新界嚟講，近年屯門區開新線(全日線)點解特別困難？

Anonymous 發表於 2020-10-5 22:10
61x夠載來往九龍城至屯門嘅客，繁時靠黃大仙同新蒲崗頂閘。所以咪話有61x同屯馬線之下，要開新線近乎冇可 ...

開咗屯馬線就難搞了，係搞都搞元朗去土瓜灣巴士線啦

miklcct 發表於 2020-10-5 21:20
我覺得屯門要增加以下對外路線：
1. 259B回程半日服務（尖沙咀開經旺角，入轉車站，唔入友愛），輔助59M同5 ...

其實以下路線都有一定需求，只係落實機會好微...
1. 屯門西/屯碼<->上水/粉嶺全日服務
2. 屯門西<->港島通宵服務
3. 屯門<->港島東區全日服務
4. 屯門<->科學園/大埔兩繁服務提升
5. 屯元天全日區內快線

1.除260X起碼開多條全日屯尖線
260x 已夠應付，講真除非去海港城一帶就會諗巴士，尖咀大部份地區西鐵完勝，我計埋行路都快過任何線轉 260x

2. 欣田富泰去港島
我肯定係受益者，不過都係果句，欣田跟67系最快都要 20 分鐘先晌屯官上公路，行屯公3站唔夠客又同960爭，由華都起約半小時先到西隧，搞下搞下跟 960 961 又好，行告士打道灣繞又好，到達目的地都唔會快過鐵。
我試過大朝早由港島去中環轉 96X 系再晌屯轉轉車，班次又疏，車程又唔快，差唔多用咗粒半鐘先返到公司，平時坐紅 van 到紅隧大約四個字（偷雞上東廊入紅隧最快兩個字到），1X2/1X6 平均 20至25 分到紅隧口，西鐵固定35分鐘到屯門，車程有時一粒鐘都唔駛，巴士冇可能做到。

3. 屯埔線
263 城隧轉，或荃灣轉 73x 算吧啦，下繁班 263C 都唔多人坐，全日都唔樂觀

4. 欣田去屯市線
索性要求 K58 改全日啦，一係保鐵

5. 欣田富泰去九龍東
258P 得早繁好睇，下繁就....
否則駛鬼開半粒鐘一班，同埋下繁富泰都唔係好多人落，都係屯轉轉3寶啦

6. 屯天、屯元線
輕鐵算啦，衰啲講元朗我西鐵去朗屏行番出大馬路同全輕鐵差唔多時間，巴士冇so

Anonymous 發表於 2020-10-5 20:36
其實真係有啲委屈，明明自己都算係直車派

基本上有1M1X,觀九同過海直車已經好好(好過新界其他區唔少)。屯 ...

屯門搭車出去係「條長路遠」，大多數人最遠都只係去到荃灣，加上每條邨都有M線，叫人去到荃灣、美孚轉車就得啦！屯門廠駛鬼開咁多巴士去到觀塘同過海？

cky 發表於 2020-10-5 23:47
1.除260X起碼開多條全日屯尖線
260x 已夠應付，講真除非去海港城一帶就會諗巴士，尖咀大部份地區西鐵完勝， ...

1. 260X 已夠應付？！一部頂閘嘅260X返到屯轉起碼落半車，呢啲叫善用資源？！根本應該喺唔加資源情況之下自體分拆，減少轉車次數。

2. 跟67M當然無人搭，我所指當然係跟960紅橋上高速。但係過咗海之後，如果行中灣繞出銅鑼灣嘅話肯定會同960 961相比有明顯優勢。喺未有繞道之前，969X由天水圍站出銅鑼灣都只係40分鐘內嘅事，鐵路根本無法同全程高速嘅巴士鬥快。

3. 大埔呢個係我認同無必要屯門直達嘅地區，不過至少要初代64P復活先叫有合理服務。但係屯門去大埔行城隧嘅話太兜啦，搭73X／263有排搭，最直接一定係林錦，其次環迴公路。

4. 要一條區內線經屯門公路直達，或者九巴對外線短途分段（都係要經屯門公路）。

5. 非繁嘅話都係轉車站見啦。

6. 都係輕鐵同西鐵算啦，點劃線都好難劃到全線都明顯快過輕鐵轉西鐵轉輕鐵（天水圍）／全程輕鐵（元朗）嘅啦。

全屯門服務最差就係
1) 龍鼓灘 (得K52全日，冇M冇X)
2) 掃管笏 (得252全日，冇M冇X)
3) 富泰/兆康/景峰 (得1M1X，兆康仲要好耐先上公路)
4) 置樂 (1M1X+962X，但M同X都形同虛設)

龍鼓灘人口不足，未有發展，欠缺服務實屬正常。
掃管笏人口上升中，但M/X/東九/過海，全部欠奉，理應增加服務。
富泰/兆康/景峰，受制於青山公路欠缺進出屯門公路出入口，服務欠佳，但受惠於54區發展，將有新路線，亦有西鐵站/步行至屯公的選擇。
置樂，52X/61M不吸引，但有962X及步行至屯官/華都的選擇，尚可。

260X/263推晒去轉車冇問題，自體分拆令班次不均，對轉車客更差。
263A/263C理應加班，但當43P提速後，263A班次、價錢、速度 都輸畀43P<>263，變相必要性又減低，係早繁43P登車困難，263A有必要加班。

2076 發表於 2020-10-6 11:51
全屯門服務最差就係
1) 龍鼓灘 (得K52全日，冇M冇X)
2) 掃管笏 (得252全日，冇M冇X)

科學園交俾 263C

263A 開發下火炭、小瀝源好過

miklcct 發表於 2020-10-6 10:29
1. 260X 已夠應付？！一部頂閘嘅260X返到屯轉起碼落半車，呢啲叫善用資源？！根本應該喺唔加資源情況之下 ...

260X 點拆都死
魚蛋論縮去轉屯咪叫善用資源囉

TYChow 發表於 2020-10-6 00:10
屯門搭車出去係「條長路遠」，大多數人最遠都只係去到荃灣，加上每條邨都有M線，叫人去到荃灣、美孚轉車 ...

20年前就係咁

但自從西鐵通左後，要保鐵嘅一早喺屯門上曬，X線轉車都仲有啲可能 (始終可以慳番行美孚同轉輕鐵嘅時間)，M線轉車已經不合時宜。再講西鐵又兜又爆又唔方便，觀塘/荃灣/東涌線都係爆。再加埋起動東九龍，近年東九通勤人數大增，而巴士可以直去黃大仙轉東九車/西隧口轉南區，西環車，自然需求咪大，訴求都合理。

關鍵係邊區開同開全日/半全日/繁時