九巴計劃延長234B至豪景花園

leo_ku 發表於 2018-6-12 09:41
你要發村巴夢, 唔該你返去屋企張床度先發。

234B 入豪景花園, 打破村巴同綠小的壟斷, 反對巴士入來等 ...

豪景花園村巴早繁後所有班次兜晒山上咁多座, 好多行動不便老人家專登搭佢返屋企, 234B會唔會兜晒全屋苑咁多座先村巴20min 內出到荃灣站, 收7.8都有人搭, 況且長者有優惠收4.5, 證明係有需求, 你234B慢慢碌下路, 仲可能要兜上浪翠園, 35min 都未必到荃灣啦?
村巴而家全日都夠載, 小巴有時係唔夠載, 所以我咪建議拉234B去屯轉而唔係入村, 等浪翠4期上到車
如果234B入豪景令村巴減班, 甚至取消, 依個係咪造成九巴壟斷先?(52X,53,48P,261B,234D已經係九巴)
要做轉乘搵53,52X都已經得

其實豪景邨巴應該唔會太受今次計劃影響。尤其是如果佢係嗰啲「住戶免費」嘅車，邨巴公司應該係簽約收錢，唔太需要理會客量。

個人覺得九巴只係想霸個擺到車嘅站頭，可能他日可以開多啲青龍頭特別線，或者做大部份現有路線。

lsc04d11 發表於 2018-6-12 07:41
如果空置稅實施，豪景都有唔少樓要急賣(一手嫁) 仲有隔離個新盤呢(可是如果入村，新盤居民都係搭唔到) ...

空置稅這點已不用擔心，因為豪景花園發展商華懋集團2016年十月底售出所有單位。

ricky 發表於 2018-6-12 11:42
支持決定，果頭死靠小巴出荃灣，真係唔掂。

但有個矛盾位就係早上9點後果一兩個鐘屈去屯轉出去屯公冇巴士專線容易塞車蝕時間。
不過多一個方便屯轉轉車選擇點都係好事。

paul2357paul 發表於 2018-6-12 14:32
但有個矛盾位就係早上9點後果一兩個鐘屈去屯轉出去屯公冇巴士專線容易塞車蝕時間。
不過多一個方便屯轉轉 ...

你指逆走去到小欖轉頭出荃灣？
我唔熟當區交通。

如果係方便豪景客，點解唔係拉 A 而係拉 B？

238X 發表於 2018-6-12 13:17
其實豪景邨巴應該唔會太受今次計劃影響。尤其是如果佢係嗰啲「住戶免費」嘅車，邨巴公司應該係簽約收錢，唔 ...

九記真係咁驚日後豪景巴總俾城記搶左開例如962F，930E？

asv2 發表於 2018-6-12 14:49
如果係方便豪景客，點解唔係拉 A 而係拉 B？

我有諗過同樣問題..拉A 理應浪翠園阻力會較大

但拉B去豪景
佢地受唔受兜上浪翠園又係另一個問號

我都係同意當初九巴方案，即53同234B同樣改為屯轉做總站，
53元朗站至屯轉，234B屯轉至荃西，53同234B免費轉乘。

咁樣53可以有需要時更密車，234B俾深井青龍頭多一個選擇，
而且青龍頭小巴長期唔夠載係事實。

請教；好奇一問，其實青龍頭的收費等級是如何設定的？

48P去火炭，收$13.2，灣景分段$9.1，(參考48X灣景收$8.1，263屯轉收$14.8)，感覺較貴。
234D去觀塘，收10.8，灣景無分段，(參考40灣景收$8.8，259D屯轉收$16.6)，感覺好抵。
261B去尖沙咀收$11.1，而全日線52X去旺角收$9.6，(參考234X灣景出油尖旺$8.9)，兩者都算合理，不過回程52X就要比屯門價。
962B去港島，收$18.8，(參考934灣景收$18)，呢個係屯門價，不過對比下都算合理，起碼是超特快。

個人覺得不是按里數或同區接近路線大約比例，有些超抵搭，有些則上浮較高，好似好隨意設定。
隨時48P仲短過234D…
不過呢區都無得點選擇，有就要搭，尤其D特別線獨市咁樣，任佢開價。

入屯門就好抵，低至$5.5到置樂，$4.9到三聖，就有交易。

覺得本區區議員都好關心公共交通，不知有否人留意過~