講遠少少, 個人傾向一開始拆番開東西線, 西鐵/馬鐵同以宋皇臺為總站
預留日後分別延長條件：
西鐵東延至啟德南/九龍灣西、牛頭角
馬鐵經亞皆老街西延至旺角、大角咀、南昌, 長遠更可經昂船洲直插人工島

咁樣東西線唔駛長到唔知做乜咁, 而又唔會有人坐全程
馬鐵沿線不能直達紅土尖, 但能一程直入旺角
西鐵沿線/紅土不能直達啟德/鑽石山, 但能直插東九主要上班區

即大概係一個咁既概念：

再補充少少, 個人當年甚至覺得可以唔起九龍南線,
改為西鐵按上圖東延直入旺角(連接旺角/旺角東站)>現宋皇臺站>東九
東鐵經尖東延至柯士甸做總站, 東九龍線+過海段比番馬鐵直通
咁樣成個九鐵network會係相當完整

053h4 發表於 2017-12-15 12:21
東九龍線要延長我認為應該拉去美孚，而唔係拉去九龍核心區

其實起東九龍線目的為分流觀塘線乘客，所以東九龍線應該由東九經九龍核心再去南昌/美孚，以方便乘客去新界西或東涌(或大嶼新發展區)。

拋磚引玉FF


連接九龍嗰邊既走綫適合直線電機列車，尤其係90度角轉彎同觀塘開始上山段。（撳車站icon會有說明）
https://drive.google.com/open?id=1CA4SGVnmCXw0z43hK2CJJgQkjnc

再長遠同屯荃鐵路併合埋一齊，加經黎木樹、石蔭安蔭、石籬，之後南昌(深旺道)、旺角道一帶、九龍醫院、九龍城、東頭邨(新蒲崗一帶)接東九龍線

eternalflame 發表於 2017-12-11 13:35
如果拉去啟德唔去鑽石山，就造唔到分流觀塘線的作用

拉去啟德再進一步西延去旺角，比起鑽石山分流作用大
去鑽石山只會將九龍東線乘客塞曬落觀塘線

西貢區議會也爭取科大站，始終一來解決清水灣道塞車問題，二來學生又方便。

甚至科大有站的話，西貢居民就不需要擔心新清水灣道塞車問題，改去科大轉車，情況與華富置富去堅尼地城或HKU轉車一樣，惠及居民。

樓上說美孚站，深水埗區議會之前批評當年西鐵規劃有問題，導致員工巴士在美孚泊車，滋擾美孚居民，我相信東九龍線去美孚會有很大阻力。

053h4 發表於 2017-12-15 12:21
東九龍線要延長我認為應該拉去美孚，而唔係拉去九龍核心區

東九龍線主要目的有2個:
1係改善觀塘山既交通
2係俾將軍澳北居民另一個出市區既選擇，分流將軍澳線
因為觀塘山同將軍澳都係住宅區，
如果東九龍線西延唔連接核心商業區，其實係冇乜意思的

反而東九龍線、觀塘線之間有冇轉乘站其實唔係咁重要
東九龍線本身係上山，唔係落觀塘九龍灣商貿區，分流唔到返工客
不過，東九龍線可以載走本身住係觀塘山、將軍澳北去油尖旺返工而依家坐觀塘線既乘客，
佢地唔搭觀塘線已經係一種分流…

拉去啟德，進一步延長去旺角核心區，
可以分流到現有觀塘線既客流(姐係去觀塘平地既繼續搭觀塘線，去觀塘山、將北既搭東九龍線)
又可以打通旺角<-->觀塘商貿區
而東九龍去沙田、九龍城既乘客仍然可以係啟德站轉乘東西線

Hopuco 發表於 2017-12-18 00:56
拉去啟德再進一步西延去旺角，比起鑽石山分流作用大
去鑽石山只會將九龍東線乘客塞曬落觀塘線
...

如果將呢條線當成relief line係絕對有拉往市區方向嘅需要
但鑽石山以西走線點樣搞都成問題，要點解決工程影響旺角一帶鬧市係另一個難題