覺得九新城唔識妙用堅尼地城既巴士總站

dennis28a 發表於 2020-9-8 17:52
我完全同意嫁，但依個政府西港島綫起好當交通改善左，
四幹又唔拉落數碼港，南港島綫西段又唔知幾時起。
...

已經唔扯咁遠，
起碼例如城西道拉長到招商局，
西行去東行及東行去西行加番調頭位情況都可以稱為有改善。

宜家就係太集中西行路過堅尼地城要去哂卑路乍街。

dennis28a 發表於 2020-9-7 23:16
正確解釋係舊焚化爐同招商局塊地本身要重建成大型住宅項目，
咪卑路乍灣總站、西市街垃圾站、加多近街花園 ...

果度長封咁鬼巴閉，
借位起新路先得唔得？

樂仔〞 發表於 2020-9-12 10:59
用錯哂例子
268B 269B 開線時已經行康莊道經梳士巴利道直出，本身就唔經漆咸道南
260X 仲係九龍站開車時 ...

多謝指正。
有時唔計真係慳到車，
巴士公司諗多D辦法減少巴士線使用卑路乍街得唔得?
例如113就算縮唔走都玩尾段改快，
德輔道西之後就轉出城西道行到盡轉急彎入總站?

GA6072 發表於 2020-9-7 23:03
正解

果個站地皮好貴下

將來如果摩星嶺真係起得成公屋，喺果度起個巨型巴總會比較實際，西寧街總站又可以重新發展，甚至做東大嶼線上岸位。

巴士的膠 發表於 2020-9-13 07:45
將來如果摩星嶺真係起得成公屋，喺果度起個巨型巴總會比較實際，西寧街總站又可以重新發展，甚至做東大嶼 ...

摩星嶺公屋依山而建，要起巨型巴總有困難，暫時嘅規劃係得一條對外小巴線，另外起條天橋橫跨域多利道。

暫時大型巴總劃咗喺加多近街公園現址，不過早幾年發展加多近街公園遇到好大反對，個plan都暫時擱置咗。

wingho_cwh 發表於 2020-9-12 14:31
(2) 嗰個 pattern 無辦法唔畀，因為電車直去，吉席街東行如果同時放綠就會同電車直去相撞
另外個 pattern ...

噚日親自落場睇過，以下係四個pattern嘅時長：(1) 所有車紅燈，行人綠燈：21秒 (18.7%)
(2) 電車西行線T燈：14秒 (12.5%)
(3) 吉席街東行綠燈：35秒 (31.3%)
(4) 士美菲路南行綠燈：42秒 (37.5%)

如果可以簡化成我講嘅兩個pattern，將(1)同(2)合共35秒時間分落(3)同(4)度，吉席街東行同士美菲路南行清車效率會大大提昇。
有關43M要轉入士美菲路，改少少路同將個站搬去消防局隔離就得（個位之前都做過臨時站）。
至於禁止由士美菲路南行左轉入吉席街東行，其實影響好細，唯一影響係以北街為目的地嘅車，
其他車平時轉完彎都係向住石塘咀方向行，呢堆車改行城西道轉右入西祥街北一樣可以到目的地。

當以下情景成為日常，我諗唔到點解仲可以將個問題放埋一邊唔理：


圖1：唔整巴士線，日日都會有大小貨車停喺燈口，禮拜六（12/9）都唔例外


圖2：結果又係搞到成村人塞晒喺吉席街東行


圖3：地下又冇黃格，士美菲路直行車同吉席街轉右車驚俾對方打尖，於是夾硬過燈，塞死路口

4437 發表於 2020-9-14 01:18
噚日親自落場睇過，以下係四個pattern嘅時長：(1) 所有車紅燈，行人綠燈：21秒 (18.7%)
(2) 電車西行線T燈 ...

43M 個站唔郁得，因為嗰個係唯一嘅非港鐵全餐轉車位，miss 咗呢度，就再無站可以轉到線繼續向東或者向北嘅行程
你可以話啲人可以消防局行返出嚟過馬路轉車，問題係區外人喺西環尾轉線，落車位唔係喺正下一程嘅上車位就會唔識轉，結果就係 all in 港鐵
(Given 西市街係轉唔到 904 同 18X)

其實問題結徵唔係吉席街右轉士美菲路嘅車太多，而係想去士美菲路嘅車太多，所以解決方法唔係郁吉席街，而係郁士美菲路。問題係如果郁士美菲路同乍街交界盞燈，放長啲畀士美菲南行，塞嗰個就會係乍街

因為堅尼地城由 90 年代尾開始奉行緊「單向迴旋」制度，基本上迴旋環嘅是旦一個位塞，你點郁都只會將擠塞問題郁咗去環嘅另一端。想源頭減人? 踢堆車走，唔好落嚟轉港鐵先係最佳做法

wingho_cwh 發表於 2020-9-14 19:17
43M 個站唔郁得，因為嗰個係唯一嘅非港鐵全餐轉車位，miss 咗呢度，就再無站可以轉到線繼續向東或者向北 ...

43M係攞黎衰，其實佢應該改番直行吉席街唔兜科士街及東行行多段電車路停站方便轉乘巴士多於港鐵，好過現時在堅尼地城兜個圈之後走去飛城西道狗衝去石塘咀折返唔知做乜。

paul2357paul 發表於 2020-9-14 19:30
43M係攞黎衰，其實佢應該改番直行吉席街唔兜科士街及東行行多段電車路停站方便轉乘巴士多於港鐵，好過現時 ...

條線攞得 M 字就預咗俾乘客駁鐵啦，駁巴士係 bonus

wingho_cwh 發表於 2020-9-14 19:17
43M 個站唔郁得，因為嗰個係唯一嘅非港鐵全餐轉車位，miss 咗呢度，就再無站可以轉到線繼續向東或者向北 ...

1. 吉席街新樓起好之後，過海線照計會搬返去以前上海商業銀行嘅位置？2. 係18X比較難處理，但43M可以搭到去山道轉905，一樣係同站轉乘。

至於士美菲路問題，其實可以將卑路乍街十字路口改成只准直行，將綠小12踢入北街；
而士美菲路去域多利道方向就改行科士街、爹核士街，
咁樣去增加士美菲路南行綠燈時間比例。