兩元乘車擬擴至60歲 料57萬銀髮族受惠

kitarolo 發表於 2020-1-15 17:05
學你話齋唔限船囉
嶼巴都開始換八達通機
零售店嗰啲無關係可以不理

算吧啦

易放難收

除非有好大理據﹐例如唔好益非香港人﹐同埋杜絕本地人不法使用﹐所以要實名﹐令到無合資格的人可以2張長者八達通卡﹐兼市面上無含$2優惠的八達通卡出售。

實名﹐對現時合資格的家沒有仕何損失﹐最多只係去做登記。

但係你話增加使用限制﹐肯定同你反枱。


更重要﹐當初係鼓勵長者出街多活動﹐減少「屈到病」﹐變相可減少醫療開支。
你而家又新增限制﹐點去多戶外活動?   港島人去西貢後花園﹐隨時都爆6程車啦。

kei_hk 發表於 2020-1-15 17:15
實名﹐對現時合資格的家沒有任何損失﹐最多只係去做登記。

你講出咗問題所在
現有使用者無後顧之憂

若干年後設限、將適用
年齡推返後甚至取消咁點呢……
呢個討論區以外已經好多人諗到。

更重要﹐當初係鼓勵長者出街多活動﹐減少「屈到病」﹐變相可減少醫療開支。

你而家又新增限制﹐點去多戶外活動?   港島人去西貢後花園﹐隨時都爆6程車啦。

幾日前一單行山意外

嗱,唔好話事主ByeBye咁嚴重,
出外跌一跌而入院又點呢? 減少
屈到病係好理想嘅假設,而家政府
放寬到60歲合資格(我估營運商係
可以攞到全費減兩蚊嘅差額而非半價)

咁嘅時機都唔修改限制
唔知到咩嘢時候先叫適合
如同之前有人回帖,無我一個
唔多,唔好睇到我咁大影響力。

053h4 發表於 2020-1-15 17:36
車毀人亡係回歸廿幾年前講。

不如咁講，你眼中的福利係點先？

2蚊計劃由14億再增17億
落去做開支,雖然唔會拖垮
財政,例如公立醫院使用者
長者佔多,因為年輕者用嘅
比例好低,就算傾斜落去都
異議不大。問題到搭車,需求大
多咗客而唔加班次(自助繳費而
cut收銀員就話抽水)你都承認若干
年後延遲領福利年齡係規則噃。

Google一下「無效醫療」
就睇到西方國家與香港嘅
分別,雖然去得無效醫療嘅
地步唔會再搭公共交通,你
指我捕風捉影無問題,真係
82減到30分鐘、2蚊破壞咗
市場機制時,可唔可以叫2蚊客
搭106而唔好同正價客爭82? 到時
就會話巴士點解要限乘客類別……

或者我用大埔嚟講
307,73X往市區方向
唔少2蚊搭區內短途,到71K
減車落長途線攞多啲補助時
獨市位例如大埔街市、那打素
醫院,到時最受影響又係邊個?

敬老天公地道,但唔好成為病態。

我諗到個軟性方法  將八達通既嘟嘟聲 變成 ”老友記早晨” ”老友增值左” ”老友搵位坐”等1秒明星短句 有溫馨提示之餘又可以俾全車人啤佢(如果佢個樣真係唔似長者)  喺香港啲咁要面子既地方 除非佢面皮好厚啦… (喺長者角度 又可以俾人知道佢老隨時有人讓座呢)   (雖則好似好不設實際咁)

長洲居民 發表於 2020-1-15 20:25
最好研究埋綠巴分段收費, 大部分長者短程畀原價已經濫用咗收費, 一係取消所有綠巴2元乘車計劃.

...

肯定有人話有啲地方
係綠小獨市而無巴士

而世代矛盾無理由會係長者兩蚊而體現的, 當年輕人都可以買月票, 佢地一樣長途短搭, 係咪先?  假如新城當日真行日票, 或者跟九巴出月票, 或者政府推出全港交通分區式月票, 唔通年青人又會死等慢線? 起碼九巴自推出月票, 就睇唔到呢個現象, 買左月票, 洪福出元朗廣場, 真係唔會上268X, 而係搭68A?

你咪講咗其中一個平衡方案出嚟囉……

舉例說敢唔敢直接啲
月薪三萬以下交通費以
每月500蚊封頂,12~59歲
以下乘客僅收15蚊或較低者,
連接深圳嘅交通排除在外即可,
返工/返學根本就唔會、亦無法
避開「繁忙時段」使用,如果唔係做
速遞之類行業,一日用唔到6程(另有
人指退休人士每日6程去西貢卻唔夠)
到時實話交稅少或在學而唔應該資助。

到時唔怕巴士公司呃里數喇
變成政府同營運商之間直接deal

民間推測,九巴整月票
主要係同港鐵競爭,所以
龍運嗰種情況都懶得整,
而且都有聲音認為咁等同
低票價乘客補助緊貴價線
PTFSS制度仍「有需要」揀車
嚟搭,全費客/晒證客搭短途亦非
罕見,但異議嘅人比較少。

基層工種發明唔到實用
嘅自動化又缺人做,原來維持
都好困難而講明必然縮減,而家
享優惠嘅人若干年後就ByeBye,
到繳納者到中老年,有得供無得用。