屯赤巴士重組修訂

經多區討論後,運輸署會就屯赤巴士重組作出以下修訂,並已取得議會共識:
1/ A43,A43P會暫緩改道安排
2/ A33X往機場方向不入新墟,避免塞車
其他資料有待查詢

喺今日嘅交通及運輸委員會會議，運輸署透露有以下嘅調整安排。

1. A33：「略略」加密非繁忙時段班次；
2. A33X：原定所有班次經鄉事會路，現建議南行往機場改經青山公路新墟段、北行返屯門繼續經鄉事會路；
3. E33P：原定往機場尾班車於晚上6點由兆康開出；現加開兩班1830、1900，試行三個月觀察需求；
4. 暫緩北區往機場巴士改經連接路調整安排，觀察通車後情況期間繼續使用大欖隧道。

修訂暫時未見有確實文件可以俾到大家睇，仍然存在變數；大家有咩意見，可以係下面留言，我地嚟緊喺議會繼續為大家跟進！

SOURCE：某區議員的FB專頁

搭單，沙田之前話開特別會議傾RPP/A42/A46重組都無咗下文

咁A43P係咪唔駛改名

A33X去機場方向唔入新墟都叫合理...
鄉事會路一到買餸時段(一至日)都會塞到媽媽聲...
由兩條行車線變到一條仲要不斷咁有車出入，好煩...

去新界方向其實就可以入，因為嗰邊相對塞車機率會少好多好多。

leo_ku 發表於 2020-9-9 19:36
a43 唔改？北區班友真好笑。

根據中環灣仔繞道經驗,新路通常第一工作天異常塞車,加上屯門西繞道尚未開通和龍富路/龍門路迴旋處設計,擔心龍富路塞車會倒灌至屯市

leo_ku 發表於 2020-9-9 19:36
a43 唔改？北區班友真好笑。

咁一黎A43/P都唔停屯門，二黎要減價嘛，緊係可以玩暫緩啦

當然會唔會成日以「塞車」為由臨時改經屯赤就唔知啦

m_rd08 發表於 2020-9-9 21:05
咁一黎A43/P都唔停屯門，二黎要減價嘛，緊係可以玩暫緩啦

當然會唔會成日以「塞車」為由臨時改經屯赤 ...

遲下改西繞道，唔減價都唔出奇

但屯門人少左一個潛在去上水既方法

天空之神 發表於 2020-9-9 21:07
遲下改西繞道，唔減價都唔出奇

但屯門人少左一個潛在去上水既方法

按之前計劃，A43改行屯赤都唔會屯門加站