東涌至大澳擬以輕軌接駁

協助土木工程拓展署進行開拓大嶼山工作研究的顧問公司，正嘗試探討以輕軌替代道路，接駁東涌與大澳的初步可行性。

https://hk.news.yahoo.com/%E5%A4%A7%E5%B6%BC%E5%B1%B1%E7%A0%94%E7%B6%A0%E8%89%B2%E4%BA%A4%E9%80%9A-%E8%BC%95%E8%BB%8C%E8%B2%AB%E9%80%9A%E6%9D%B1%E6%B6%8C%E5%A4%A7%E6%BE%B3-221117517.html

香港用字一向都係用輕鐵而唔係輕軌
另一方面係後花園起輕鐵黎「方便遊客」，司馬昭之心路人皆見吧

唔知條走線係點?

東涌直接沿海去大澳﹐定係先去嶼南(如長沙)再入大澳?

kei_hk 發表於 2017-12-11 11:39
唔知條走線係點?

東涌直接沿海去大澳﹐定係先去嶼南(如長沙)再入大澳?

應該係沿海走落去，嶼南講明保育，無可能發展輕鐵又兜路
北面海岸已有港珠澳大橋，生態早就破壞晒，起多條沿海輕鐵橋都唔爭在

20160424 發表於 2017-12-11 11:47
應該係沿海走落去，嶼南講明保育，無可能發展輕鐵又兜路
北面海岸已有港珠澳大橋，生態早就破壞晒，起多 ...

這要睇政府有無意去處理嶼南的交通需求﹐事關長沙水口一帶都有一定需求。

當然﹐處理完大澳交通﹐free出來的運載力可以解決到。

但係沿海走線﹐中途只有幾條鄉村﹐人口好有限﹐要靠大澳做主力﹐會唔會財務回本上計唔到數

起條限制進入的車路(跟嶼南一樣)﹐成為東涌道之外﹐另一條接通嶼南區域的道路。
比起鐵路成本﹑日常保養及營運成本低一些﹐成本效益會唔會高一些?

直接擴闊或拉直現有道路比較實際過起輕軌，不過要過度環保人士先講啦

hadboy5 發表於 2017-12-11 12:13
直接擴闊或拉直現有道路比較實際過起輕軌，不過要過度環保人士先講啦

在現有道路做擴建/拉直﹐環保方面唔難過﹐因為真係有此必要性﹐同埋影響性好低。

但係現有道路上落起伏大﹐受地型限制彎位又多又急﹐唔係話拉直就拉直。

另建新路由東涌駁去大澳其實都有好處﹐就係為嶼南提供多一條路進出﹐一旦東涌道或其他嶼南路段受到阻塞﹐都可以按情況兜大澳進出。


N年前政府都想起東涌至大澳的新路﹐只係不同原因﹐到現在都未落實。

kei_hk 發表於 2017-12-11 12:30
在現有道路做擴建/拉直﹐環保方面唔難過﹐因為真係有此必要性﹐同埋影響性好低。

但係現有道路上落起伏 ...

環團過唔到掛，東涌道拖拉左成十年先搞掂，最簡單係深屈道路口開條隧道直落，最理想就係石壁果度開條隧道直去大澳道，影響算係少，但工程上可唔可行就唔知，本來幻想起天橋接直，但發覺唔多可行，但相信呢種大白象工程一定唔會通過

去威尼斯唔坐船，坐輕軌，都唔知咩玩法
真係當0左大嶼山係主題公園