轉車站無客應否飛站

是咁, 昨日下午繁時乘搭287x 上青沙, 打算轉286c,  大約在美孚時, 見到286c 在我班車前頭, 以為追到, 誰知286c 見站頭無人, 只係慢駛一陣就走人, 結果我連車都唔落, 直接走去大圍轉81c。

我心諗, 如果呢班係尾班車, 而又走咗, 而且只有一條線啱路的話, 點算先好呢? 如果青沙 巴士到轉乘站時略停一分鐘, 即使追唔到, 我心理上都會好過少少。唔知大家點睇?

個站無人仲停來做咩？

如果平時你係其他站頭

咁岩尾班車走咗,
而且只有一條線啱路的話,
你會點算呢?

追唔到就追唔到，司機見到無客走係好正常。
如果條條停隧道既線都要收費站停一分鐘，咁咪好容易塞哂車。
用番你個case，假設架286c停咗一分鐘，但咁岩你架287x又遲咗一分鐘先到站，
咁使唔使又加到兩分鐘等你個心又再好過啲。

尾班車轉車站要停我覺得係合理既，至於更極端N72 N90都會互等一樣，其他算吧啦
其實更進一步，尾班車set定時點係一個理想嘅做法

我覺得部份轉車站(例如: 城門隧道)可以考慮set定某路線尾班車做包底
(九巴應該知道通常會係邊一架車最尾走)

假設城門隧道通常係49X包尾嘅
可以set定一個定時點(例如01:00)
當某d乘客miss咗佢想坐嘅線嘅尾班車
都可以由49X司機提醒冇車
從而唔伯有乘客死等去到半夜三更唔知點走人

當然,揀選路線都要諗一諗
47X,48X,49X呢類路線會比較好
因為沙田一嚟距離近,二嚟沙田通宵交通亦相對方便
73X, 278X呢類就可免則免喇...因為若果個客住較近的話
望門而不入就真係慘
(幻想下住大圍,但只得架278X佢上都真係唔知上唔上好)

其實如果好似青沙呢類班次疏又唔多人用既轉車站，
如果見到後面有其他線埋緊站，
車長可以醒少少稍為等一等都無妨；
但硬性一定要等我又覺得多此一舉同浪費乘客時間。

不知你 287X 上車地點, 如果是油麻地/旺角一帶而又接近彌敦道, 直接搭 87D 可能仲快!

dennislokawai 發表於 2017-8-3 13:12
其實如果好似青沙呢類班次疏又唔多人用既轉車站，
如果見到後面有其他線埋緊站，
車長可以醒少少稍為等一等 ...

我估個司傅就係唔想等，當然博過鐘就會等等等。我試過搭N30入屯門，前面架N260去到轉車站就等多一陣，讓本車乘客過車。不過我唔想行，去到安定先轉，又省一點。有時司傅會呠前者叫司傅等等，當然在外國部分地區會直接用對講機講。

如果你想轉果部車係正係你前面係無得好講，只能怪你唔好彩