張建宗：靈活輸入外勞

家陣香港人都唔肯同你入行揸車，仲點講香港人優先?

做保安萬幾蚊；貓公司做執貨又萬幾蚊；做個文員又萬幾蚊。仲唔使攞條命出嚟較飛

事實上人工不會無限加的,日本是一個例子,無外勞,人工貴,巴士車費相對貴,在很多城市日本巴士的競爭力大家有眼睇到。

香港人多車多路窄，上落客又多又密，仲要同一條線可幾行高速又上山落海
加埋雙層哩個特色，開發無人駕駛技術應該幾有潛力....

不過咁，香港路面好難收到GPS，ZF套INS都行緊5軸陀縲儀，
哩個開發有難度......

唔洗講到咁遠，
淨係電腦輔助駕駛都係未見踨影.......

我自己唔介意車長不懂廣東話,
只要安全及準時就可以……

不如講下宿舍點安排啦
最大問題係政府准許批出
某地作為住宿用途嘅時候
就會被質疑點解批予外勞都
唔益本地人,跟住既得利益者
(發展商甚至政府本身)都會以
「宿舍」作為起點,最終還是發展
地產項目為目標,例子就如新鴻基
美孚旁嘅曼克頓山,無錯改變用途
係要補地價,但已經擁有優勢免卻
競投,原車廠只能搬到更遠。

富裕都市係會有基層職位
而當地人卻步,但引入外勞
亦會引起居留權的爭議,其他
城市新開發更多區域以容納更多
人口問題不大(因為一個都市人口
持續萎縮,後果唔洗多講)但香港呢
方面阻力太大,實在太多人收緊租而
不願增加住房供應,因為會拖低租值,
政府在地主面前又顯得過於弱勢。

如果攪得掂外勞住宿而
背後沒有「隱藏成本」(政府
損失了賣地和差餉地租等收入)
某程度上都係屬於作弊。

話時話,隔離澳門嘅巴士
車長又是否澳門居民佔多數？

還是在珠海安排住宿而每天
跨境上班？因為聞說薪金並不低。

ksmbh 發表於 2017-9-26 23:10
事實上人工不會無限加的,日本是一個例子,無外勞,人工貴,巴士車費相對貴,在很多城市日本巴士的競爭力大家有 ...

所以喺日本，公共交通運輸主力，就係運能更高而平均人力成本更低嘅鐵路運輸。

peterson 發表於 2017-9-26 23:11
香港人多車多路窄，上落客又多又密，仲要同一條線可幾行高速又上山落海
加埋雙層哩個特色，開發無人駕駛技 ...

無人駕駛技術日新月異，可能幾年之間就有突破性發展。至於技術較低嘅電腦輔助駕駛，其實平治寶馬等歐洲車一早配備，甚至日本多間車廠都有推出，但因為老運思維停留喺七十年代，呢啲功能過唔到驗車，所以輸入香港嘅版本部分自動功能被閹。

四十幾年前，香港巴士業引入電閘門同錢箱/自動售票機，從此一架四人控制巴士變成一人控制，拉閘員同售票員呢兩個職位從巴士公司編制內消失。

今日我地會唔會因為支持本地人就業，叫巴士公司拆八達通機封錢箱，然後恢復售票員賣飛？

JC1464 發表於 2017-9-26 22:50
打工仔覺得待遇、工作環境唔好，企出嚟爭取，俾人話「嫌辛苦咪唔好做囉」。到真係無人做，又俾人話你班香港 ...

低薪金都做=奴性？
公屋其中一個用途
就係令部份人願接受
較低薪金,間接提供廉價
勞動力,更甚有啲係自置
單位無需付按揭或租金,
或者薪金唔係用嚟養家。

到用行動表達,入行
人數低於需求,符合咗
「嫌辛苦嘅無人迫你做」
不過巴士公司僱員並不少,
很難全體加薪,結果只能以
迎新獎甚至新人比舊人高薪
嘅方法應急,結果又到另一班人
流失,咁落去引入外勞已不遠矣。

一方面講求優勝劣敗、
市場供求法則,甚至要
考慮年資和資歷,但是
另一方面卻劃分一群人
「唔需要競爭都贏咗一截」
呢個唔係巴士車長獨有嘅現象。

PB602 發表於 2017-9-26 23:25
無人駕駛技術日新月異，可能幾年之間就有突破性發展。至於技術較低嘅電腦輔助駕駛，其實平治寶馬等歐洲車 ...

講真攪得掂自動駕駛
反彈會比引入外勞低得多
其他城市都有試行中嘅自動
駕駛小巴,但時速甚低。

起宿舍俾外勞，不如好似以前中巴咁
宿舍俾本地司機，你唔加人工都大把人會做
講明有大鑊野就沒收宿舍，肯家全條街都安全駕駛

kitarolo 發表於 2017-9-26 23:36
講真攪得掂自動駕駛
反彈會比引入外勞低得多
其他城市都有試行中嘅自動

假設自動駕駛技術需要多10年先至完全成熟，咁由而家開始請外勞去補充司機流失，到轉為自動駕駛時將全部外勞完約即可，咁做可以將自動化對本地司機嘅殺傷力減到最細。