九巴車務組指示青沙線車長要負責塞客上車

arfung 發表於 2021-1-25 14:54
派站務助理唔太覺會有用。
之前疫情前，約早上7點幾8點既時間，有一排在紅橋/屯仁街等58M/68A往荃灣方向， ...

咁欖隧班站助就完全唔同。佢哋係指揮班司機去唔同位，班司機完全聽話。有時甚至有客追車，司機閂咗門，見到諗住開返，結果站助揮手趕個司機走

AVBWU291 發表於 2021-1-26 14:49
咁欖隧班站助就完全唔同。佢哋係指揮班司機去唔同位，班司機完全聽話。有時甚至有客追車，司機閂咗門，見 ...

可能真係一區區，文化不同山頭不同。

其實朝早企紅橋既姐姐和屯仁街既哥哥都算盡責，幫下手叫客上車咁樣，唔知佢地仲有無做。
但開中閘放客上車多上幾個(58M/68A)和指示後車有位唔飛站(主要係58M)呢D就真係做唔到。

反而內部出左通知話唔比「頂閘68A」飛站，班師傅就大多數乖乖排隊停站開前閘，開得前閘，又真係會上到客

arfung 發表於 2021-1-26 15:16
可能真係一區區，文化不同山頭不同。

其實朝早企紅橋既姐姐和屯仁街既哥哥都算盡責，幫下手叫客上車咁樣 ...

睇嚟醒水識做嘢嘅走哂去元朗大馬路做B1，兩車都唔多客就大玩424，前車滿，後車吉，站助會企喺前車後面截後車。至於中門上車就好麻煩，班客要喺頭門拍卡，再去中門上。頭門未必有位拍到卡，站頭亦冇流動機，一般司機都唔會想做。所以站助肯企喺巴士站尾幫手截車已經好好。

順帶一提，欖隧班站助可以企出第2條線幫手帶車埋站