試論當年如果東鐵四軌化，是不是可以避免起高鐵

ky26042008 發表於 2018-1-19 18:38
東鐵全長41km, 比JR總武快速線嘅39km更長, 人地都可以分快速同緩行線, 快速線都可以行13卡+2卡雙層Green C ...

總武快速線列車唔係淨係行總武快速線架WO，大部份列車都會直通至橫須賀線、成田線、內房線等，一程隨時超過70KM，行車時間閒閒地超過1小時

tomtom2015 發表於 2018-1-19 22:11
總武快速線列車唔係淨係行總武快速線架WO，大部份列車都會直通至橫須賀線、成田線、內房線等，一程隨時超 ...

但係每小時都有大約兩班車係只運行東京 - 千葉路段, 同埋東鐵四軌化後快速線除左本地服務重要比高鐵同直通車行呢 (根據樓主題目)

同埋其實最需要開快速既其實係東西線, 東西線全長57km, 比中央線快速 (53km) 更長, 如果行快速列車應該可以比巴士更快來往新界東西既,
當然我地度縮數既港鐵係完全冇諗過係紅磡 - 大圍段新線起任何待避線/ 四線系統架啦, 所以下面又係FF架啦

東西線用車: 10卡20米車, 各停列車不設Green Car, 快速設1卡雙層Green Car (長度相等於8卡SP1900)

東西線快速: 屯門南 - 兆康 - 天水圍 - 元朗 - 美孚 - 紅磡 - 鑽石山 - 大圍 - 後各站停車至烏溪沙

南北線用車: 羅湖/ 落馬洲 - 金鐘, 11卡20米車, 10卡普通等 + 1卡雙層Green Car (長度相等於9卡R-Train),
                羅湖/ 落馬洲 - 紅磡區間車, 15卡20米車, 13卡普通等 + 2卡雙層Green Car (長度相等於12卡SP1900),

南北線快速: 上水 - 粉嶺 - 大埔墟 - 沙田 - 九龍塘 - 紅磡 - 金鐘 (15卡車就只到紅磡)

深圳比亚迪 發表於 2018-1-21 20:32
我認為原東鐵綫收翻原價，
但經新線路的應該要加收適當快速費，
停靠特定站台有特定閘機出入閘

即係加收特急料金? 咁既話可能就要係車廂設備上要再好D, 例如全頭等配置, 但係如果要設專用閘機既話就可能就會影響到快速轉普通列車乘客既意欲,
因為快速其實都唔係快好多, 除非你成條東鐵/ 東西線只係停3 - 4個站, 如果重要特登入閘出閘先轉到車相信兩者時間上既差距就更加細

深圳比亚迪 發表於 2018-1-21 22:35
假如東鐵四線，大埔墟設新站台，
只供優等列車停靠，
收費方面，在市區是共用站台，

CRH6其實只算近效列車配置 (類似JR西日本227系), 絕對唔算係優等列車配置, 最少都應該要做到類似京成Skyliner/ 在來線特急同等配置,
同埋最好有部分指定席, 以免出現上左車先發現冇位既情況,

參考, 圖為西武10000系, 行走秩父 - 池袋既特急"秩父", 全長76.8km


同埋我講快速轉普通列車乘客既係新界部份, 例如特急只等沙田 - 大埔墟 - 上水, 如果住太和既就需要係大埔墟落車, 轉普通列車搭一個站去太和,
如果優等列車同普通列車既轉乘唔完善既話, 只會淪為第二條機鐵, 好多地方過門而不入, 轉車又唔方便, 結果就搭巴士/ 普通列車好過

深圳比亚迪 發表於 2018-1-22 08:27
上圖的座位好似以前內地的軟座車設計，也就是直通車的RZ25T的座位，
但如果用機場快線的那種，可以坐多D ...

仿照JR東日本既Suica Green券系統即可, 每個位上面有一盞燈同拍卡器, 空席著綠燈, 被佔用席著紅燈,
入座者需係上車前係月台Green券售賣機購買所需既電子車票並繳付附加費, 入座前需係座位上方既拍卡器拍卡,
該座就會係已購票既車程沿途著紅燈, 表示在座者已購票, 如果有位著綠燈但係有人坐, 就代表果個人冇買飛/ 冇拍卡啦,

例如九龍塘去沙田, 首先係九龍塘上車前係月台位置購買特急券並繳付特急料金, 常客亦可以以類似全月通方式購買定期票,
上車後係選定座位上拍卡, 咁座位上既燈號會轉為紅色, 表示座位被佔用, 去到沙田燈號就會自動轉回綠色,

參考, JR東日本既Suica Green券販賣機, 只需選擇所需車程, 付費, 然後拍卡即可


位於座位上方既燈號同拍卡器, 紅燈代表座位被佔用, 綠燈代表座位空置


Suica卡既Green券定期票


由於日本現時仍然使用磁帶車票, 持磁帶車票者需要上車後搵車務員人手轉變燈號, 但係香港已經全面改用智能車票,
相信持單程票者只需購票, 入閘後直接係拍卡器拍卡即可, 無需再由車務員人手處理

係停車站既問題上, 東鐵本身已經好難飛站, 本身站既數目少, 站距長, 每個站都有一定人流, 如果停咁多站只會變成另類頭等, 而唔係快速服務,
我覺得機場快線既座位設計係唔好既, 因為佢並未採用旋轉式座位, 變相有一半座位都係倒頭位, 倒頭位唔係人人受得到, 變相服務變差