對施政報告極度失望

原帖由 053h4 於 2006-10-15 00:50 發表


輕工業就無可能, 因無可能平過內地
不過, 明明旅遊業可養大批低技術工人

但因高地價使店鋪租金貴, 投資建造旅遊設施\酒店的成本極高
導致開放自由行後更本沒有什麼新項目出現過
旅遊業唔死就奇

明 ...

愚問 : 旅遊業點養大批低技術工人 ?

坦白講, 香港根本都冇乜旅遊景點真正有吸引力
令人想去完又去, 所以旅遊業死又係遲早問題 !

原帖由 yankids 於 2006-10-14 11:35 發表
偽學券只係貫徹政府的「愛國教育」.........

咁多限制.........

歪曲哂佛利民的學券制..........

我睇唔到兩者有咩關係, 用學券去資助牟利幼稚園, 結果只會令
佢地加學費(商業原則: 需求增加 => 收費上升), 情況就好似有
得Claim持續進修基金既課程, 學費平均都較高一樣.

旅遊業...

其實香港有d幾好既特點.

購物對外國人/內地人唻講都仲係相對地抵買.
食物對各地既人唻講亦係非常豐富抵食.
仲有香港既夜景(如果冇唑d霓虹招牌同做作既"燈飾"會較好)
同埋香港獨有既殖民地歷史... 包括好既唔好既.
籠屋木屋公屋等等等等全部都好有價值~

少d artificial既所謂 "景點" (如幻彩詠香江, 昂坪360),
多d 保育固有既野, 香港既旅遊業其實可以更進一步.

不過第一件要做既事, 係換走 周梁淑怡 先.

原帖由 monkey_bsw 於 2006-10-15 15:43 發表
少d artificial既所謂 "景點" (如幻彩詠香江, 昂坪360),
多d 保育固有既野, 香港既旅遊業其實可以更進一步.

如果要睇古跡, 我會去巴黎同北京. 如果要睇自然生態, 我會去澳洲
紐西蘭. 去香港睇歷史文物? 睇自然生態? 對中國旅遊同海外旅客都
完全無賣點.

以前外國人去香港, 主要都係為買野, 因為又平又齊. 但而家香港既
消費品越來越貴, 而中國好多大城市既行貨電子產品都已經平過香
港, 而且香港好多零售商人對旅客都唔老實, 當人地水魚, 所以已經
搞臭個名.

原帖由 PB602 於 2006-10-15 17:01 發表
如果要睇古跡, 我會去巴黎同北京. 如果要睇自然生態, 我會去澳洲
紐西蘭. 去香港睇歷史文物? 睇自然生態? 對中國旅遊同海外旅客都
完全無賣點.

以前外國人去香港, 主要都係為買野, 因為又平又齊. 但而 ...

對於你既講法實在不能苟同.

或者咁講... 古跡當然好多其他地方好好睇, 我又點會唔知?
但我絕對相信每個地方既歷史文化都係一個特別既景點,
而香港既殖民地歷史更加係世界上唔見有其他地方見到,
唔係淨係講 "古跡", 而係成個 "文化".

另外, 生態唻講, 你知唔知香港呢個咁細既地方, 生態多樣化係比外國好多地方有過之而無不及?
能夠好好地處理, 其實外國鍾意生態/文化旅遊既大有人在, 市場大大個(除非只焗限嚮自由行市場)~

如果只係顧住消費性既旅遊, 甚至sell都只係sell呢樣野, 旅遊業式微係不能避免.

原帖由 PB602 於 2006-10-15 17:01 發表

如果要睇古跡, 我會去巴黎同北京. 如果要睇自然生態, 我會去澳洲
紐西蘭. 去香港睇歷史文物? 睇自然生態? 對中國旅遊同海外旅客都
完全無賣點.

以前外國人去香港, 主要都係為買野, 因為又平又齊. 但而 ...

即係衰 d 講句，呢個世界唔係個個都同你一樣諗法。
如果好似你咁講，香港不如變返做以前小漁村，反正乜都無。

每個地方都有佢既歷史。問題只係，
中國人鍾意摧毀歷史，香港更係其中表表者。

至於自然生態，我未聽過香港同澳洲有同一種自然生態。
如果係一樣既話，你既決定我唔會有異議。

原帖由 monkey_bsw 於 2006-10-15 17:26 發表
對於你既講法實在不能苟同.

或者咁講... 古跡當然好多其他地方好好睇, 我又點會唔知?
但我絕對相信每個地方既歷史文化都係一個特別既景點,
而香港既殖民地歷史更加係世界上唔見有其他地方見到,
唔係淨 ...

以前外國人去香港睇咩野? 去參觀廟街, 女人街, 玉器市場,
赤柱市場, 去街邊既街市檔口睇香港人點劏生雞, 呢D就係
佢地想睇既「文化」.

但你幾時會見佢地去參觀舊匯豐銀行總行, 去舊郵政總局,
去灣仔道街市(咩包浩斯式建築)? 殖民地建築 = 外國人祖
家既建築, 對佢地而言根本無特色可言, 因為一出街就係.

又或者有旅客特登去行山睇香港生態? 可能有, 但一定唔
係主流. 香港既所謂「生態旅遊」根本俾人誇大, 你話去
濕地公園係本地趁熱鬧既人多都係外國生態旅遊者多? 又
有咩生態環境係世界上獨一無二(紅樹濕地均非香港獨有,
米埔有吸引觀鳥者條件, 但你唔會想將米埔開放限制去吸
引遊客最終破壞佢本來面貌掛?)

你話真係要搞非主流旅遊既, 不如搞公共交通遊, 香港公共
交通組合係世界上最有特色之一, 小小城市有齊單雙層巨型
大巴, 小巴, 地面及地下鐵路, 輕鐵, 雙層電車, 纜車, 吊車...
最重要係基本上可以用英文溝通, 唔似日本咁英文不通.

要吸引Public Transportation愛好者去香港朝聖, 可能仲易過吸
引人去香港研究生態.

原帖由 monkey_bsw 於 2006-10-15 17:26 發表


對於你既講法實在不能苟同.

或者咁講... 古跡當然好多其他地方好好睇, 我又點會唔知?
但我絕對相信每個地方既歷史文化都係一個特別既景點,
而香港既殖民地歷史更加係世界上唔見有其他地方見到,
唔係淨 ...

當你見到香港可以為咗起條路,要將天星碼頭個鐘樓拆咗去
街邊大排檔一係收咗佢地個牌,一係質哂佢地入去啲熟食中心
佛門清靜地既旁邊整埋啲纜車市集、馬騮影院
你都唔好旨意香港可以搞到乜野文化、生態旅遊