建議分拆九巴 33A 線，及延長 38A 至深旺道

流星☆雨 發表於 2020-6-15 00:26
No offence, 呢種「投降輸一半」既計數方法係咪真係對於地區路線適當重組最有用呢？

當然最後留到幾多資 ...

不如咁講，我其實一路好同意地區應該藉鐵路通車重組路線機會，用廢線換其他野返來，一次過解決地區多年以來未被滿足既訴求。但鐵路通車減 60 部車（打個比喻），能夠擺返 20-30 部落佢地其他想要既野，已經係超額完成

而九龍城區最大問題有兩點：

1. 屯馬線未全通已經多次減班，現有路線減班空間已經所剩無幾，除非有幾條路線直接取消，否則根本無咁多資源可以重組
2. 九龍城區受影響路線大多為跨區線，其他地區同樣有話事權

就第一點而言，呢個正正係我上面提到當日 33A 41 各自仲派緊十部車果陣，將 41 分屍換土荃線會易好多，我當時正正就係有呢個換線諗法。但今日兩線各派八部車果陣，一來資源唔夠，二來換線後 P&L analysis 應該同當日幾唔同。（當然上面仲提到一點，33X 旺角折返對現有乘客影響，其實比起拉長更少，雖則呢點相對已經唔係咁重要）

而第二點，例如 85B 要收檔，堆車唔收起都會直接去返沙田區，九龍城區應該無份；至於會大受影響既巿區內陸流水，諸如 3B 5 11 之類，堆資源其實有比起九龍城更值得投放、優先主次更高既地方，例如係屆時都唔會有鐵路既慈雲山。我心目中既願景，正正係用呢幾條線換 3X 5X 2F 特全日，甚至再加慈荃、慈沙全日，302 半全日之類，到時呢堆線減出來既車，都會用得七七八八，九龍城唔會有份

土荃線值得經何文田，但何文田本身都已經無乜資源可以用來找數，7B 8 18 已經減到不似人形，仲找咩數？

剩返 6C 6F 又係無咩空間再大減，6F 全日半粒鐘一班都係減到一兩部車咁大把

當然如果你有更好既抽調資源方法，歡迎提出，大家集思廣益

至於你提到 38A+18，呢個建議反而幾有睇頭同創意，另一個好處係兩條線都開緊半粒鐘一班，亦無加車壓力。但條件係要來回改行海泓道同油麻地，撤出旺角避塞車，亦唔好再荔枝角道海壇街兜圈，否則行車時間相當唔理想

既然你提到 18，我其實構思緊一個 7B 8 18 重組方案，將 18 既旺角街巿、大角咀/深旺道兩件事分開，成個方案最多可以減到一部車。但師兄你提到既 38A+18 方案，其實同我呢個構思，以至今次提到既 38A 延長深旺道，基本上無衝突之處，值得諗

又或者將 18 重組後果條旺角街巿線，同 33X 駁埋，33X 九龍方向改經上海街同窩打老道，再走上何文田。不過為免一次過重組太多路線，可能要分階段做

而何文田想要荃葵線，除左理論上最適合既 33X 同埋 38A+18 之外，我覺得 30X 都係一個選擇，可以係跟類似 Ricky403 師兄既 30X 230X 重組方案之後，step 2 再同 6F 重組，改用 6F 做黃埔來往伊院，將 30X 搬上山（按：不過呢個方案將 33A 38A 合併減左三部車，而我因為 33A 38A 都留，所以真係搞 30X 230X 既話，要拉疏部分時段班次，同埋 238X 238M 應該要找數）

問題係去埋九龍城碼頭係咪合適，就要再諗