香港仔至石塘咀小巴調整班次

ksmbh 發表於 2018-2-2 00:05
紅VAN係咪行得域多利道
不如行域多利道局部幫輕58系

可以行域多利道，但唔知有咩客，你知果個位都幾偏僻，又係豪宅區，住得果啲地方自己都有車，唔使搭公交代步。

58系成功因為落數碼港同大口環
紅VAN行瑪麗好過LA

053h4 發表於 2018-2-3 10:41
尋日中午時間路過香港仔，58站頭無車可排成40人去西環，58重組少左車？ 紅小個站頭唔靚無人等，香旺日間個 ...

其實你問我一來擺位問題啦
二來最重要係班次太疏落...
等得來真係寧願坐其他車出去好過啦

呢條紅小相信都係等死...
一直以來都係有緣人班次

條線吾取消得有 d 歷史因素.
  
n 年前有一次座呢條線聽司機吹水, 當年條線好好生意吾休做由朝爆到晚, 運輸署想轉佢地做專線然後問佢地意願, 咁當然有人反對有人贊成但傾吾成, 最後比左 AMS 開 58, 又吾可以同 77 重疊所以兜落大口環.
  
58 開線後無耐食哂 77 d 客, 當時中巴無人無車留人比 970, 咁就取消 77 再送多堆客比 58.
  
當年紅頂同黃文傑世仇, 朝早 5~6 點吾知邊個離島有幾班非法街渡停西環吾知邊個碼頭, 呢條香西紅頂每日都有幾架車去碼頭接呢班客入南區, 點知黃文傑又玩野派幾架 58 去搶生意, 當然班紅頂嘈啦嘈到上 TD, 碼頭位置同 58 路線完全無關點解可以有綠頂搶生意, 之後件事就完左.
  
當年黃生又見香中好生意想插旗, 南區班紅頂話夠膽你就開線搶我地生意, 記住每晚小心你地泊東勝道堆車.
  
咁多年來, 香西由金蛋變廋田蝕錢仲要 Keep, 後面一定有人用不同形式津貼吾可以取消, 條線一取消 AMS 就會玩野.
  
有個諗法諗左好多年, 其實條線十幾年前, 香港仔站頭可以改去以前紅頂上石排灣個位 (南洋銀行), 就算怡家仲係紅頂站地下劃哂線但無線無車用, 泊得最多變成違泊私家車.

tridents 發表於 2018-2-25 01:14
條線吾取消得有 d 歷史因素.
  
n 年前有一次座呢條線聽司機吹水, 當年條線好好生意吾休做由朝爆到晚, 運輸 ...

”香西”唔等同”香石”吧?

da87 發表於 2018-2-25 01:36
”香西”唔等同”香石”吧?

又問得好喎師兄.
  
講多少少, 當年因為香西無生意已經走左好多車, 之後有人諗不如拉長到石塘咀, 人及車 "上面" 有人話有, 結果拉長落石塘咀真係加到車 8 分左右開一架.
  
拉長變香石生意好左, 特別係夜更, 但客量始終養吾到咁多車, 之後減減下減到惡等, 及西南港島線殺傷力大, 變到估佢吾到一車走天涯.