[文字題]「排名」同「排列」意思唔一樣？

俾幅相大家睇睇：



好明顯係一個巴士賣緊某內地廣告啦！
（「係邊部巴士」呢個問題一Ｄ都唔重要）
個廣告細細隻字寫住：
「排名不分先後，依英文首字母及中文字首筆劃排列」
咁即係點解釋呢？
既話「排名不分先後」，
但係又話要跟字母、筆劃排列，
即係排定唔排？
唔通「排名」同「排列」意思唔一樣？

依小弟之見，
「排名」係解釋做「排列名次」，
或者係「將名字 / 名稱依特定方式排列好」，
「依英文字母」同「依中文字筆劃」都係一種排列方式，
但係將兩者埋一齊，
（排名不分先後，依英文首字母及中文字首筆劃排列）
就出現矛盾喎……

如果硬要將「排名」同「排列」作唔同解釋，
小弟就只能夠將「排名」解釋做「排列名次」……

小弟硬係覺得呢個「『排名』同『排列』之分」好唔妥咁～～

原帖由 bose_hung 於 2006-8-1 18:17 發表

小弟硬係覺得呢個「『排名』同『排列』之分」好唔妥咁～

語法上沒有錯, 只是有點繞口而已.

改為: 「排名不分先後，依英文首字母及中文字首筆劃為序」會順口的