一個鐘一班, 總站都可以唔見車

GR1473 發表於 2017-8-6 12:53
即係好似嗰啲未來香港鐵路圖咁啦，FF嘢。

唔係FF，環狀線快完工，其餘唔係已經落實興建就係官方規劃中

Ricky403 發表於 2017-8-7 19:37
你都係冇回應到路面擠塞加劇嘅問題

路面擠塞加劇唔一定同上班有關，其他經濟活動甚至違泊一樣可以加劇路面擠塞，

Ricky403 發表於 2017-8-7 19:37
你用揸車返工比例去講
先唔問你堆數據邊道黎

人口普查2011同2016

Ricky403 發表於 2017-8-7 19:37
東京鐵路網明顯遠比香港發達，但揸車返工比例居然仲高過香港
係咪代表盲目以鐵路取代巴士嘅諗法會適得其反？

香港同東京地理完全唔同，東京人口近乎平均分佈在一個大面積平原，更難將所有人口納入車站步程範圍，因為離圓心越遠圓週就越大，線與線之間距離就越遠，離都心15公里以外線與線相距已經可達3-5公里，中間遠離鐵路的地方一樣有大把人住(香港依d地方通常係山)，雖然佢地出都心幾乎一定搭鐵，但唔係人人都出都心返工的，非都心/非放射向/短途行程就可能得巴士可選擇，揸車通常會更快捷。反觀香港，一條線幾個站已經可以令當區9成居民在車站步程範圍，出左車站步程範圍已經係山/海

Ricky403 發表於 2017-8-7 19:37
回埋你港島區數據，點解港島區跌得勁？咪就係西港島線、南港島線囉
新橙點對待西區南區線，好多版友都知道

人口普查2016時並未有南港島線，而且揸車返工比例都跌得好勁

Ricky403 發表於 2017-8-7 19:37
九龍區你用缺乏東西向鐵路黎解釋，但升個%，都係0.09%，呢0.09%流向一條新鐵路線，可以有幾多客？

我引0.09%新增揸車返工只係作為indicator，唔代表往來東西九龍需求只新增0.09%，西九填海區偽豪宅到東九返工大部分人都係搭車，而且往來東西九龍不論巴士定鐵路本身已經有龐大客量，所以九龍東西向鐵路根本唔可能少客

Ricky403 發表於 2017-8-7 19:37
綠線而家已經搞緊提升信號系統，呢個時候幫綠線再倒米，提升信號系統嘅效益肯定大為降低 (雖然沙中一期已經做緊呢樣野)

減少擠迫叫倒米?? 減少擠迫叫效益降低?? 朝早黃大仙要等兩班車先上到先上到朝早黃大仙要等兩班車先上到先上到

Ricky403 發表於 2017-8-7 19:37
東京全部都係經濟起飛嘅時候起，嗰時又係財大氣粗，加埋地勢比較平坦，自然又係可以起到密集
喺香港已經發展好起哂樓嘅地方再插幾條鐵落去

香港馬路夠闊，而且道路網算公整，根本唔需要大規模收地，南港島線/觀塘線延線/沙中線收左幾多地??

Ricky403 發表於 2017-8-7 19:37
仲有如果要掘開一段亞皆老街兩邊各一線起一條東西向鐵路，九龍區啲路會發生咩事……呵呵呵

小部分人捱幾年塞車有乜大不了?? 人係有彈性的，佔中佔旺係經典例子，捱幾年塞車一勞永逸後，路面點塞都冇人再care

Ricky403 發表於 2017-8-7 19:37
沙中二期嗰度，想黎今日的我打倒昨日的我？
你之前先話過要兩條過海鐵路先負擔到個人流㗎喎

你睇清楚d先喇，之前係話香港要做到零巴士，就要共五條過海鐵路先負擔到人流，
之後係話有第四條過海鐵路(沙中線)同北港島線，紅隧巴士架次起碼少一半，
俾心機啄磨d內容先喇

Ricky403 發表於 2017-8-7 19:37
如果證明唔到瘋狂起鐵會達致環保嘅 (假如參考東京，中九龍幹線計劃加多條貫穿九龍東西鐵路)，運豬保鐵，反對派一定會嘈，選擇、港鐵服務穩定性、舒適度、通勤時間，已經有排嘈

九龍東西鐵路都叫瘋狂起鐵?? 好明顯九龍東西向係鐵路大盲點

起境內鐵路真係未試過有反對派反對喎，而且交通選擇永遠係度，從未有巴士多客都被強行取消，
你話會嘈個d野(選擇、港鐵服務穩定性、舒適度、通勤時間)，似係巴迷自己嘈多d

Kaix 發表於 2017-8-24 00:22
唔係FF，環狀線快完工，其餘唔係已經落實興建就係官方規劃中

台北雖然未去到倫敦嗰條 Croxley Rail link 咁起起下都會爛尾，但官方規劃到真正建成隨時十年以上，當年綠橘棕線都係磨足十幾年，民生汐止線更加係無聲氣

238X 發表於 2017-8-24 01:29
台北雖然未去到倫敦嗰條 Croxley Rail link 咁起起下都會爛尾，但官方規劃到真正建成隨時十年以上，當年綠 ...

點講都係官方規劃，同FF好大分別

香港北環線/北港島線/南港島線西段夠係冇期，但冇人會話d圖係FF

HT408 發表於 2017-8-17 22:27
尋日又出事
https://www.facebook.com/NorthDistrictTrafficConcernGroupHK/photos/a.627076594145846.10 ...

哇呢個真係離譜...
個個趕返工個時搞d咁既野