為何嶼巴仍未敢開直達深屈灣巴士線？

currypig 發表於 2021-3-18 11:57
如果你係照顧遊客，更加唔見得有幾多人會晌深屈中途出發

東澳古道我行過，

方便大家坐車去深屈士多食蠔餅。

方便大家行到半路頂唔順坐車走。

paul2357paul 發表於 2021-3-18 03:54
深屈道深屈灣及之後行唔到車既話沙螺灣村班村霸如何運料(雖然理論上亦可靠船)？
如果嫌深屈灣調頭困難最 ...

一直以來都係有一條約2人平排行的小徑﹐同埋自古以來係有VV牌鄉村車的。

運物料根本不成問題。

就算以前深屈路未起﹐淨係得沙螺灣碼頭+鄉村車﹐已經做到晒沙螺灣去到深屈的物料需求。


而官府就在深屈路完成後﹐就將深屈去到深石村(去到此位置)做擴闊行人徑﹐達到可供小型車輛行駛。
不過﹐無對外開放給車輛使用﹐只係間中有緊急車輛使用。
只係有村民偷雞開私家車入去。


深屈路山下的盡頭﹐係夠晒位供重型車輛掉頭的﹐唔開巴士線只係乘客需求問題。

currypig 發表於 2021-3-18 10:42
沙螺灣個閘拆左啦，無再封村，
更何況，佢地如果想與世隔絕，
又何需開線去服務佢地

講真東澳古道沿線情況已算是稍好，
俾大家大澳行到沙螺灣村面前先至遇到村霸。

換著鳳凰徑7段沿線情況更糟，
有人試過行到二澳村口已經要開戰:
http://www.kinhang.org.hk/yio.htm

因此大澳北面有條行到車既深屈道請好好珍惜開番少少巴士線。

paul2357paul 發表於 2021-3-18 15:52
講真東澳古道沿線情況已算是稍好，
俾大家大澳行到沙螺灣村面前先至遇到村霸。

你啲資料都幾out，二澳冇封村好耐

currypig 發表於 2021-3-18 10:42
沙螺灣個閘拆左啦，無再封村，
更何況，佢地如果想與世隔絕，
又何需開線去服務佢地

我對這比保羅大大的建議更有興趣
不過最近期的新聞都仲係一星期前話裝了閘，搵日守閘口等
最新建的閘真的拆了？

https://youtube.com/watch?v=u2h7vJ53f_Q&feature=share
有網友分享深屈道路況，我諗行小巴都得嘅（即係同34一樣）

深屈村得幾十戶人，如果開巴士線用旅遊巴我就唔建議，入多兩架二手Coaster行都可以諗諗，平日需求就一定好低，
假日做有限班次$30/位往來深屈<>東涌未嘗不可，深屈唔夠客都仲可以在嶼南路當11A咁掃客走。


早排駕車入過深屈，Coaster就應該行到，村口前做總站，士多果段路最尾都好難掉頭。
至於深屈駕車入沙螺灣村小弟試過一次，深石村打後一段路所駕的中型房車行都好炆水，
條路又爛又窄，部車再闊少少有兩個位未必夠闊過，小弟駕技不精下次咪搞。

volvo_chan 發表於 2021-3-18 23:11
深屈村得幾十戶人，如果開巴士線用旅遊巴我就唔建議，入多兩架二手Coaster行都可以諗諗，平日需求就一定好 ...

早排駕車入過深屈，Coaster就應該行到，村口前做總站，士多果段路最尾都好難掉頭。
至於深屈駕車入沙螺灣村小弟試過一次，深石村打後一段路所駕的中型房車行都好炆水，
條路又爛又窄，部車再闊少少有兩個位未必夠闊過，小弟駕技不精下次咪搞。

根本深屈打後去到深石村﹐唔係一條標準的行車道路﹐只係一條可供小型車輛行駛的非開放道路﹐主要目的只係緊急車輛使用。
真係駕車入去﹐勉強可以去到我上面#22提及的位置。
一般來講﹐去到深石村公廁好止步﹐那處有位供車掉頭及停泊﹐行前少少要過條橋﹐大部少少的車已經係甚高難度﹐仲要之後無位掉頭。
** 唔計之後非法開路後的情況。

深石村之後去到沙螺灣﹐非法開路﹐真係求X其夠私家車過就算﹐仲要破壞埋原本行人徑兩則的護土建設。
我都唔敢講遲D去到雨季/打風日子﹐這條路比人這樣破壞2邊山坡之後會唔會出事。


就算當年政府真係做好深屈至沙螺灣行人徑的擴闊工程﹐都唔係以標準行車道路標準去做。
只係用現時深屈去到深石村一段的模式去做﹐即係夠小型車通過﹐供緊急車輛使用及極其量有限度供村民使用。



認真去講番樓主的問題﹐點解嶼巴唔敢開線去深屈灣?
好直接講﹐就係唔夠客﹐驚蝕錢咪唔夠敢開線囉。

真係夠客支持﹐點解唔敢開線?
舊東涌道的情況係點﹐同深屈道比較﹐真係差唔多﹐隨時深屈道的情況更好。
真係有客﹐大大部車都塞入去行啦。

volvo_chan 發表於 2021-3-18 23:11
深屈村得幾十戶人，如果開巴士線用旅遊巴我就唔建議，入多兩架二手Coaster行都可以諗諗，平日需求就一定好 ...

要拉過24公里先至可以收足每位$25

paul2357paul 發表於 2021-3-18 03:54
深屈道深屈灣及之後行唔到車既話沙螺灣村班村霸如何運料(雖然理論上亦可靠船)？
如果嫌深屈灣調頭困難最 ...

唔係行唔行到掉唔掉到頭問題
係條路只係行得小巴仲要靠避車處讓車先夠來回通過
開小巴分分鐘俾你最盡都只能開20分鐘一班
再密小小一定塞死條單線雙車程路
咁請問點樣「疏導」大澳交通壓力呢？

唔清楚咩回事既麻煩自己假日去大澳巴總或者東涌11站頭睇下條隊幾墟冚
高峰時間基本上5分鐘一架49座都未必夠清到條隊
喺幾公里山路外條村玩小巴幫到啲咩？
我不如揸架大啲入大澳開多一班清客好過？
更加唔好講本身深屈個需求根本唔大
行得東澳古道好多都寧願行埋去大澳走一轉先搭車走
要深屈上車亦自然會call藍的

有啲野呢唔係行到就一定要行㗎
都要睇吓make唔make sense值唔值得做㗎