梨木樹巴士不便利居民 區議員：多年無車出尖沙咀

S3BL100 發表於 2018-12-3 13:52
又要兩條線出深水步，又要有特快出尖沙咀，又要出旺角 $6.8，你話可以點搞

...

講真，該區兩個議員立場搖擺不定
只要唔係真係損害佢地利益，闖多幾次關有機會過到

我反而想大家反思一點
梨木樹去旺角，究竟上路+西廊，快唔快得過 葵涌道天橋+長沙灣道？

如果分別唔大
與其將36B改做旺角特快
會唔會將36A（甚至32）改為葵涌道天橋一站直飛美孚，再行長沙灣道落旺角，更加理想？

只要36A/32做曬長深荔旺角
再拆快線就可以唔理旺角，直飛佐敦尖沙咀，一圓區議員夢想
而呢條尖咀線，可以用234X拆線方式處理，西約>石圍角>梨木樹咁行
對西約而言，快過234X，又順便做埋象石盲位/西約梨木樹流水
一車幾水客，或者有出其不意既效果

當然成個idea中間仲有好多細節要處理
過多排擺上F1大家討論

053h4 發表於 2018-12-6 10:08
A21機場打爆行李架開車大約40-50人開車的時候，A20都會吉開，D人寧願等多班車都唔上A20（包括本地乘客）,A2 ...

行西廊/大埔道當然會快過行長沙灣道
但通常都只係快5-10分鐘，回程尤甚

A20碌完長沙灣道之後，同A21同路，A21班次又密，班客唔上A20唔出奇

36A/B/32個case唔同講法
36A行橋快應該會快36B約7-8分鐘到美孚
就算36B改上西廊變36X，都未必追得返，尤其西廊落橋成日塞車
如此，與其A/B兩條線拆開各自20分鐘一班，搵一條36A/32掃曬長深荔旺角開10分鐘一班可能仲理想

leungky0528 發表於 2018-12-6 09:22
呢度講洗衣街都只係想提旺角地區本身幾大
到議員講時一定會加鹽加醋，又話等耐左車仲要行，老人家要多啲 ...

咁多借口，所以果度交通長期無改善。

castanopsis 發表於 2018-12-6 09:58
講真，該區兩個議員立場搖擺不定
只要唔係真係損害佢地利益，闖多幾次關有機會過到

Agree梨木樹其實可以考慮飛葵涌道天橋
而唔使下下諗大埔道同西廊
當然仲要諗和宜合道點處理

castanopsis 發表於 2018-12-6 10:29

就算36B改上西廊變36X，都未必追得返，尤其西廊落橋成日塞車

其實西廊落橋如果塞，下路好多時塞得仲甘，因為通常塞車源頭係旺角道，下路通常食到正，最嚴重可以塞返去欽州街，但西廊落得橋都已經到龍頭。

同埋下路車撞住個碌神都幾係嘢。今朝如果唔係架 238X 仲勉強早過架 63X 到美孚站我真係焗落地底

castanopsis 發表於 2018-12-6 09:58
講真，該區兩個議員立場搖擺不定
只要唔係真係損害佢地利益，闖多幾次關有機會過到

先唔理價錢問題。如果咁做，作用上同 36B 九龍段差唔多，當然依家 36B 行內街觀感上會比較差。
事實上行葵涌道的確係唔慢，不論係行地面定行天橋，特別係回程少站情況下，以 40 做例子，美孚好快返到荃灣。當然行天橋會有特快效果。
我唔知你係咪想三變二，36B 取消變條西約象石梨木樹特快落尖咀。如果係的話，反而有幾個憂慮。
1. 深長茘分工問題。依家三條線分別做咗三條路 (茘枝角道、長沙灣道、青山道)，如果重組後得返兩條線，咁到底縮邊條路都係一個問題。
正路應該係 32 照行茘枝角道，咁 36A 就無可能行青山道，因為太慢。咁的話，36A 原有青山道內街位又可能會有人嘈 (我明青山道同長沙灣道距離唔遠，但本身青山道都未去到最入，本身應該有人行出青山道搭車)。
2. 西九問題。正路去長沙灣深水埗有 702，但從九記角度，唔知搞 36A 會唔會倒走呢堆客，特別係會影響月票網絡。
3. 32 問題。和宜合道就得返 32 (當然仲有 31B 同 35A，但價錢同覆蓋範圍各有不同，又係麻煩位)。到時和宜合道一程 36B 去到旺角內街位，會唔會想 32 補位? 例如行上海街到油麻地附近，用 20 走線返大角咀，不過咁樣又好似無無謂謂。
4. 尖沙咀快線分工問題。成個荃葵，我當分做以下幾區:
西約、荃景圍、荃灣東、楊屋道/海濱、大窩口/新區、象石、梨木樹、東葵 (葵盛同茘景山暫且算數，無咩順路又有客兜法)
最理想結果，我覺得係用 2-3 條線串起以上 8 個區，上公路後直出佐尖，問題係走線點走先好。
西約上象石梨木樹唔係唔得，不過呢條線未會食到 48X 客，因為荃灣返梨木樹好大程度上 48X 覆蓋咗一半客 (另一半係 36，但對好多位例如大河道、眾安街都唔就腳)。如果佐尖線要兜埋就會做唔到荃景圍天橋直上石圍角，速度上亦唔吸引。
前排我亦提及過梨木樹加新區做佐尖線，坦白講依家大窩口新區交通幾差大家有眼睇，有無方法送條有用線俾佢地亦係一個問題。呢點仲要牽涉到佐尖線會唔會想拆一條兜成個荃灣再上公路，F1 版再傾。

利申: 絕對支持一條線直行長沙灣道彌敦道。

castanopsis 發表於 2018-12-6 09:58
講真，該區兩個議員立場搖擺不定
只要唔係真係損害佢地利益，闖多幾次關有機會過到

一定係行西九龍走廊快，因為長沙灣道有唔少燈位。

ricky 發表於 2018-12-6 12:16
一定係行西九龍走廊快，因為長沙灣道有唔少燈位。

其實得興華街同大南西街兩枝燈耐少少...我又唔覺長沙灣道似燈陣。

tonychow 發表於 2018-12-6 15:27
其實得興華街同大南西街兩枝燈耐少少...我又唔覺長沙灣道似燈陣。

但你仲要計番，就算佢唔停站，其他巴士停站都會阻住條路。