搭兩次九巴302師傅都行錯路

本人間中搭302九巴班次過海返工，但近期九巴可能隨意派未做路線訓練的師傅渣呢班線，有兩次都行錯路。
302的原路線是過東廊後，直去外告士打道，在舊灣仔警署同分域街停站。

第一次行錯路，係行東廊後，靠左線行內告士打道，在伊利沙伯大廈停站。

第二次行錯路，係行東廊後，直入中環灣仔繞道，想「超特快」直去中環，好多乘客出聲話司機講錯路，於是佢在繞道管道夾硬切線出灣仔北，去到演藝學院後面，因為已經無法在舊灣仔警署同分域街停車，於是在中信大廈停站。

兩次行錯路都唔同司機。我無打算投訴九巴，又覺得唔關師傅事。但好心九巴叫師傅渣車時，先訓練一下行車路線。
302在星期一至五有六班車，有五班都係九巴班次，九巴唔夠司機就唔好做咁多班，俾番幾班新巴做啦。

你唔同九巴投訴 就解決唔到

未操線又點做呢，根本無心行錯路，關咩事

上 TCU，唔好開司機名或者車牌投訴，淨係日期時間路線就算。咁嘅話至少收投訴嗰個知你唔係針對司機先。假如九巴之後搵司機算賬，就變咗做係佢問題。

最後嗰句關咩事？明明講緊師傅行錯路，跟住話唔夠司機。
司機係夠呀，行錯路啫。。

其實中灣繞尷梗切線入灣北，應該影哂相同收告票。咁應該九巴會知。知又識唔識處理個根源問題又另一回事

sokawaihk 發表於 2019-7-5 13:22
最後嗰句關咩事？明明講緊師傅行錯路，跟住話唔夠司機。
司機係夠呀，行錯路啫。。

我諗佢係想講九巴唔夠司機，但 302 又唔收得車，所以搵咗啲唔識路嘅司機揸 302

老牌嘅晨早特別線都係行大路, 司機實在諗多左.

lsc04d11 發表於 2019-7-5 12:28
你唔同九巴投訴 就解決唔到

咁我投訴﹗

ky927 發表於 2019-7-5 13:23
其實中灣繞尷梗切線入灣北，應該影哂相同收告票。咁應該九巴會知。知又識唔識處理個根源問題又另一回事
...

司機原本係沿繞道管道中線行，當自己渣緊對家的720X，開始有好多乘客話佢行錯路，便夾硬過雙白線靠左線出灣仔北