仍需要分開地區專營權嗎？

經常發問的大叔由此帖引發一個疑問：
當年要劃分港島/九龍及新界(九新)專營權
以及過海巴士要合營，是防止其中一間巴士公司罷工
叫另一巴士公司頂住，避免公共交通癱瘓
（好明顯上個月見到效果）
但另一方面，過海巴士鬥爭搵錢時段
加上西九龍填海區/將軍澳/啟德三區亦因開放競爭
導致九記/新城都冇啖好食
服務亦未有因競爭而提升

小弟亦曾提過
紅隧停用之時，九記唔做九龍過海
或因要搵車救新界出港九而唔做九龍過海
故此，小弟提出三點，希望各位討論一下：
1. 專營權仍有必要嗎？
2. 如有必要，地區專營權能否改變？
（小弟提議，香港+九龍(含純區內線及港九跨區)一個
新界(含純區內線及九新跨區)一個，新港線合營）
（11 Dec 15:37補充：大嶼山全島(包括東涌<>機場/HZM，但不包括A/E線)一個
A,E線須合營，並由港九+大嶼山及新界+大嶼山合營）
3. 如無必要，完全開放競爭，
還是全港巴士服務由一間巴士負責，但嚴密監督運作狀況？
（各有各好壞，如果要揀，小弟揀一間做哂）

歡迎討論

而家無咗地區專營權啦，轉咗做路線專營權。

其實明規劃所謂話冇哂地區專營權但潛規則都仲有例如客場既巴士公司唔可以深入指定地區既細位。
以例如深圳市作比喻，容許埋西公開埋新巴士線覆蓋埋坪山區大鵬新區，在形象上與東公多年前已經西至寶安區都有巴士線都做唔到。

我覺得宜家個情況唔上唔落；係，新嘅路線只有路線專營權，無左地區專營權；但其實所謂路線專營，只要將現存路線改少少，其實都威脅都新路線營辦，224Rvs20R 同 796Cvs296C 已經係一個例子。


所以我覺得要行路線專營，撇除南北大嶼山路線，全港路線回收，重新招標競投；類近安達臣區組咁，投到就成組做；又或者按區投；新界東/西；九龍東/西；港島；共5組分投；但終歸都係要先回收再洗牌；

如果以現狀最少變化，就繼續地區專營，不過就要微調

港島：新巴
九龍/新界：九巴/城巴（城巴接手新巴九龍線）
北大嶼山及B線：城巴+龍運（B2競投，龍運接手九巴B線）
南大嶼山+北大嶼山（機場S線）：嶼巴
過海線：九巴/城巴，新路線只設獨營；再以路線可整合及可發展性為前提，將部分聯營線對換經營為獨營線。


基於九龍新界城區較大，此範圍新路線則予以九巴及城巴競投；
相反，港島、大嶼山島內線及北大嶼山對外路線，則按專營權所屬範圍批予該公司營運。
另外再有新B系路線則皆以投標形式決定予那家營運。

其實路線專營，如果區域太零碎，巴士公司營運起上黎個cost都高D，淨係要踢車呢D已經係cost，所以個人傾向用新地區專營，似乎對市民對營運機構都較好。

ky927 發表於 2019-12-11 15:03
我覺得宜家個情況唔上唔落；係，新嘅路線只有路線專營權，無左地區專營權；但其實所謂路線專營，只要將現存 ...

第一段完全認同
2/796C就是實例

路線專營則認同全部路線回收
但須包括全大嶼山
否則會不公平
至於分五大區/18區還是各小區批則無意見

地區專營在頂樓已提出，不重複了

有九巴月票之後
有啲線變咗無得用
淨係呢個問題都有排拗…
另外有啲必蝕路線如九巴51,
正路係搵大賺線做綑綁,問題要
搵邊啲(現九巴)路線再招標?

承上,理論上應用公帑
補貼票價,單一或多個
營辦商都無問題,可是
會導致無心改良/整合/
重組過時路線…2蚊衍生
咗「有權咁做但唔合理」
嘅使用情況,亦有建議全民
兩蚊就自然無得眼紅邊個有
得用或拖慢特快線,其他帖已
討論過當中利弊,不再重覆。

上面講到大嶼山(嶼南)也應一併
洗牌,係唔係綑綁機場A線呢?

現時跨公司轉乘除三隧
過海南行有5蚊回贈外,其餘
組合回贈金額並不高,就算係
同公司嘅情況,W3也不包括在
青沙補差價轉乘內,如果呢一點
都做唔到就更難推廣到其他線。

我喺其他帖已經講過
以城巴20,22為例,如果
要招標中增加勝算,因為
同九巴做轉乘要對方配合,
就祗好壓低票價都好過求人,
希望真係可以守到啟德區夠旺
而唔會成為大蝕路線啦。

跨公司轉乘又要金額吸引
實用嘅,類似深圳地鐵唔同
營辦商,或者萬國郵政聯盟
嘅模式,定期結算是否可行?

唔好再聯營。其實無論營運上、利潤上對市民同營運者都無好處。

kitarolo 發表於 2019-12-11 15:31
有九巴月票之後
有啲線變咗無得用
淨係呢個問題都有排拗…

小弟只知跨公司有680<>111及A/E<>R8
甚至九記過海車轉電車都有
忽發奇想：
如果有其他跨公司轉乘
個轉乘優惠由政府畀...

joesiu27 發表於 2019-12-11 17:05
小弟只知跨公司有680111及A/ER8
甚至九記過海車轉電車都有
忽發奇想：

680/111組合明顯係680
由港澳碼頭縮到金鐘嘅補償。

A線嘅收費,轉乘R8
全免都唔過份吖,如果
實施由政府付轉乘差額,
建議除A線外用「剩餘里數」
概念,雙向分段嘅路線本身唔多。