探討大埔墟 - 大埔工業村服務 (72A/73/74K/75K/小巴26)

[去年類似討論: https://www.hkitalk.net/HKiTalk2 ... 38037&highlight=75k]

睇番大埔工業村 大富街 - 大宏街 路段已經有班次不差的小巴 26 服務，而外面汀角路 (尤其西行) 與該路段相差不遠。
因應汀角路客量不斷增加，75K 亦出現用車不足的問題，而兜入工業村客量不足而走線兜 (特別多讓路位)，同時亦有26 小巴接載乘客往大埔
同時工業村內廠巴甚多，街客亦不多，實在無必要用汀角路大量客兜工業村。

73 巴士在路線改革後亦看似無必要進入工業村，只要加強轉乘，用南運路入大埔中心，理應可解決兼可節省用車或加密，甚至可以更簡化走線，以太和-大埔中心-廣福道順時針循環線。72A 亦有類似情況，可能用富蝶或鳳園做總站更能服務更多人。

我估算如大埔工業村只有小巴，唯一欠缺的接駁位應該是前往任何火車站的服務。
可能有兩個方式解決: 如果71K 最終成功拆成 71C 及 71D，拉長71D 入大景街應已可解決。當然，補上轉乘 72 及 73系路線

如不行，則:
西行不難解決，只要 74K 或 75K 改行大昌街停工業村總站外一站應該已能解決 (甚至可能比汀角路塞燈更好)。
東行則可能只行汀角路，要人行 入去

歡迎討論


p.s. 75K 我之前建議過做大埔區內逆時針走線，行汀角路 - 南運路 - 運頭街 - 寶鄉街 - 安祥路 - 安慈路 - 汀角路，去加快大尾篤 - 鐵路站車程，放曬大部分汀角路 -> 舊墟客比20小巴 https://www.hkitalk.net/HKiTalk2/thread-1168967-1-1.html

71C、71D我當壽終正寢㗎喇，
當年除咗班次致命之外，
我估都冇咩幾多人接受到大埔咁細仲要轉車。

至於75K，兜工業邨確實係幾費時失事，
不過喺九巴角度應該唔會點理，
佢最想全部人貪快上75P，位位$6.9。

最近搭過一次72A星期日中午由大埔工業邨出嚟, 只係工業邨已經上左廿幾個, 有十幾個救恩-安慈路落車, 寶鄉街及廣福道都有幾個, 有些人落車沒有再拍卡取分段, 而工業邨以外的大埔市有廿幾人上車.

以呢一班車作為參考, 我會當72A係大埔區內線, 亦係掠水線, 因為可能熟客先知有雙向分段.

工業邨總站及以南路段獨市, 冇其他交通工具, 如更改為大埔區內線兜呢一段, 收唔番咁多錢之餘, 未必著數左, 因72A做30/35分鐘一班, 用區內線去做, 冇可能開得咁疏車, 但開密一倍每15/18分鐘一班, 對工業邨嚟講算密, 但大埔市就係疏, 班次好難平衡.

拎條線去做新市鎮公屋, 客源更多, 呢一點可以寫定包單, 但同時也要顧及工業邨的需求, 啲廠唔係時時刻刻有廠車出入, 上下班時間亦非固定.

75K工業邨可以上到頂閘，無得cut走

271_N271 發表於 2020-12-11 23:52
至於75K，兜工業邨確實係幾費時失事，
不過喺九巴角度應該唔會點理，
佢最想全部人貪快上75P，位位$6.9。

75P 好 73P 74E 都好
收貴一級都係從正線抽車
而唔係新資源,即使275R亦
做唔到大埔市中心、75P叫
醒目啲停廣福先入港鐵站,而
275R區外人未必識「廣福球場」
行去廣福邨轉車出市區。

無可否認工業邨客不能不理
即使周末假期需求較低亦然,但文件
http://search.kmb.hk/TD_SS/275R.pdf

明文規定係容許由大美督開出短途,
實際上好少咁樣開,貴過75P假日又有
車多都懶得做,嗱我無話要修改75K㗎。

類似72/272E、74D/74X
機場A線/E線咁,貴嗰條係有賣點
但非繁連回本都成疑,更加唔好講
聯合班次或乘客自己睇ETA醒水、
總收貴價一程嘅BBI覆蓋返受影響
區域,不過時間成本乘客自理。

從便宜線抽車去貴線(飢餓式銷售
定係配額制作怪嘅自己諗,便宜嗰條
唔減班係迫唔到人自願升級……)貴得
嚟又疏甚至僅得少量班次,便宜嗰條故意
整到載唔晒,仲要宣稱貴線分擔咗需求。

75K想要飛走工業邨，睇怕都唔係咁容易，除非有新既全日服務取代，而家繁時已有75P飛走工業邨。
因為以前汀角路一帶只係得75K全日服務去大埔墟站(唔計小巴)，而74K只係兩味線，所以75K就順理成章兜埋，
再加上75K除左大埔市往返工業邨客之外，同時都有D人往返大美督同工業邨(雖然比例相對少D，但係都有)
而如果搵74K入工業邨，又太兜兼且要加車加時，咁只會趕多D客去小巴。
所以種種矛盾之下，75K只好繼續維持原有服務...
(順帶一提，其實大宏街好窄，兩邊泊晒車，75K入去經常都要讓對頭車，經過通常要減慢車速)

至於72A，走線方面叫做盡量Cover大部分工業邨範圍，但受制於工業邨巴士總站位置所限，
就令到佢來回程合共要兜4次大貴街、大喜街、大景街，
雖然咁樣行好燒油，但無奈冇得改，除非工業邨巴士總站搬去大景街......

而73，北區重組前其實佢經埋大富街架，但重組後就變左直去工業邨巴總
變左有啲客要搭返75K

而小巴26，冇得彈啦，班次頻密，快上快落，去工業邨首選(除非去較入既位置)

當然，返放工已經有好多廠車...所以九巴只好以不變應萬變
(P.S. 其實都有唔少人係踩單車去工業邨返工的，包括小弟返過幾個月，除非落雨先會搭75K)

271_N271 發表於 2020-12-11 15:52
71C、71D我當壽終正寢㗎喇，
當年除咗班次致命之外，
我估都冇咩幾多人接受到大埔咁細仲要轉車。

正如我係上一個 post 傾過，如果大埔有 區內雙向分段，絕大部分 71K 行程已經可以解決到，唔洗轉車
https://www.hkitalk.net/HKiTalk2 ... 9&page=1#pid4360193
家陣個問題係，開75P 就要開疏 75K，隨時班次兩頭唔到岸

EX-TL 發表於 2020-12-11 16:20
最近搭過一次72A星期日中午由大埔工業邨出嚟, 只係工業邨已經上左廿幾個, 有十幾個救恩-安慈路落車, 寶鄉街 ...

其實，點解唔叫小巴 26 食曬呢?
26 小巴 工業村上一批，超級城落一批換馬鞍山客，廣福道一樣咁做，令26小巴個客量會更加好睇

75K 無個必要去輔助小巴，尤其是汀角路同26小巴條走線唔差得遠
真心，返得廠既，唔會連個100-200米都行唔到呀嘛?

kitarolo 發表於 2020-12-12 02:21
75P 好 73P 74E 都好
收貴一級都係從正線抽車
而唔係新資源,即使275R亦

家陣九巴都叫醒水，係大尾督站每條柱都大字報咁賣 275R 廣福球場 車程同轉車資訊，點都搶到些少小巴客。
不過老實講，275R 汀角路要再cut 咁D細站，一係就要教司傅，無人截車就唔好埋站曬時間