大埔公路九巴翻車出事前時速記錄

paul2357paul 發表於 2018-2-12 16:34
但好多時唔到你可以揸得很小心，
若該路段所謂合法車速set得太緊既話，
你就算做守法果個都會因為比起主車 ...

慢過主車群，被人啄、被人閘、被人問候，都仍然應該沉着應對，人地犯法（超速）唔代表你要跟住，何況巴士更大條道理依足法定車速行駛。再者，駕駛者時刻有責任因應路面情況行車，即使速限係70唔代表行正70就冇問題，只代表法律上鋤少一個point。

香港情況特殊，人口密度極高，需要大量巴士穿梭各區，鐵路亦超負荷，好似早幾年咁收車cut線合併結果係唔work，而家九巴反其道而行，開辦大量繁時線、全日長途線，龍運又開幾條里數長的空氣線。既然減唔到車，鐵路又唔係話起就有，長遠解決巴士司機不足，或者要考慮自動駕駛，這是低回報技術工種的共同問題。

053h4 發表於 2018-2-12 17:15
自動駕駛不代表可以取消駕駛員（起碼近期唔會取消，總要有人負責係設備故障時處理相關潛在問題） ...

我講緊係好長遠，可能係二三十年後的事，逐漸地其他車輛都會自動化，但或者會發生得更快，而家開始研究都差唔多。

近年幾單印象深刻的巴士車禍都係因為司機判斷失誤或情緒失控導致，自動化可以免去這些問題。當要求最高的「駕駛」由電腦代辦大部分，「看守員」就可以請次一級的人做，例如只需1/2牌加基本培訓，咁就有好多人可以做，而且負擔較小，唔會點出事。

之所以會請到suboptimal的人（我曾遇過有師姐上唔到波唔識打死火燈、唔識在安全位置放客，怕溜後唔識熄匙拉手掣），甚至曾有駕駛案底的人可以繼續做，都係因為唔夠人而飢不擇食。越來越多人唔想做勞動工作，巴士要一早一夜就更少人想做，廢青唔做野都唔會餓死，巴士公司又唔會大加人工，咁短期內有乜方法吸引人入行呢？

如果九巴話佢駕駛紀錄惡劣，你估之後發生咩事?

當下未判案，即係佢仲係九巴員工
如果出親事就劃清界線，咁現職員工又會點諗?
唔再出聲先係上策，到判佢有罪先再終止聘用囉

立場：想條巴膠誤殺罪成坐八碌

hk20020062 發表於 2018-2-12 17:45
如果九巴話佢駕駛紀錄惡劣，你估之後發生咩事?

當下未判案，即係佢仲係九巴員工

咁我覺得九巴可以唔使落價值判斷
就話車長曾經有一次交通意外，並判不小心駕駛罪成咪得
係咪"惡劣"就交由公衆決定

不過我覺得九巴都應該解釋點解一開始會講錯
那怕係因爲轉兼職所以查唔到記錄都好
都應該向公衆交代，唔係始終會有人懷疑九巴管理

至於解雇與否，只要證明車長違反公司規定超速
現在解聘都不是一個大問題

其實講黎講去,都係

1.唔夠人
2.人工少
3.工時長
4.行業從業員老化

解決唔到呢D問題,咩都唔駛講

繁時係要巴士輔助,非繁計,有D巴士線根本可有可無
但比D區議員/巴迷反對(包括自己),留係度獻世

小巴又1個司機對19個客,完全浪費晒

如果要整頓巴士
相信客少線要大力CUT,善用MTR非繁多出來的運載力
小巴應該再加位,一黎一部小巴頂幾部,二黎接收巴士廢線

用更少的司機,去服務現有既客量,唔係唔可能

hkbw 發表於 2018-2-12 08:09
其實, 如果純係針對件事既資料, 其實唔會影響司法程序..

將來上到法庭, 被告一方係會有晒控方既證據, 而 ...

唔係話流出左就告唔到
只係一般網上流傳既野唔會直接拎黎做證據
警方要時速記錄,會要求九巴官方提供/自己查

至於公唔公平
坦白講,就算d證據唔係假,都唔代表實鋤得入
但係當公眾見到呢堆證據而相信既話,到時就算比佢打得甩,佢聲譽一樣受損
到時佢一樣可以追討返轉頭(成唔成功係後話)
所以被告上到法庭的確係會預先有晒控方既證據,但係係被告先有,唔係全世界
應該係咁,有錯歡迎指正

DIH 發表於 2018-2-12 17:26
我講緊係好長遠，可能係二三十年後的事，逐漸地其他車輛都會自動化，但或者會發生得更快，而家開始研究都 ...

認同，但我估計5年內應該可以成真(有新創肯做而又有VC肯投資的話)

自動駕駛唔一定要完全無人，做到 Level 3已經同揸地鐵差唔多
AI + Deep learning + GPS/INS Tracking，已經完全可以做到對應不同路線嘅自動安全駕駛
當車長作出超出安全水平嘅動作/行為，或情緒/注意力/身體狀況進入不安全範圍，
無人駕駛系統會Take over並且把巴士駕駛到最近的安全落客點停車清客

鐵路系統嘅ATP/ATO，就係為左減少鐵路系統發生意外嘅機會
而當ATO系統成為常態時的現在，我地亦再好少聽到因列車控制員出問題而出現嚴重意外
路面系統相對複雜，當自動系統成為常態，連師奶車長都可以輕鬆成為稱職的巴士控制員，
車上冷氣、停站、飛站、車速、......完全由電腦系統操控，司機可以安坐於獨立的駕駛室而不需要對客.....
份工變得咁好做，咁請人仲會唔會係問題呢？

OT:
VOLVO由B8L開始，終於引入ESP作為標配：

Volvo Electronic Braking System (EBS) with integrated Anti-lock Braking System (ABS), Brake Blending, Hill Start Aid, Brake Assist. Volvo Electronic Stability Program (ESP) and brake pedal controlled hydraulic retarder available as standard.

所以，如果揸B8L亂衝，都未必一定會反車

交通工程業界普遍採用 85th-percentile Rule，限速應該係車速嘅第85百分位左右(交通暢順下)。如果超過15%嘅車輛超速，限速可能過低。相反，如果少過15%超速，限速可能過高。