點解依家啲人唔會伸手截車

RyanPun 發表於 2020-5-10 20:20
怕曬又係另一個匪夷所思嘅點，有排隊欄都冇用，個個走Q曬去遮陰位排隊等巴士，有車到先至碌出嚟截車上車 ...

最乞人憎係自己怕曬冇排隊，架車嚟到，車又冇份截，又要搶住上先，聲大夾惡話自己一早喺度等車。

而家係畢架山定豐力樓西行有盞燈？

AdagioEG 發表於 2020-5-11 15:09
豐力樓個站如果得我自己一個等車我直頭會示意埋俾卡佬聽「我唔係搭你車」免得麻煩佢地又要特登扭入黎
到 ...

豐力樓同畢架山花園果兩個站真係成日「玩殘」D巴士司機，
好多時一兩個客企喺果度無舉手，埋站又唔係，唔埋又唔係。

就算整盞燈喺果度，都係解決唔到係叫邊架車埋站果個問題。

樓主你開得呢個topic 如果可以連埋唔識排隊呢個point 我真係可以每個搭車日都寫個blog....
1. 今朝 華都等258P 我自己
排喺258P條專屬隊 有架九巴黎 但前車一直阻我視線望牌 然而望到時 個牌唔係橙牌 好難睇(加上我近視) 全個站得我一個 我隻手半截左出去 到好近才確認 可以好有信心截隻手出去

2. 觀塘游泳池
因為我架車經過觀市已見296C上緊客 296a排緊 咁我一落車就可以行前 好快可以上車  個站其實都唔曬  但有堆人企喺花槽旁(唔想食塵?) 因為我知好快有車 最多都係等一盞燈 所以可以企正站頭 然後截車

3. 唐明街公園(即係tko spot 尚德廣場站)
因為我今日想去東港城 然而98A報行車受h阻 再加上即有296A/C 所以都唔怕去尚德轉車過坑口
有老人家坐椅 佢唔方便截 ok  熟既人都知個站多違泊車 有人幫佢截左架200A 個長者竟然上車鬧佢泊位泊得歪  我心諗佢泊得正你要向前行幾米嫁喇喎(同截車/排隊冇關) 上車黎問 去唔走厚德 其實睇黎架車泊唔正既話 佢唔會上車囉。。。  最好笑係佢個孫?幫佢講 佢係問寶達。。。。

4 298E 總站 冇事
5 遠見296C 跑去車站  竟然冇人排喺296C條線
原來又係一如所料   點解劃好哂296M一條 296C一條 296P一條 啲人永遠都排唔岩  有啲人話叫兩飛就話  296M同296C有得兩飛咩？

6 觀塘轉車 我自己樣衰者 冇野發生 但其實駿業里個站 截車反而變得突兀 但有站助就會既

7 屯官  前面有架車上落緊 後面架67X落緊客 前面架車走左 有兩個女人先見到後面係67X 但佢地確認後慢慢行去後面  又用”眼神截車” 行到門左側都唔肯伸出玉手 (已經行得慢冇左個緊張追車樣) 係要人地落晒客喇 司機先好唔肯定咁開門 佢地先去上

lsc04d11 發表於 2020-5-11 19:48
樓主你開得呢個topic 如果可以連埋唔識排隊呢個point 我真係可以每個搭車日都寫個blog....
1. 今朝 華都等2 ...

哈哈，可以話我無聊
但係真係有感而發，嗰日夜晚差唔多十二點喺鑽石山等車返大窩口，有架40就快嚟到企喺我前面有個女人冇遞手，於是由我截車，點知個女人有同我一齊上。我心諗佢睇第一個點解佢唔截車，鑽石山個站又暗，車長唔碌大隻眼或者駛到好近都唔會睇到有冇人要上

AdagioEG 發表於 2020-5-12 15:29
個時盞燈唔夠一個禮拜已經拆左
所以我自己係親個度等車都一定大動作少少揚手示意
陣間卡佬見唔到無埋站飛 ...

有車長建議，夜晚在少人或幽暗的站截車時，不止伸手還要開著手機屏幕來截車，會比較易察覺。

流星☆雨 發表於 2020-5-9 06:08
巴士停定先落係一個安全的習慣

咁應該前一個站就應該準備動身
仲有落車可以爽手利落快啲
坐得後/入仲要等佢慢慢斯斯然係浪費時間
車長以為冇人閂閘又要再開
一個站十秒係好襟計,跟手過唔到個燈位又唔見三十秒，
延長車程又變相減少車長休息時間

ccicoltd 發表於 2020-5-12 22:09
有車長建議，夜晚在少人或幽暗的站截車時，不止伸手還要開著手機屏幕來截車，會比較易察覺。

...

聽聞過有人會夜晚黑開閃光燈揮手，車長的確易察覺好多。